Dalvíkurbyggð óskar eftir að ráða til sín öflugan einstakling til starfa hjá veitum sveitarfélagsins. Veitur Dalvíkurbyggðar eru Fráveita, Hitaveita og Vatnsveita. Næsti yfirmaður er veitustjóri Dalvíkurbyggðar.
Starfshlutfall er 100% og æskilegt er að viðkomandi geti hafið störf sem fyrst.
Helstu verkefni og ábyrgð
- Daglegur rekstur, viðhald og eftirlit veitukerfa og búnaðar.
- Vinna við nýframkvæmdir við vatnsöflun, veitukerfi og mannvirki þeim tengd.
- Tilfallandi verkefni tengd veitustarfsemi.
- Bakvaktir til móts við aðra starfsmenn.
- Önnur verkefni sem viðkomandi er falið af næsta yfirmanni eða verkstjóra.
Menntunar- og hæfniskröfur
- Iðnmenntun sem nýtist í starfi er æskileg, vélvirki, rafvirki eða pípulagningamaður er kostur.
- Ökuréttindi.
- Vinnuvélaréttindi æskileg.
- Haldgóð reynsla sem nýtist í starfi; reynsla af sambærilegum verkefnum.
- Frumkvæði, sjálfstæð og skipulögð vinnubrögð.
- Góð tölvu – og tungumálakunnátta, íslenska.
- Jákvæðni og framúrskarandi hæfni í mannlegum samskiptum.