Vinnuskóli

Vinnuskólinn er bæði vinna og skóli, félagslega skapandi vinnustaður, með kennslu í almennri vinnuskólavinnu og skýrar reglur varðandi vinnuumhverfi. Vinnuskólinn starfar við öll almenn verkefni sem lúta að umhirðu og snyrtingu byggðalagsins.

Við vinnuskólann starfa unglingar úr 8. 9. og 10 bekk, yfir sumarmánuðina. Vinnutíminn er mismunandi eftir árgöngum, 6 til 10 vikur, hálfan eða heilan dag. Laun eru ákvörðuð af byggðaráði hverju sinni.

Markmið vinnuskólans er að undirbúa unglingana í vinnu áður en haldið er út á hinn almenna vinnumarkað. Lögð er áhersla á samskiptareglur, ástundun og vinnusemi og virðingu gagnvart vinnu, yfirmönnum og bæjarbúum. Einnig eru kynnt grundvallaratriði í vinnubrögðum og notkun verkfæra.

Íþrótta- og æskulýðsfulltrúi er umsjónarmaður vinnuskólans.

Nánari upplýsingar veitir Gísli Rúnar Gylfason, íþrótta- og æskulýðsfulltrúi, í síma 460 4900 og á netfanginu gislirunar@dalvikurbyggd.is