Kvikmyndafélag Dalvíkurbyggðar stofnað

Kvikmyndafélag Dalvíkurbyggðar verður stofnað sunnudaginn 2. mars klukkan 15:00 í Námsverinu (gamla skóla) (Tónlistarskóla). Fimm ungir menn standa fyrir þessari stofnun og eru allir velkomnir á stofnfundinn til að gerast stofnmeðlimir.  

Tilgangur félagsins er að:

1. Félagið eigi minnst eina kvikmyndatökuvél

2. Félagið eigi minnst eina klippitölvu

3. Félagið eigi eða hafi greiðan aðgang að hljóð- og ljósabúnaði.

4. Meðlimir geti nýtt sér aðstöðu til vinnslu myndefnis

5. Meðlimir félagsins geri eftirfarandi:

• sjái um að festa viðburði í Dalvíkurbyggð á myndband
• minnst eina stuttmynd á ári
• taki viðtöl við einstaklinga um þróun byggðar og mannlífs
• fái aðila í heimsókn til námskeiðshalds
• endurveki bíó á Dalvík með eigin efni og vel valinna mynda
• skrifi handrit og setji á svið merka atburði í Dalvíkurbyggð