Laust starf þjónustu- og innheimtufulltrúa - framlengdur umsóknarfrestur

Dalvíkurbyggð óskar eftir að ráða þjónustu- og innheimtufulltrúa á Fjármála- og stjórnsýslusvið. Leitað er eftir einstaklingi sem er tilbúinn að þróast áfram í starfi og aðlaga sig að breyttu starfsumhverfi á hverjum tíma. Viðkomandi þarf að vera tilbúinn að takast á við fjölbreytt og krefjandi starf. Æskilegt er að viðkomandi geti hafið störf sem fyrst.

Ath. að umsóknarfrestur er framlengdur til og með 14. apríl.

Starfssvið:

• Reikningagerð
• Umsjón með innheimtumálum sveitarfélagsins
• Greiðsla á reikningum og kröfum
• Móttaka á greiðslum (rafrænt) reikninga og gjalda
• Afstemmingar
• Almenn upplýsingagjöf og símavarsla í Þjónustuveri
• Afgreiðsla húsaleigubóta
• Útleiga íbúða í eigu Dalvíkurbyggðar
• Skráning lausafjármuna
• Ýmis innri ráðgjöf og þjónusta

Menntunar- og hæfniskröfur:

• Menntun sem nýtist í starfi, háskólapróf er kostur
• Góð þekking og reynsla af sambærilegum störfum er skilyrði
• Þekking og reynsla af opinberri stjórnsýslu, einkum sveitarfélaga, er kostur
• Góð þekking á upplýsingatækni skilyrði, þekking á Dynamics NAV kostur
• Hæfni til að greina gögn og upplýsingar
• Skipulagshæfileikar, nákvæm vinnubrögð og árvekni
• Sjálfstæði og frumkvæði í starfi
• Góðir samskiptahæfileikar og rík þjónustulund
• Metnaður til árangurs og jákvæðni

Upplýsingar og umsóknir er að finna á www.capacent.is