Skóladagatal skólanna 2025 - 2026

Fræðsluráð óskar eftir að skólarnir skili inn tillögum að skóladagatali fyrir skólaárið 2025-2026 á fund hjá ráðinu í mars.

Fræðsluráð þakkar stjórnendum fyrir góða yfirferð á drögum að skóladagatali. Skóladagatöl skólanna verða lögð fyrir fræðsluráð til samþykktar í apríl.

Fræðsluráð samþykkir með fjórum atkvæðum skóladagatal Dalvíkurskóla fyrir skólaárið 2025 - 2026. Fræðsluráð samþykkir með fjórum atkvæðum skóladagatal Árskógarskóla fyrir skólaárið 2025 - 2026. Fræðsluráð samþykkir með fjórum atkvæðum að taka skóladagatal Krílakots fyrir á næsta fundi hjá ráðinu.

Enginn tók til máls.

Sveitarstjórn samþykkir samhljóða með 7 atkvæðum ofangreinda afgreiðslu fræðsluráðs og samþykkir skóladagatöl Dalvíkurskóla og Árskógarskóla fyrir skólaárið 2025 - 2026.

Fræðsluráð samþykkir með fjórum atkvæðum skóladagatal Krílakots, með þeirri breytingu að Þorláksmessudagur verði ekki skráningadagur þar sem að hann er reiknaður sem venjulegur leikskóladagur.

Til máls tóku:
Freyr Antonsson sem leggur til að sviðsstjóra fræðslu- og menningarsviðs og skólastjóra Dalvíkurskóla og Krílakots verði falið að leggja fyrir byggðaráð dagsetningar á heimsóknum milli leik- og grunnnskóla á Dalvík og Árskógsströnd sem fyrst.

Fleiri tóku ekki til máls.

a) Sveitarstjórn samþykkir samhljóða með 7 atkvæðum fyrirliggjandi tillögu að skóladagatali leikskólans Krílakots fyrir skólaárið 2025-2026.
b) Sveitarstjórn samþykkir samhljóða með 7 atkvæðum ofangreinda tillögu Freys Antonssonar um dagsetningar á heimsóknum.