Sjómannadagsgleði á Árskógssandi

Sjómannadagurinn verður haldinn hátíðlegur á Árskógssandi, laugardaginn 11. júní.

Farið verður í siglingu kl. 10 og að henni lokinni verður boðið upp á grillaðar pylsur, svala, gos og ís.
Þá verður einnig kaffi fyrir þá sem það kjósa upp við skrifstofu Sólrúnar.

Alls konar sprell verður í boði fyrir börnin.

• Vatnsrennibraut
• Hoppukastali
• Nerf-byssur
• Reipitog (einnig möguleiki á pokahlaupi ef stemmning verður fyrir því)

Ef börnin ákveða að fara í vatnsrennibrautina er gott að hafa með sér handklæði og aukaföt.

Bjórböðin verða með sjómannadagsmatseðil og trúbador um kvöldið.

Tilvalið tækifæri til að verja deginum með sínum nánustu í skemmtidagskrá á Árskógssandi!