Þjóðaratkvæðagreiðsla og íbúakönnun 20. október 2012

Laugardaginn 20. október nk. fer fram þjóðaratkvæðagreiðsla um tillögur stjórnlagaráðs að frumvarpi til stjórnskipunarlaga og tiltekin álitaefni þeim tengt.
Samhliða verður efnt til könnunar meðal íbúa Dalvíkurbyggðar á viðhorfi þeirra til frístundabyggðar í landi Upsa.

Kjörstaður er í Dalvíkurskóla, gengið inn að vestan.
Kjörstaður er opinn frá kl. 10:00 til kl. 22:00.

Við þjóðaratkvæðagreiðsluna hafa allir þeir íbúar atkvæðisrétt sem eru íslenskir ríkisborgarar og eru orðnir 18 ára gamlir. Kjörskrá liggur frammi á bæjarskrifstofu og eru kjósendur hvattir til að kynna sér hvort nöfn þeirra séu á kjörskrá.

Við íbúakönnun um frístundabyggð í landi Upsa hafa allir íbúar sem orðnir eru 18 ára og eru með lögheimili í Dalvíkurbyggð atkvæðisrétt. Þeir íbúar sem eru í vafa um lögheimili sitt eru hvattir til að hafa samband við þjónustuver og kanna hvort nöfn þeirra séu á íbúaskrá, en íbúaskrá Dalvíkurbyggðar eins og hún stendur þann 20. október 2012 verður lögð til grundvallar.

Íbúar eru hvattir til að hafa persónuskilríki meðferðis.