Niðurstöður sveitarstjórnarkosninga í Dalvíkurbyggð

Niðurstöður sveitarstjórnarkosninga í Dalvíkurbyggð liggja nú fyrir og er ánægjulegt að sjá góða þátttöku íbúa í þessum mikilvæga lýðræðislega viðburði. Með þátttöku sinni leggja íbúar sitt af mörkum til að móta framtíð samfélagsins og hafa áhrif á þróun þess á komandi árum.

Á kjörskrá voru alls 1.475 kjósendur og greiddu 1.103 atkvæði, sem jafngildir 74,8% kjörsókn. Það telst góð þátttaka og endurspeglar áhuga íbúa á málefnum sveitarfélagsins.
Af greiddum atkvæðum voru 1.068 gild, eða 96,8%, en 35 seðlar voru auðir eða ógildir. Þar af voru 8 seðlar ógildir og 27 auðir. 

Atkvæðahlutfall og kjörnir fulltrúar

Atkvæði skiptust þannig milli framboðslista:

• A-listi Byggðalistans hlaut 134 atkvæði (12,5%) og fékk 1 fulltrúa kjörinn
• B-listi Framsóknarflokksins hlaut 165 atkvæði (15,4%) og fékk 1 fulltrúa kjörinn
• D-listi Sjálfstæðisflokksins hlaut 257 atkvæði (24,1%) og fékk 2 fulltrúa kjörna
• K-listi Dalvíkurbyggðar hlaut 512 atkvæði (47,9%) og fékk 3 fulltrúa kjörna

Alls voru því kjörnir 7 fulltrúar í sveitarstjórn Dalvíkurbyggðar sem munu starfa saman að málefnum sveitarfélagsins á komandi kjörtímabili.

Dalvíkurbyggð vill færa öllum frambjóðendum þakkir fyrir þátttökuna og þann tíma og metnað sem þeir lögðu í kosningabaráttuna. Jafnframt eru kjósendur þökkuð þátttakan og stuðningurinn við lýðræðislega stjórnsýslu sveitarfélagsins.