Götusópun er að hefjast

Vorið virðist vera mætt til okkar og því er einn af vorboðunum að fara af stað. Vinna við sópun gatna og gangstétta hefst á morgun, þriðjudaginn 18. apríl og verður í gangi næstu daga. Unnið verður eftir sömu forgangsröðun og í snjómokstrinum.

Íbúar eru beðnir um að fylgjast með þegar sópurinn kemur í þeirra götu og færa kyrrstæða bíla eða annað sem truflað getur ferð sópsins. Einnig er tilvalið að sópa af bílastæði og út á götu áður en sópurinn lætur sjá sig.

Eigna- og framkvæmdadeild.