Útivistartími barna og mikilvægar ábendingar um öryggi á leiksvæðum

Sumarið er tími leikja, samveru og útiveru – og það er einstaklega ánægjulegt að sjá börn og fjölskyldur nýta vel leiksvæði sveitarfélagsins. Við viljum minna á mikilvægi þess að huga að öryggi og sameiginlegri ábyrgð okkar allra á vellíðan barna í leik.

📌 Útivistartími barna

Við minnum á reglur um útivistartíma barna samkvæmt lögum:
frá 1.sept - 1. maí 
mega börn 12 ára og yngri lengst vera úti til 20:00
13-16 ára börn mega vera til 22:00

Frá 1.maí - 1.sept 
mega börn 12 ára og yngri lengst vera úti til 22:00
13-16 ára börn mega vera lengst til 24:00 

Foreldrar og forráðamenn bera ábyrgð á því að börn virtist þessi mörk og að tryggt sé að þau séu í öruggu umhverfi, sérstaklega seint á kvöldin.

⚠️ Varúð vegna hættulegra leikja á hoppubelgjum

Undanfarið hefur borið á því að börn taki þátt í leikjum á hoppubelgjum sem geta skapað hættu, bæði fyrir þau sjálf og önnur. Slíkir leikir geta falið í sér að ýta, hoppa saman í hópum eða framkvæma RISAstökk sem auka líkur á meiðslum.

Við viljum biðja foreldra sérstaklega um að:
✔️ ræða við börn sín um örugga hegðun á leiksvæðum
✔️ minna á að hoppubelgir eru ætlaðir til leiks en ekki hættulegra tilrauna
✔️ hvetja til tillitssemi gagnvart öðrum börnum

Einnig er mikilvægt að fullorðnir hafi auga með yngri börnum þegar þau eru að leik, sérstaklega þegar margir eru á sama tíma á búnaði eins og hoppubelgjum.

🤝 Sameiginleg ábyrgð

Með samstilltu átaki getum við tryggt að leiksvæði sveitarfélagsins séu áfram öruggur og skemmtilegur staður fyrir öll börn.
Við þökkum foreldrum og íbúum fyrir gott samstarf og óskum öllum gleðilegs og öruggs sumars 🌿