Leikskólakennari – Kötlukot

Leikskólakennari – Kötlukot

Leikskólinn Kötlukot í Dalvíkurbyggð auglýsir eftir leikskólakennara í 100% starf frá og með 12. ágúst.
Leikskólinn Kötlukot er einnar deilda leikskóli í Árskógarskóla, sem er bæði leik- og grunnskóli með uppbyggjandi umhverfi og fjölbreytta náttúru allt um kring. Eitt af markmiðum skólans er að færa nám, leik og kennslu út í náttúruna. Gildi Árskógarskóla eru Gleði – Virðing – Þrautseigja. Hægt er að kynna sér starf Kötlukots nánar hér.

Helstu verkefni og ábyrgð:

• Vinnur að uppeldi og menntun barna og verkefnum sem því tengjast.
• Tekur þátt í skipulagningu faglegs starfs.
• Tekur þátt í þróunarverkefnum leikskólans.
• Vinnur að faglegu starfi og samvinnu innan skólans.
• Samstarf við aðrar stofnanir og sérfræðinga.

Menntunar- og hæfniskröfur

• Leyfisbréf til að nota starfsheitið kennari eða önnur menntun sem nýtist í starfi.
• Þekking og reynsla á leikskólastigi og umönnun barna æskileg.
• Áhugi um fræðslu barna og velferð þeirra.
• Jákvæðni og sveigjanleiki.
• Góð færni í mannlegum samskiptum.
• Frumkvæði og sjálfstæði í vinnubrögðum.
• Áhugi um fræðslu barna og velferð þeirra.
• Íslenskukunnátta á stigi B2 https://www.rannis.is/media/islenskukennsla/Evropski-tungumalaramminn.pdf
• Hreint sakavottorð.

Laun og starfskjör eru samkvæmt kjarasamningi Sambands ísl. sveitarfélaga og Kennarasambands Íslands og Félags leikskólakennara.
Ef umsækjendur uppfylla ekki menntunar- og hæfniskröfur áskilur leikskólastjóri/deildarstjóri sér rétt til að hafna umsóknum. Við hvetjum áhugasama að sækja um óháð kyni og uppruna.

Sótt er um starfið í gegnum þjónustugátt Dalvíkurbyggðar. Með umsókn skal fylgja afrit af leyfisbréfi, ferilskrá og kynningarbréfi, þar sem gerð er grein fyrir ástæðu umsóknar, rökstuðningur fyrir hæfni í starfið og stutt persónuleg kynning ásamt nöfnum umsagnaraðila.

Umsóknafrestur er til og með 21. maí 2025
Frekari upplýsingar um starfið í Kötlukoti veitir Helga Lind Sigmundsdóttir deildarstjóri Árskógarskóla í síma 460-4970 eða á netfangið helga.lind@dalvikurbyggd.is

Dalvíkurbyggð er sveitarfélag við utanverðan Eyjafjörð með metnaðarfulla framtíðarsýn og öflugt atvinnu- og menningarlíf. Umhverfið er öruggt og sérlega fjölskylduvænt með grunn- og leikskólum sem leggja meðal annars áherslu á virðingu og vellíðan.
Náttúrufegurð er mikil og aðstaða til íþróttaiðkunar og hvers kyns útivistar er framúrskarandi.