Sveitarstjóri

Sveitarstjóri Dalvíkurbyggðar er Eyrún Ingibjörg Sigþórsdóttir.
Eyrún er fædd í Vestmannaeyjum, gift Tryggva Ársælssyni og eiga þau fjögur börn saman en fyrir átti Tryggvi eitt barn. Þau hjónin hafa rekið útgerð frá Tálknafirði síðan 1991.

Eyrún stýrði verkefninu Staða og framtíð íslenskra sveitarfélaga, f.h. ráðherra samgöngu- og sveitarstjórnarmála frá byrjun árs 2016 fram á mitt ár 2017. Í dag hefur verið samþykkt frumvarp sem byggir að stórum hluta á þeirri vinnu.
Eyrún hefur starfað sem formaður fagráðs um flugmál, varaformaður LÍN, varaformaður Hafnasambands Íslands, í stjórn Orkubús Vestfjarða og Hafnaráði.

Eyrún er viðskiptafræðingur, með meistaragráðu í verkefnastjórnun og hefur starfað í sveitarstjórnamálum síðastliðin 20 ár, sem oddviti, sveitarstjóri og ráðgjafi. Hún er ein þriggja eigenda Ráðrík ráðgjafastofu sem sérhæfir sig í ráðgjöf varðandi sveitarstjórnamál.

Netfang Eyrúnar er eis@dalvikurbyggd.is