Áskorun til ríkisvaldsins frá sveitarstjórn Dalvíkurbyggðar vegna fjárhagsstöðu bænda.

Sveitarstjórn Dalvíkurbyggðar lýsir yfir þungum áhyggjum af þeirri stöðu sem komin er upp hjá bændum. Það er sveitarfélaginu mikilvægt að matvælaframleiðslu séu skapaðar öruggar rekstraraðstæður, enda landbúnaður mikilvæg atvinnugrein í Dalvíkurbyggð.

Miklar fjárfestingar hafa verið síðustu árin í landbúnaði í Dalvíkurbyggð en miklar aðfangahækkanir, hækkun fjármagnskostnaðar og almennar launahækkanir hafa þrengt verulega að rekstri. Þrátt fyrir hækkanir afurðaverðs hafa þær ekki haldið í við hækkun rekstrarkostnaðs og er hækkun fjármagnskostnaðs þar ofan á.

Sveitarstjórn skorar á ríkisvaldið að flýta vinnu starfshóps matvælaráðuneytisins, fjármála- og efnahagsráðuneytisins og innviðaráðuneytisins vegna fjárhagsstöðu bænda og koma með raunhæfar aðgerðir sem fyrst.

Sveitarstjórn Dalvíkurbyggðar