Sveitarstjórn

Fundargerðin er í 14 liðum.
Liður 2 er sér mál á dagskrá; mál 202504050.
Liður 4 er sér mál á dagskrá; mál 202503086.
Liður 5 er sér mál á dagskrá; mál 202505065.
Liður 7 er sér mál á dagskrá; mál 202505101.
Liður 9 er sér mál á dagskrá; mál 202505077.

Fundargerðin er í 11 liðum.
Liður 6 er sér mál á dagskrá; mál 202505014.
Liður 7 er sér mál á dagskrá; mál 202505063 - tímarammi.
Liður 9 er sér mál á dagskrá; mál 202506007.

Fundargerðin er í 15 liðum.
Liður 3 er sér mál á dagskrá; mál 202506033.
Liður 4 er sér mál á dagskrá; mál 202506031.
Liður 5 er sér mál á dagskrá; mál 202402137.
Liður 6 er sér mál á dagskrá; mál 202403046.
Liður 7 er sér mál á dagskrá; mál 202503044.
Liður 8 er sér mál á dagskrá; mál 202506005.

Fundargerðin er í 8 liðum.
Liður 2 er sér mál á dagskrá; mál 202505153.

Fundargerðin er í 9 liðum.
Liður 1 er sér mál á dagskrá; mál 202501044.
Liður 2 er sér mál á dagskrá; mál 202505044.

Fundargerðin er í 4 liðum.
Liður 2 er sér mál á dagskrá; mál 202503092.

Fundargerðin er í 7 liðum.
Liður 6 er sér mál á dagskrá; mál 202505167.

Fundargerðin er í 22 liðum.
Liður 1 er sér mál á dagskrá; mál 202504091.
Liður 2 er sér mál á dagskrá; mál 202501016.
Liður 3 er sér mál á dagskrá; mál 202501017.
Liður 4 er sér mál á dagskrá; mál 202503039.
Liður 5 er sér mál á dagskrá; mál 202503040.
Liður 9 er sér mál á dagskrá; mál 202301077.

Fundargerðin er í 12 liðum.
Liður 2 er sér mál á dagskrá; mál 202501021.
Liður 3 er sér mál á dagskrá; mál 202505032.
Liður 5 er sér mál á dagskrá; mál 202306090.
Liður 7 er sér mál á dagskrá; mál 202504078.
Liður 8 er sér mál á dagskrá; mál 202505028.
Liður 9 er sér mál á dagskrá; mál 202505074.
Liður 10 er sér mál á dagskrá; mál 202505039.

Fundargerðin er í 8 liðum.
Liður 1 er sér mál á dagskrá; mál 202501021.
Liður 3 er sér mál á dagskrá; mál 202504022.
Liður 4 er sér mál á dagskrá; mál 202409086.
Liður 5 er sér mál á dagskrá; mál 202505172.

Fundargerðin er í 18 liðum.
Liður 4 er sér mál á dagskrá; mál 202505023.
Liður 5 er sér mál á dagskrá; mál 202505014.
Liður 7 er sér mál á dagskrá; mál 202501059.
Liður 10 er sér mál á dagskrá; mál 202110045.
Liður 14 er sér mál á dagskrá; mál 202505027.

Á 1148. fundi byggðaráðs þann 5. júní sl. var tímarammi vegna vinnu við starfs- og fjárhagsáætlun 2026-2029 til umræðu og afgreiðslu. Byggðaráð samþykkti tillöguna með þeim breytingum að seinni fundur með kjörnum fulltrúum verði 28.8.2025.

Á 1147. fundi byggðaráðs þann 22. maí sl. var eftirfarandi bókað:
"Á 1145. fundi byggðaráðs þann 30. apríl sl. var eftirfarandi bókað:
Tekið fyrir erindi frá Innviðaráðuneytinu, dagsett þann 8. apríl sl., þar sem óskað er eftir upplýsingum frá sveitarfélögum um hver heildaráhrif kjarasamnings við Kennarasamband Íslands er í krónum talið eru umfram þær forsendur sem lagðar voru fram í fjárhagsáætlun. Jafnframt óskar nefndin eftir upplýsingum um hvort að sveitarfélögin ætli að bregðst sérstaklega við þessum kostnaðarauka og ef svo er,með hvaða ætti.
Niðurstaða : Heildarviðauki við launáætlun 2025 er í vinnslu og vonast er til að hægt verði að leggja hann fyrir
byggðaráð á næsta fundi. Í þeim útreikningum munu koma fram áætluð heildaráhrif kjarasamnings við Kennarasamband Íslands vegna ársins 2025."
Heildarviðauki við launaáætlun 2025 var tekinn fyrir og samþykktur í sveitarstjórn á 380. fundi þann 13. maí sl. að upphæð kr. 27.946.449 nettó. Hækkunin brúttó vegna málaflokks 04, fræðslu- og uppeldismál, er 38.332.439.
Til umræðu ofangreint.
Niðurstaða : Byggðaráð samþykkir samhljóða með 3 atkvæðum að fela sveitarstjóra að svara ofangreindu erindi."

Með fundarboði sveitarstjórnar fylgdi svarbréf sveitarstjóra.

Á 1149. fundi byggðaráðs þann 12. júní sl. var eftirfarandi bókað:
"Tekið fyrir erindi frá sviðsstjóra fræðslu- og menningarsviðs og sviðsstjóra fjármála- og stjórnsýslusviðs, fyrir hönd Framkvæmdastjórnar Dalvíkurbyggðar, dagsett þann 3. júní sl., þar sem óskað er eftir viðauka við fjárhagsáætlun
2025 vegna breytinga innan Skrifstofa Dalvíkurbyggðar hvað varðar skipulag á skrifstofuaðstöðu starfsmanna. Í erindinu er gert grein fyrir þörf á breytingum og tilfærslum á milli vinnurýma sem eru vegna fjölgunar á stöðugildum á fræðslu- og menningarsviði, fjármála- og stjórnsýslusviði og framkvæmdasviði sem kalla á starfsaðstöðu á Skrifstofum Dalvíkurbyggðar sem og vegna þeirra starfsmanna sem þurfa að vera með aðstöðu á fleiri en einum stað. Um er að ræða tímabundar breytingar þar sem áformað er að fara í endurbætur og breytingar á vinnuaðstöðu starfsmanna á Skrifstofum Dalvíkurbyggðar, m.a. vegna loftgæða.
Óskað er eftir viðauka að upphæð kr. 953.013 vegna fræðslu- og menningarsviðs , kr. 456.507 á deild 04010 og kr. 496.507 á deild 06020, og kr. 161.560 vegna fjármála- og stjórnsýslusviðsá deild 21400, eða alls kr. 1.114.573. Sjá nánari sundurlið í meðfylgjandi excel skjali.
Niðurstaða : Byggðaráð samþykkir samhljóða með 3 atkvæðum ofangreinda viðaukabeiðni, viðauki nr. 28 við fjárhagsáætlun 2025, að upphæð kr. 1.114.573 og að viðaukanum verði mætt með lækkun á handbæru fé.
Vísað til umfjöllunar og afgreiðslu sveitarstjórnar."

Á 1149. fundi byggðaráðs þann 12. júní 2025 var eftirfarandi bókað:
"Viðaukabeiðni vegna langtímaveikinda- bókað í trúnaðarmálabók.
Niðurstaða : Byggðaráð samþykkir samhljóða með 3 atkvæðum beiðni um viðauka við fjárhagsáætlun 2025, viðauki nr. 25 að upphæð kr. 1.138.621 vegna launakostnaðar til að mæta veikindum, og að honum verði mætt með lækkun á handbæru fé.
Vísað til umfjöllunar og afgreiðslu í sveitarstjórn."

Á 1149. fundi byggðaráðs þann 12. júní sl. var m.a. eftirfarandi bókað:
"Með fundarboði byggðaráðs fylgdi viðaukabeiðni frá sviðsstjóra fjármála- og stjórnsýslusviðs, dagsett þann 10. júní sl, þar sem lagður er til viðauki við fjárhagsáætlun 2025 á grundvelli útreikninga frá 15. apríl sl.
Liður 58200-13101 lækki um kr. -21.691.297 sem er bókfært virði íbúðanna.
Liður 58500-62102 lækki um kr. 58.208.394 sem er uppgreiðsluvirði áhvílandi lána.
Liður 29200-221** hækki um kr. 115.958.378 sem er hlutafé í Leigufélaginu Bríet sem greiðsla upp í metið söluandvirði íbúðanna.
Liður 57880-0729 hækki um kr. -152.475.475 sem er áætlaður söluhagnaður.
Frekari breytingar á fjárhagsáætlun málaflokka 57 og 58 verða lagðar til þegar yfirfærslan á íbúðunum hefur átt sér stað, til dæmis vegna áætlað viðhalds, fasteignagjalda, trygginga o.s.frv.
Niðurstaða : Byggðaráð samþykkir samhljóða með 3 atkvæðum ofangreinda viðaukabeiðni, viðauki nr. 29 við fjárhagáætlun 2025, á deildum 58200, 58500, 29200 og 57880, og vísar viðaukanum til umfjöllunar og afgreiðslu í sveitarstjórn."

Á 1149. fundi byggðaráðs þann 12. júní sl. var m.a. eftirfarandi bókað:
Með fundarboði fylgdi tillaga að viðauka frá sviðsstjóra fjármála- og stjórnsýslusviðs, dagsett þann 10. júní sl, skv. eftirfarandi:
Liður 32200-13170 lækki um kr. -3.649.243 sem er bókfært virði.
Liður 31800-7996 hækki um kr. -24.350.757 sem er áætlaður söluhagnaður.
Liður 29200-39200 hækki um kr. 27.749.821, þ.e. hækkun á handbæru fé.
Liður 31340-0729 hækki um nettó um kr. 250.179.
Deild 31340 hækki nettó um kr. 5.049.601 skv. þeirri sundurliðun sem fram kemur í viðaukabeiðninni. Um er að ræða rekstur Eignasjóðs á fasteigninni.
Deild 05320 lækki nettó um kr. -3.406.214 skv. þeirri sundurliðun sem fram kemur í viðaukabeiðnni. Um er að ræða rekstur Byggðasafnins á fasteigninni.
Liður 06270-0510 lækki um kr. 101.520 vegna áætlaðra vinnu frá Vinnuskóla.
Niðurstaða : Byggðaráð samþykkir samhljóða með 3 atkvæðum ofangreinda viðaukabeiðni, viðauki nr. 30 við fjárhagsáætlun 2025, skv. ofangreindri og meðfylgjandi sundurliðun.
Byggðaráð vísar viðaukanum til umfjöllunar og afgreiðslu í sveitarstjórnar og leggur til að honum verði mætt með lækkun á handbæru fé þar sem við á."

a) Á 1148. fundi byggðaráðs þann 5. júní sl. var m.a. eftirfarandi bókað:
"Með fundarboði byggðaráðs fylgdi erindi frá veitustjóra, dagsett þann 3. júní sl., þar sem óskað er eftir viðauka við fjárhagsáætlun árið 2025 þar seme ekki var fyrirhugað að fara í niðursetningu á dælu vegna Birnunesborga en gert var ráð fyrir kaupum á dælunni. Óskað er eftir að fjármagn verði fært á milli verkefna þannig að liður 48200- 11607,verknúmer KD031, hækki um kr. 18.500.000 og á móti lækki liður 48200-11605, verknúmer KD027, Hamar- borholuskúr, um kr. 18.500.000.
Niðurstaða : Byggðaráð samþykkir samhljóða með 3 atkvæðum ofnagreinda beiðni veitustjóra um viðauka, viðauki nr. 27 við fjárhagsáætlun 2025, þannig að fært verði á milli af lið 48200-11605, verknúmer KD027, kr. 18.500.000 og á lið
48200-11607, verknúmer KD031, kr. 18.500.000.
Vísað til umfjöllunar og afgreiðslu í sveitarstjórn þann 19. júní nk."

b) Á 148. fundi veitu- og hafnaráðs þann 12. júní sl. var eftirfarandi bókað:
"Lagður fram verksamningur við ISOR, þar sem verkefnið er að rannsaka jarðhitasvæðið á Birnunesborgum og staðsetja næstu vinnsluholu á svæðinu fyrir Hitaveitu Dalvíkur.
Niðurstaða : Veitu- og hafnaráðs samþykkir samhljóða með 4 atkvæðum fyrirliggjandi samning við ÍSOR."

Á 1147. fundi byggðaráðs þann 22. maí sl. var m.a. eftirfarandi bókað:
"Með fundarboði byggðaráðs fylgdu drög að samningi um rekstur og umsjón tjaldsvæðisins á Dalvík við Draumablá ehf.
Niðurstaða : Byggðaráð samþykkir samhljóða með 3 atkvæðum ofangreind og meðfylgjandi samningsdrög um rekstur á tjaldsvæðinu á Dalvík."

Með fundarboði sveitarstjórnar fylgdu uppfærð samningsdrög með breytingum sem gerðar hafa verið eftir fund byggðaráðs.

Á 174. fundi íþrótta- og æskulýðsráðs þann 10. júní sl. var eftirfarandi bókað:
"Erindi frá forstöðumönnum sundlauga í Fjallabyggð og Dalvíkurbyggð lagt fyrir. Í erindinu fellst ótímabundið samstarf sundlauga sveitarfélaganna á þeim grundvelli að korthafar á hvorum stað fyrir sig hafi aðgang að sundlaugum beggja sveitarfélaga í gegnum kort sín.
Niðurstaða : Íþrótta- og æskulýðsráð leggur til við sveitarfélagið að koma þessu máli í framkvæmd og felur íþróttafulltrúa að ganga frá formlegum samningi og leggja fyrir sveitarstjórn."

Á 109. fundi menningarráðs þann 5. júní sl. var eftirfarandi bókað:
"Gísli Bjarnason, sviðsstjóri fræðslu - og menningarsviðs og Jón stefán Jónsson, íþróttafulltrúi, fóru yfir drög að samningi við Leikfélag Dalvíkur um að skipuleggja 17. júní í Dalvíkurbyggð.
Niðurstaða : Menningarráð gerir ekki athugasemd við samningsdrög og samþykkir hann með þremur atkvæðum með þeim breytingum sem ræddar voru á fundinum."

Með fundarboði sveitarstjórnar fylgdu ofangreind samningsdrög með breytingum sem gerðar hafa verið eftir fund menningarráðs.

Á 32. fundi umhverfis- og dreifbýlisráðs þann 16. maí sl. var eftirfarandi bókað:
"Fyrir fundinum lágu drög að samstarfssamningi milli Dalvíkurbyggðar og Akureyrarbæjar um flutning á umframtextíl frá starfsstöð Rauða krossins á Akureyri til meðhöndlunar hjá móttökuaðila. Með samningnum skuldbindur Dalvíkurbyggð sig til að greiða Akureyrarbæ hlutdeild af kostnaði vegna meðhöndlunar og flutnings textíls.
Kostnaðarskiptingin miðast við hlutfall íbúafjölda Dalvíkurbyggðar og heildaríbúafjölda þeirra sveitarfélaga sem taka þátt í samstarfinu. Miða skal við íbúafjölda miðað við áramót, ár hvert
Niðurstaða : Umhverfis- og dreifbýlisráð samþykkir samhljóða með fjórum atkvæðum samningsdrög eins og þau liggja fyrir."

Á 1147. fundi byggðaráðs þann 22. maí sl. var eftirfarandi bókað:
"Tekið fyrir erindi frá deildarstjóra Eigna- og framkvæmdadeildar, dagsett þann 12. maí sl., þar sem óskað er eftir að þjónustusamningur um snjómokstur og hálkuvarnir á Dalvík verði framlengdur. Lagt er til að samningurinn verði
framlengdur um eitt ár eins og heimilt er, eða til 15. maí 2026. Fram kemur að fyrir liggur beiðni frá Steypustöðinni á Dalvík ehf. um aðra framlengingu.
Niðurstaða : Byggðaráð samþykkir samhljóða með 3 atkvæðum að samningur við Steypustöðina á Dalvík ehf. um snjómokstur og hálkuvarnir á Dalvík verði framlengdur um eitt ár. Um er að ræða seinni framlengingu skv. samningi þannig að áformað er að bjóða þjónustuna út á næsta ári.
Vísað til umfjöllunar og afgreiðslu í sveitarstjórn."

Á 148. fundi veitu- og hafnaráðs þann 12. júní sl. var eftirfarandi bókað:
"Lagður fram fram verksamningur um þjónustu og ráðgjöf frá ISOR, sem hefur það að markmiði að halda utan um ýmis tilfallandi verkefni og verkefnastjórnun sem ÍSOR hafa með höndum fyrir Hitaveitu Dalvíkur.
Niðurstaða : Veitu- og hafnaráðs samþykkir samhljóða með 4 atkvæðum fyrirliggjandi samning við ÍSOR."

Á 287. fundi félagsmálaráðs þann 10. júní sl. var eftirfarandi bókað:
"Tekið fyrir erindi frá Jafnréttisstofu dags. 21.05.2025 þar sem óskað er eftir uppfærðri tölfræði á skipun í ráð og nefndir svetiarfélagsins. Uppfylli sveitarfélög ekki kröfur 28.gr.laga nr. 150/2020 um jafna stöðu og jafnan rétt kynjanna skal færa fyrir því rök í svarpóstinum.
Niðurstaða : Félagsmálaráð fór yfir lista nefndarmanna í nefndum og ráðum Dalvíkurbyggðar. Í heildina er kynjahlutfallið ásættanlegt, mætti vera betra í einstaka ráðum. Í upphafi kjörtímabils var kynjahlutfall í lagi en með brottfalli einstakra kjörinna fulltrúa hefur hlutfallið aðeins raskast og má rekja það til þess að erfitt hefur verið að manna í nefndir og ráð. Vísað til staðfestingar í sveitastjórn."

Á 33. fundi umhverfis- og dreifbýlisráðs þann 13. júní sl. var eftirfarandi bókað:
Tekið fyrir erindi frá Norðurþingi, rafpóstur dagsettur þann 2. apríl sl., þar sem fram kemur að byggðaráð Norðurþings samþykkir að leita eftir samstarfi við sveitarfélögin á starfssvæði SSNE um stofnun og rekstur náttúruverndarnefndar. Norðurþing lýsir sig reiðubúið til að vera leiðandi sveitarfélag í starfi nefndarinnar.
Niðurstaða : Umhverfis- og dreifbýlisráð álítur náttúrvernd mikilvæga. Eðlilegast væri að slík nefnd væri leidd undir forystu SSNE. Því ætti að beina þessari fyrirspurn um tilvistarrétt náttúruverndarnefndar á starfsvæði SSNE til stjórnar samtakanna.
Samþykkt samhljóða með fjórum atkvæðum."

Á 305. fundi fræðsluráðs þann 14. maí sl. var eftirfarandi bókað:
"Tekið fyrir skóladagatal leikskólans á Krílakoti fyrir skólaárið 2025 - 2026.
Niðurstaða : Fræðsluráð samþykkir með fjórum atkvæðum skóladagatal Krílakots, með þeirri breytingu að Þorláksmessudagur verði ekki skráningadagur þar sem að hann er reiknaður sem venjulegur leikskóladagur."

Á 305. fundi fræðsluráðs þann 14. maí sl. var eftirfarandi bókað:
"Tekið fyrir minnisblað frá stjórnendum leikskólans á Krílakoti er varða skráningadaga í leikskóla.
Niðurstaða : Fræðsluráð leggur til að skráningagjald verði reiknað sem hlutfall af vistunartíma barna. Stjórnendum falið að upplýsa foreldra."

a) Á 32. fundi umhverfis- og dreifbýlisráðs þann 16. maí sl. var eftirfarandi bókað:
"Farið yfir stöðu á helstu framkvæmdum ársins 2025.
Niðurstaða : Umhverfis- og dreifbýlisráð leggur til að áætlunum varðandi göngu- og hjólastíg meðfram Dalvíkurlínu verði breytt þannig að líka verði gert ráð fyrir bættum stígatengingum niður á Hauganes og Árskógssand núna í ár. Deildarstjóra er falið að ræða við landeiganda um uppbyggingu á gamla Hauganesveginum ofan Áss. Ráðið leggur áherslu á að hönnun stígsins verði kláruð sem fyrst.
Umhverfis- og dreifbýlisráð felur deildarstjóra að leggja til breytingar á legu gatnamóta Grundargötu og Sandskeiðs og leggja fyrir Skipulagsráð.
Umhverfis- og dreifbýlisráð leggur til að farið verði í gatnahönnun á Stórholti, nýrri götu á Hauganesi, og framkvæmdir þegar hönnun og lóðarblöð liggja fyrir.
Samþykkt samhljóða með fjórum atkvæðum."

b) Á 33. fundi umhverfis- og dreifbýlisráðs þann 13. júní sl. var eftirfarandi bókað:
"Farið yfir stöðu á framkvæmdum ársins.
Niðurstaða : Umhverfis- og dreifbýlisráð felur deildarstjóra að finna hönnuð til að vinna að forhönnun fyrir strandlengju Dalvíkur."

Á 1149. fundi byggðaráðs þann 12. júní sl. var eftirfarandi bókað:
"Á 1142. fundi byggðaráðs þann 13. mars sl. var eftirfarandi bókað:
Tekið fyrir erindi frá Brák íbúðafélagi hses; dagsett þann 4. mars sl., þar sem fram kemur að HMS hefur borist umsókn frá Brák íbúðafélagi hses. um stofnframlag ríkisins á grundvelli laga um almennar íbúðir nr. 52/2016. Sótt er um vegna byggingar á 12 íbúðum fyrir aldraða.
Með erindi þessu er óskað eftir staðfestingu á stofnframlagi sveitarfélags vegna kaupanna. Í því samhengi er bent á að það er forsenda fyrir veitingu stofnframlags ríkisins að sveitarfélag þar sem almenn íbúð verður staðsett veiti umsækjanda jafnframt stofnframlag sveitarfélags, sbr. 7. mgr. 11. gr. laga nr. 52/2016.
Ef sveitarfélagið hyggst veita stofnframlag sitt til verkefnisins er jafnframt óskað eftir upplýsingum um form stofnframlags og sundurliðun á fjárhæð þess, sbr. viðhengt skjal. Veittur er frestur til 18. mars nk. til að skila umbeðnum gögnum.
Með fundarboði byggðaráðs fylgdi einnig erindi sveitarstjóra til HMS, dagset þann 11. mars sl., þar sem óskað er eftir framlengingu á frest til að skila umbeðnum gögnum til og með í síðasta lagi 30. apríl nk. m.a. vegna þess að Páskar slíta aprímánuð vel í sundur og er einnig er starfandi vinnuhópur hjá Dalvíkurbyggð sem vinnur að þessu verkefni en vinnuhópurinn nær ekki að klára þá vinnu sem til þarf fyrir gefinn frest. Sveitarstjóri upplýsti að fyrirliggur samþykki á umbeðnum fresti.
Reglur Dalvíkurbyggðar um stofnframlög eru aðengilegar á heimasiðu sveitarfélagsins;
https://www.dalvikurbyggd.is/static/files/Reglugerdir/fjarmala/Eldra/180823.reglur-dalvikurbyggdar-um- stofnframlog_.pdf
Niðurstaða : Afgreiðslu frestað.
Sveitarstjóri gerði grein fyrir stöðu málsins.
Niðurstaða : Byggðaráð samþykkir samhljóða með 3 atkvæðum að fela sveitarstjóra að óska eftir formlegri umsókn frá Brák íbúðafélagi hses. um stofnframlag svo hægt verði að taka málið fyrir í sveitarstjórn þann 19. júní nk."

Með fundarboði sveitarstjórnar fylgdu eftirfarandi gögn:
Umsókn frá Brák ibúðarfélagi, dagsett þann 16. júní sl. um samstarf um byggingu á allt að 12 ibúða fjölbýlishúsi á Dalvík. Áætlað stofnframlag frá Dalvíkurbyggð er kr. 72.478.925 og óskað er eftir samþykki Dalvíkurbyggðar á stofnframlagi í þetta verkefni.
Með umsókninni fylgir ársreikningur Brákar frá 2024 og rekstraráætlun fyrir verkefnið.

Á 32. fundi umhverfis- og dreifbýlisráðs þann 16. maí sl. var eftirfarandi bókað:
"Með umsókn dagsettri 18. apríl 2025 óskar Guðlaug Kristbjörg Jónsdóttir eftir því að komið verði upp grenndargámum á Hauganesi og Árskógssandi. Vísar hún í það hversu langt er á móttökustöð á Dalvík og að fordæmi séu fyrir grenndargámum í öðrum sveitarfélögum.
Niðurstaða : Deildarstjóra Eigna- og framkvæmdadeildar er falið að finna hentugar staðsetningar fyrir grenndarstöðvar á Árskógssandi og á Hauganesi fyrir gjaldfrjálsa úrgangsflokka.
Samþykkt samhljóða með fjórum atkvæðum."

Á 32. fundi umhverfis- og dreifbýlisráðs þann 13. maí sl. var eftirfarandi bókað:
"Tekið fyrir erindi mál vísað var til ráðsins á 380. fundi sveitarstjórnar.
Á 173. fundi íþrótta- og æskulýðsráðs þann 6. maí sl. var eftirfarandi bókað:
Staða 17 ára ungmenna er varðar sumarvinnu á vegum sveitarfélagsins rædd. En sem stendur virðist ekki vera sem að sveitarfélagið bjóði upp á vinnu fyrir 17 ára ungmenni.
Íþrótta- og æskulýðsráð samþykkti að boðið yrði upp á sumarvinnu fyrir 17 ára börn í sveitarfélaginu og fól Gísla Bjarnasyni, sviðsstjóra fræðslu- og menningarsviðs að skila tillögu um málið til sveitastjórnar.
Í minnisblaði sviðsstjóra dags. 8. maí 2025 leggur hann til að ungmenni sem ekki fái sumarvinnu hjá fyrirtækjum í Dalvíkurbyggð fái tækifæri til að vinna í Vinnuskóla Dalvíkurbyggðar og vísar í reglur um sérstök sumarstörf hjá Dalvíkurbyggð frá árinu 2015.
Niðurstaða : Umhverfis- og dreifbýlisráð leggur til að ungmennum 14-17 ára verði boðin vinna í vinnuskóla Dalvíkurbyggðar.
Deildarstjóra Eigna- og framkvæmdadeildar er jafnframt falið að endurskoða Reglur um sérstök sumarstörf hjá Dalvíkurbyggð, sem eru síðan 2015.
Samþykkt samhljóða með fjórum atkvæðum."

Á 1147. fundi byggðaráðs þann 22. maí sl. var eftirfarandi bókað:
"Tekið fyrir erindi frá nefnda- og greiningarsviði Alþingis, dagsett þann 13. maí sl., þar sem Atvinnuveganefnd Alþingis sendir til umsagnar frumvarp til laga um veiðigjald (aflaverðmæti í reiknistofni), 351.mál.
Frestur til að senda inn umsögn ertil og með 26. maí nk. Með fundarboði byggðaráðs fylgdu gögn frá Samtökum sjávarútvegssveitarfélaga varðandi ofangreint.
Niðurstaða : Byggðaráð samþykkir samhljóða með 3 atkvæðum að fela sveitarstjóra að senda inn umsögn fyrir hönd Dalvíkurbyggðar."

Með fundarboði sveitarstjórnar fylgdi umsögn sveitarstjóra.

Á 1149. fundi byggðaráðs þann 12.júní sl. var eftirfarandi bókað:
"Tekið fyrir erindi frá verkefnastjóra þvert á svið þar sem lagt er til að skrifstofu/þjónustrými á 2. hæð Ráðhúss sem auglýst var laust til umsóknar til og með 8. júní sl. verði leigt Áróru Björk Oliversdóttur. Ein umsókn barst. Lagt er til að gerður verði samningur frá 1. júlí 2025 til eins árs. Umsækjandi áformar að nýta rýmið undir ljósmyndastúdíó.
Niðurstaða : Byggðaráð samþykkir samhljóða með 3 atkvæðum ofangreinda tillögu verkefnastjóra þvert á svið og að umrætt rými verði leigt til og með 30.06.2026."

Á 32. fundi umhverfis- og dreifbýlisráðs þann 16. maí sl. var eftirfarandi bókað:
"Til umræðu ákvörðun um fjallskil og göngur haustið 2025.
Niðurstaða : Samkvæmt fyrri samþykktum er gert ráð fyrir að fyrstu göngur í Svarfaðardalsdeild, Dalvíkurdeild og Árskógsdeild verði aðra helgi í september sem er 12.-13.september og seinni göngur í öllum deildum viku síðar sem er 19.-20. september.
Hrossasmölun og eftirleit í Skíðadalsafréttum sem er Holárafrétt, Sveinsstaðarafrétt og Kóngsstaðardalur verði 4. október.
Samþykkt samhljóða með fjórum atkvæðum."

Á 32. fundi umhverfis- og dreifbýlisráðs þann 16. mai sl. var eftirfarandi bókað:
"Tekin fyrir umsókn Valgerðar Sifjar Hauksdóttur um leyfi til þess að halda 5 hænur í garði sínum að Böggvisbraut 2 á Dalvík.
Niðurstaða : Umhverfis- og dreifbýlisráð samþykkir umsóknina samhljóða með fjórum atkvæðum."

Á 33. fundi umhverfis- og dreifbýlisráðs þann 13. júní sl. var eftirfarandi bókað:
"Tekið fyrir erindi frá 34. fundi Skipulagsráðs sem vísað var til Umhverfis- og dreifbýlisráðs til samþykktar.
Skipulagsráð samþykkti tillögu Framkvæmdasviðs að afgirtu svæði fyrir lausagöngu hunda við Árskógarskóla á
svæði sem skilgreint er sem opið svæði til sérstakra nota (829-O) í gildandi aðalskipulagi.
Niðurstaða : Umhverfis- og dreifbýlisráð hafnar erindinu með þeim rökum að ekki hefur farið fram mat á þörf fyrir svona svæði og að ekki hafi verið haft samráð við Ungmennafélagið Reyni, en þessi tillaga gerir ráð fyrir hundasvæði á starfssvæði félagsins.
Samþykkt samhljóða með fjórum atkvæðum."

Á 32. fundi umhverfis- og dreifbýlisráðs þann 16. maí sl. var eftirfarandi bókað:
"Fyrir liggur erindi frá Umhverfisstofnun, nú Náttúruverndarstofnun, dags. 15. júní 2023, þar sem tilkynnt er um að rekstur losunarstaðar fyrir úrgang í Friðlandi Svarfdæla stangist á við reglur um svæðið. Stofnunin fer fram á að umræddum losunarstað verði lokað og starfseminni fundin önnur staðsetning. Á 33. fundi Skipulagsráðs, þann 9. apríl sl. var lagt til að starfseminni yrði fundin tímabundin staðsetning í aflagðri námu neðan við Hringsholt. Framtíðarstaðsetningu á losunarstað er vísað til yfirstandandi vinnu við gerð nýs aðalskipulags.
Nú liggur fyrir samþykki Heilbrigðiseftirlits Norðurlands eystra um tímabundið leyfi til að losa garðaúrgang og óvirkan úrgang í námunni við Hringsholt.
Niðurstaða : Umhverfis- og dreifbýlisráð leggur áherslu á að þessar breytingar á losun garðaúrgangs og óvirks úrgangs verði auglýstar og kynntar mjög vel fyrir íbúum og fyrirtækjum.
Samþykkt samhljóða með fjórum atkvæðum."

Með fundarboði sveitarstjórnar fylgdi rafpóstur frá stjórn Hestamannafélagsins Hrings, og stjórn Hesthúseigendafélags Hringsholts, dagsett þann 26. maí sl, þar sem fram koma athugasemdir við ofangreinda ákvörðun umhverfis- og dreifbýlisráðs.

Lilja Guðnadóttir kom inn á fundinn að nýju kl. 17:02.

Á 33. fundi umhverfis- og dreifbýlisráðs þann 13. júní sl. var eftirfarandi bókað:
"Tekið fyrir erindi þar sem Guðni Berg Einarsson fyrir hönd óstofnaðs skíðafélags óskar eftir leyfi til að fara með snjótroðara upp á Grímudal ofan Dalvíkur veturinn 2025 til 2026 og kanna þar aðstæður til að stunda alpagreinar.
Niðurstaða : Umhverfis- og dreifbýlisráð setur sig ekki upp á móti þessu erindi þar sem ekki verður neitt jarðrask af þessari athugun og Grímudalur ekki innan vatnsverndarsvæðis.
Samþykkt samhljóða með þremur atkvæðum."

Lilja Guðnadóttir kom inn á fundinn að nýju kl. 17:04.

Á 148. fundi veitu- og hafnaráðs þann 12. maí sl. var eftirfarandi bókað:
"Fyrir fundinum liggur tillöguteikning og afstöðumynd, auk þess verður lögð fram á fundinum frumkostnaðaráætlun.
Niðurstaða : Veitu- og hafnaráðs samþykkir með 4 atkvæðum að leggja til við sveitarstjórn að skipaður verði vinnuhópur til að halda utan um þetta verkefni og í honum eigi sæti:
Benedikt Snær Magnússon, formaður veitu- og hafnaráðs.
Gunnar Kristinn Guðmundsson, varaformaður.
Veitustjóri.
Fulltrúi úr byggðaráði."

Á 148. fundi veitu- og hafnaráðs þann 12. júní sl. var eftirfarandi bókað:
"Snjóbræðsla undir þekju við endurbyggingu Norðurgarðs er ekki styrkhæf af Hafnabótasjóði, taka þarf ákvörðun um hvort fara eigi í verkið.
Niðurstaða : Veitu- og hafnaráð samþykkir samhljóða með 5 atkvæðum að setja snjóbræðslu undir 5,6 metra af nýju þekjunni áNorðurgarði. Verkefnið rúmast innan fjárhagsáætlunar og er vísað á lið 11551 - 42200."

Á 148. fundi veitu- og hafnaráðs þann 12. júní sl. var eftirfarandi bókað:
"Tekið fyrir erindi sem var á dagskrá síðasta fundar, búið er að framlengja umsóknarfrest til 1.ágúst nk. Vegagerðin skal samkvæmt hafnalögum nr. 61/2003 og lögum um sjóvarnir nr.28/1997 vinna tillögu að áætlun um hafnarframkvæmdir og sjóvarnir með kostnaðarþátttöku ríkissjóðs sbr. lög nr. 33/2008 um samgönguáætlun. Nú er komið að því að hefja undirbúning að næstu fimm ára áætlun, þ.e.samgönguáætlun 2026 - 2030.
Niðurstaða : Veitu- og hafnaráð samþykkir samhljóða með 4 atkvæðum að fela sveitarstjóra að sækja um eftirfarandi verkefni í samgönguáætlun:
a) Dýpkun í Dalvíkurhöfn niður í 9 metra - við Austurgarð.
b) Landfylling með því að lengja Austurgarð í norður."

Á 35. fundi skipulagsráðs þann 6. júní sl. var eftirfarandi bókað:
"Lögð fram tillaga á vinnslustigi, unnin af Eflu verkfræðistofu, að breytingu á Aðalskipulagi Dalvíkurbyggðar 2008- 2020 vegna áforma um allt að 5 MW vatnsaflsvirkjun í Þorvaldsdalsá í Þorvaldsdal.
Niðurstaða : Skipulagsráð leggur til við sveitarstjórn að hún samþykki framlagða tillögu á vinnslustigi og að tillagan verði kynnt skv. 2. mgr. 30. gr. skipulagslaga nr. 123/2010.
Samþykkt samhljóða með fimm atkvæðum."

Á 35. fundi skipulagsráðs þann 6. júní sl. var eftirfarandi bókað:
"Lögð fram tillaga á vinnslustigi, unnin af Eflu verkfræðistofu, að nýju deiliskipulagi fyrir allt að 5 MW vatnsaflsvirkjun í Þorvaldsdalsá í Þorvaldsdal.
Niðurstaða : Skipulagsráð leggur til við sveitarstjórn að hún samþykki framlagða tillögu á vinnslustigi og að tillagan verði kynnt skv. 4. mgr. 40. gr. skipulagslaga nr. 123/2010, samhliða kynningu aðalskipulagsbreytingar.
Samþykkt samhljóða með fimm atkvæðum."

Á 35. fundi skipulagsráðs þann 6. júní sl. var eftirfarandi bókað:
"Lögð fram uppfærð skipulagslýsing, unnin af Teikna - teiknistofu arkitekta, fyrir breytingu á Aðalskipulagi Dalvíkurbyggðar 2008-2020 og nýtt deiliskipulag fyrir athafnasvæði landeldisstöðvar norðan Hauganess. Uppfærð tillaga gerir ráð fyrir stækkun landfyllingar og breytingum á legu bygginga, auk þess sem gert er ráð fyrir vatnslögn og viðlegumannvirki fyrir skip.
Niðurstaða : Skipulagsráð leggur til við sveitarstjórn að hún samþykki framlagða lýsingu og að lýsingin verði kynnt skv. 1.mgr. 30.gr. og 3.mgr. 40.gr. skipulagslaga nr. 123/2010.
Samþykkt samhljóða með fimm atkvæðum."

Á 35. fundi skipulagsráðs þann 6. júní sl. var eftirfarandi bókað:
"Lögð fram tillaga á vinnsustigi, unnin af Teikna - teiknistofu arkitekta, að breytingu á Aðalskipulagi Dalvíkurbyggðar 2008-2020 vegna áforma um uppbyggingu afþreyingar- og ferðamannasvæðis í landi Selár við Hauganes.
Niðurstaða : Skipulagsráð leggur til við sveitarstjórn að hún samþykki framlagða tillögu á vinnslustigi og að tillagan verði kynnt skv. 2. mgr. 30. gr. skipulagslaga nr. 123/2010.
Samþykkt samhljóða með fimm atkvæðum."

Á 35. fundi skipulagsráðs þann 6. júní sk. var eftirfarandi bókað:
"Lögð fram tillaga á vinnslustigi, unnin af teiknistofunni NordicArch, að deiliskipulagi fyrir ferðamanna- og þjónustusvæði í Selárlandi við Hauganes.
Niðurstaða : Skipulagsráð leggur til við sveitarstjórn að hún samþykki framlagða tillögu á vinnslustigi og að tillagan verði kynnt skv. 4. mgr. 40. gr. skipulagslaga nr. 123/2010, samhliða kynningu aðalskipulagsbreytingar.
Samþykkt samhljóða með fimm atkvæðum."

Á 35. fundi skipulagsráðs þann 6. júní sl. var eftirfarandi bókað:
"Lögð fram tillaga á vinnslustigi að breytingu á deiliskipulagi Hóla- og Túnahverfis, unnin af Form ráðgjöf ehf.
Tillagan gerir ráð fyrir stækkun deiliskipulagssvæðisins, fjölgun byggingarlóða, landmótun og lagningu nýrrar götu út frá Skógarhólum.
Málið var áður á dagskrá skipulagsráðs þann 10.apríl 2024 og var þar samþykkt að kynna tillögu á vinnslustigi samhliða kynningu aðalskipulagsbreytingar.
Niðurstaða : Skipulagsráð samþykkir að ný gata til norðurs út frá Skógarhólum fái heitið Berjahólar.
Skipulagsráð leggur til við sveitarstjórn að hún samþykki framlagða tillögu og að tillagan verði kynnt skv. 4.mgr. 40.gr. skipulagslaga nr. 123/2010, samhliða kynningu aðalskipulagsbreytingar.
Samþykkt samhljóða með fimm atkvæðum."

Á fundi sveitarstjórnar þann 15.apríl sl. var samþykkt að lóð hjúkrunarheimilisins Dalbæjar yrði skipt í tvær lóðir.
Gera þarf breytingu á Aðalskipulagi Dalvíkurbyggðar 2008-2020 vegna þessa, þar sem ný lóð verður skilgreind sem íbúðarsvæði í stað svæðis fyrir þjónustustofnanir.

Á 1147. fundi byggðaráðs þann 22. maí sl. var eftirfarandi bókað:
"Tekið fyrir erindi frá Sýslumanninum á Norðurlandi eystra, dagsett þann 19. maí sl., þar sem óskað er umsagnar vegna umsóknar um tímabundið áfengisleyfi frá K6 veitingum ehf. vegna Sjómannadagshátíðar á Dalvik í Íþróttamiðstöðinni 31. maí nk.
Fyrir liggur jákvæð umsögn frá Slökkviliðsstjóra Dalvíkurbyggðar.
Niðurstaða : Byggðaráð gerir ekki athugasemdir við að umbeðið leyfi sé veitt með fyrirvara um umsögn Heilbrigðiseftirlits Norðurlands eystra."

Á 1148. fundi byggðaráðs þann 5. júní sl. var eftirfarandi bókað:
"Tekið fyrir erindi frá Brák Íbúðafélagi hses., dagsett þann 28. maí sl., þar sem boðað er til ársfundar félagsins miðvikudaginn 11. júní nk. kl. 11:30. Um er að ræða staðfund í Reykjavík. Atkvæðisrétt hafa skipaðir fulltrúar stofnaðilasveitarfélaga og atkvæðisrétt verður að nýta á staðfundinum. Boðið verður uppá streymi frá fundinum. Stjórn og fulltrúaráð hefur seturétt á fundinum og hann er opin öllum samkvæmt samþykktum Brákar.
Niðurstaða : Byggðaráð samþykkir samhljóða með 3 atkvæðum að fela sveitarstjóra að sækja eða sitja fundinn í streymi ef hún hefur tök á.".

Lögð fram til kynningar fundargerð stjórnar Dalbæjar frá 4. júní sl. og ársreikningur Dalbæjar fyrir árið 2024.

Til máls tók Freyr Antonsson sem leggur fram eftirfarandi tillögu um kjör byggðaráðs til eins árs:

Helgi Einarsson, formaður (K)
Freyr Antonsson, varaformaður.(D)
Lilja Guðnadóttir, aðalmaður. (B)

Varamenn:
Katrín Sif Ingvarsdóttir. (K)
Sigríður Jódis Gunnarsdóttir. (D)
Monika Margrét Stefánsdóttir. (B)

Fleiri tóku ekki til máls.

Með fundarboði sveitarstjórnar fylgdi eftirfarandi tillaga um frestun funda sveitarstjórnar:
"Með vísan til 8. gr. í Samþykkt um stjórn Dalvíkurbyggðar, með síðari breytingum, samþykkir sveitarstjórn að fresta fundum sínum í júlí og ágúst 2025.
Jafnframt er byggðarráði Dalvíkurbyggðar falin fullnaðarafgreiðsla þeirra mála, sem það telur nauðsynlegt að fái afgreiðslu, sbr. 32. gr. V. kafla Samþykkta um stjórn Dalvíkurbyggðar, frá og með 20. júní 2025 til og með 31. ágúst 2025."