Sveitarstjórn

Fundargerðin er í 6 liðum.
Liður 3 er sér mál á dagskrá; mál 202508069.
Liður 4 er sér mál á dagskrá; mál 202510151.
Liður 5 er sér mál á dagskrá; mál 202508006.

Fundargerðin er í 12 liðum.
Liður 2 er sér liður á dagskrá; mál 202505063.
Liður 3 er sér liður á dagskrá; mál 202505031.
Liður 4 er sér liður á dagskrá; mál 202509052.
Liður 5 er sér liður á dagskrá; mál 202503110.
Liður 8 er sér liður á dagskrá; mál 202510053.
Liður 9 er sér liður á dagskrá; mál 202509061.
Liður 10 er sér liður á dagskrá; mál 202508097.

Fundargerðin er í 8 liðum.
Liður 2 er sér liður á dagskrá; mál 202506035.
Liður 3 er sér liður á dagskrá; mál 202510051.

Fundargerðin er í 7 liðum.
Liður 3 er sér mál á dagskrá; mál 202510050.
Liður 6 er sér mál á dagskrá; mál 202509144.

Fundargerðin er í 19 liðum.
Liður 1 er sér mál á dagskrá; mál 202409139.
Liður 2 er sér mál á dagskrá; mál 202409138.
Liður 4 er sér mál á dagskrá; mál 202501016.
Liður 5 er sér mál á dagskrá; mál 202501017.
Liður 8 er sér mál á dagskrá; mál 202011010.
Liður 15 er sér mál á dagskrá; mál 202510048.
Liður 17 er sér mál á dagskrá; mál 202508069.
Liður 18 er sér mál á dagskrá; mál 202504019.

Fundargerðin er í 10 liðum.
Liður 6 er sér mál á dagskrá; mál 202508097.
Liður 8 er sér mál á dagskrá; mál 202510024.
Liður 9 er sér mál á dagskrá; mál 202510059.
Liður 10 er sér mál á dagskrá; mál 202510128.

Fundargerðin er í 10 liðum.
Liður 1 er sér liður á dagskrá; mál 202501060.
Liður 4 er sér liður á dagskrá; mál 202510062 - tilboð.

Á 1167. fundi byggðaráðs þann 13. nóvember sl. var m.a. eftirfarandi bókað:
"Í gjaldskránni er lagt til eftirfarandi breytingar:
Leiga á þreksal (litla sal) ein klst lækki úr kr. 5.900 í kr. 4.500.
Viðbót í Afslættir/fríðindi: "Fylgdarmenn öryrkja, sem vegna líkamlegrar eða andlegrar getu eru ekki færir um að sækja sundlaugina einir, fá frían aðgang að sundlaug.
Með fundarboði byggðaráðs fylgdi jafnframt minnisblað íþróttafulltrúa, dagsett þann 13. nóvember 2025, þar sem gert er grein fyrir forsendum lækkunar á leigu í þreksal.
Niðurstaða : Byggðaráð samþykkir samhljóða með 3 atkvæðum ofangreindar breytingartillögur á gjaldskrá Íþróttamiðstöðvar fyrir árið 2025 og vísar henni til umfjöllunar og afgreiðslu sveitarstjórnar."

a) Á 1166. fundi byggðaráðs þann 6. nóvember sl. var eftirfarandi bókað:
"Á 1165. fundi byggðaráðs þann 30. október sl. voru tillögur fagráða að gjaldskrám 2026 til umfjöllunar og var afgreiðslu frestað nema að tillaga að gjaldskrá Hitaveitu Dalvíkur 2026 fór til fyrri umræðu í sveitarstjórn sl.
þriðjudag. Einnig var gjaldskrá Tónlistarskólans á Tröllaskaga fyrir árið 2026 samþykkt á fundi sveitarstjórnar 4. nóvember sl.
Til umræðu tillögur að gjaldskrám 2026. Um er að ræða eftirtaldar gjaldskrár:
Hunda- og kattahald í Dalvíkurbyggð.
Ýmis gjöld á Framkvæmdasviði; Böggvisstaðaskáli- leiga, upprekstur á búfé, leiguland, fjallskiladeildir, lausaganga búfjár, rafaveiðar, minkaveiðar, efnistaka.
Gjaldskrá Vatnsveitu.
Gjaldskrá Fráveitu.
Gjaldskrá sorphirðu.
Gjaldskrá Slökkviliðs.
Gjaldskrá Hafnasjóðs.
Gjaldskrá verbúða.
Gjaldskrá Félagsmálasvið; framfærslukvarði, akstursþjónusta stoðþjónustu, Lengd viðvera, Matarsendingar, heimilisþjónustua, stuðningsfjölskyldur, NPA.
Gjaldskrá fyrir söfn og Menningarhúsið Berg; Bókasafn Dalvíkurbyggðar, Héraðsskjalasafn Svarfdæla í Dalvíkurbyggð, Menningarhúsið Berg.
Gjaldskrá fræðslumála; Dalvíkurskóli, Árskógarskóli, Félagsheimilið Árskógur, Frístund, Krílakot og Kötlukot.
Gjaldskrá Íþróttamiðstöðvar og Félagsmiðstöðvar; Félagsmiðstöð, íþróttasalir, Sundlaug, Líkamsrækt, stærri viðburðir.
Gjaldskrár vegna skipulagsmála eiga efir að fara aftur fyrir fund Skipulagsráðs.
Niðurstaða : a) Byggðaráð samþykkir samhljóða með 3 atkvæðum að leggja til við sveitarstjórn að leiga á verbúðum Hafnasjóðs Dalvíkurbyggðar hækki um 15% á milli ára í stað 3,2%.
b) Byggðaráð samþykkir samhljóða með 3 atkvæðum breytingar á gjaldskrá Félagsmiðstöðvar og Íþróttamiðstöðvar sem gerðar voru á fundinum á einstaka liðum.
c) Byggðaráð samþykkir samhljóða með 3 atkvæðum fyrirliggjandi tillögur að gjaldskrám með ofangreindum breytingartillögum og vísar þeim til umfjöllunar og afgreiðslu sveitarstjórnar.
Varðandi gjaldskrá fræðslumála vegna leikskólagjalda þá samþykkir Monika Margrét Stefánsdóttir ekki liðinn "Skráningadagar/Ekki er veittur afsláttur af skráningadögum" og leggur fram eftirfarandi bókun:
"Þar sem ákveðið var frá upphafi vinnunnar um gjaldfrjálsa leikskóla í Dalvíkurbyggð, að ekki yrði aukinn kostnaður fyrir þá foreldra/forráðamenn sem ekki gætu nýtt sér þessa gjaldfrjálsu tíma er ég mótfallin því að þeir sem þurfa að greiða leikskólagjöld þurfi einnig að greiða fyrir skráningardaga sem leikskólinn setur. Ef hins vegar foreldrar/forráðamenn sem greiða leikskólagjöld skrá barn/börn sín á skráningardag en þau mæta EKKI þá ætti gjald samkvæmt gjaldskrá að leggjast á leikskólagjöld næsta mánuð á eftir."

b) Á 40. fundi skipulagsráðs þann 12. nóvember sl. var eftirfarandi bókað:
"Lögð fram drög að endurskoðaðri gjaldskrá fyrir skipulags- og byggingarmál í Dalvíkurbyggð og innheimtu gatnagerðargjalda.
Niðurstaða : Skipulagsráð samþykkir framlagðar tillögur að gjaldskrám.
Samþykkt samhljóða með fimm atkvæðum."

Á 383. fundi sveitarstjórnar þann 4. nóvember sl. var gjaldskrá Hitaveitu Dalvíkur tekin til fyrri umræðu og samþykkti sveitarstjórn samhljóða að vísa henni til síðari umræðu í sveitarstjórn.

Á 40. fundi skipulagsráðs þann 12. nóvember sl. var eftirfarandi bókað:
"Lögð fram til áframhaldandi umræðu drög að gjaldskrá fyrir frístundalóðir í Dalvíkurbyggð.
Niðurstaða : Skipulagsráð samþykkir að gjaldskrá fyrir frístundalóðir í Dalvíkurbyggð verði hluti af gjaldskrá fyrir skipulags- og byggingarmál í sveitarfélaginu.
Samþykkt samhljóða með fimm atkvæðum."

Á 1167. fundi byggðaráðs þann 13. nóvember sl. var eftirfarandi bókað:
"Á 1162. fundi byggðaráðs þann 16. október sl. var til umfjöllunar álagning fasteignaskatts og fasteignagjalda 2026. Með fundarboði byggðaráðs fylgdi heildartillaga vegna álagningu fasteignaskatts og fasteignagjalda 2026. Helsta breytingin er að álagning fasteignaskatts af íbúðarhúsnæði lækkar úr 0,50% í 0,44%. sbr. frumvarp að fjárhagsáætlun 2026.
Til umræðu ofangreint.
Niðurstaða : Byggðaráð samþykkir samhljóða með 3 atkvæðum að vísa ofangreindri heildartillögu til umfjöllunar og afgreiðslu í sveitarstjórnar."

Fasteignagjöld íbúðarhúsnæðis: A- skattflokkur.
Fasteignaskattur A verði 0,44% af fasteignamati húss og lóðar.
Vatnsgjald og fráveitugjald verði skv. sérstakri gjaldskrá, sbr. liður 9 hér að ofan.
Sorphirðugjald verði kr. 76.190 á íbúð og kr. 36.281 fast gjald á frístundahús, sjá nánar í sérstakri gjaldskrá sorphirðugjalda, sbr. liður 9 hér að ofan.

Fasteignagjöld stofnana: B- skattflokkur.
Fasteignaskattur B verði 1,32% af fasteignamati húss og lóðar.
Vatnsgjald og fráveitugjald verði innheimt skv.sérstakri gjaldskrá, sbr. liður 9 hér að ofan.

Fasteignagjöld atvinnuhúsnæðis; C-skattflokkur.
Fasteignaskattur C verði 1,65% af fasteignamati húss og lóðar.
Vatnsgjald og fráveitugjald verði innheimt skv. sérstakri gjaldskrá, sbr. liður 9 hér að ofan.

Lóðarleiga íbúðahúsalóða verði 1% af fasteignagmati lóðar, 2,9% af fasteignamati atvinnulóða og 3,0% af fasteignamati ræktarlands.

Lagt er til að gjalddagar verði áfram 10 og sá fyrsti 5. febrúar nk. Í þeim tilvikum sem heildarupphæð fasteignagjalda er kr. 40.000 eða lægri þá verði öll upphæðin innheimt á fyrsta gjalddaga, 5. febrúar.

Á 1166. fundi byggðaráðs þann 6. nóvember sl. var eftirfarandi bókað:
"Í frumvarpi að fjárhagsáætlun Dalvíkurbyggðar fyrir árið 2026 er gert ráð fyrir að útsvarsprósenta sveitarfélagsins verði óbreytt á milli ára.
Með fundarboði byggðaráðs fylgi tillaga um að álagningarprósenta útsvars til Dalvíkurbyggðar verði áfram heimilað hámark eða 14,97%.
Niðurstaða : Byggðaráð samþykkir samhljóða með 3 atkvæðum að leggja til við sveitarstjórn að útsvarsprósenta Dalvíkurbyggðar verði óbreytt á milli ára og verði 14,97% fyrir árið 2026."

Á 383. fundi sveitarstjórnar þann 4. nóvember sl. var frumvarp að starfs- og fjárhagsáætlun Dalvíkurbyggðar fyrir árið 2026 og þriggja ára áætlun 2027-2029 tekin til fyrri umræðu og var samþykkt samhljóða að vísa frumvarpinu til byggðaráðs á milli umræðna.

Á 1167. fundi byggðaráðs þann 13. nóvember sl. var eftirfarandi bókað:
"Á 1166. fundi byggðaráðs þann 6. nóvember sl. var m.a. eftirfarandi bókað: Niðurstaða : Byggðaráð samþykkir samhljóða með 3 atkvæðum að vísa til gerðar fjárhagsáætlunar 2026 og þriggja ááætlunar þeim breytingum sem gerðar voru á fundinum. Á næsta fundi byggðaráðs verði lagt fram fjárhagsáætlunarlíkan með breytingum sem gerðar eru á milli umræðna í sveitarstjórn.
Með fundarboði byggðaráðs fylgdu skýrslur úr fjárhagsáætlunarlíkani þar sem búið er að gera setja inn þær breytingar sem gerðar hafa verið á milli umræðna, bæði hvað varðar rekstur og fjárfestingar.
Sviðsstjóri fjármála- og stjórnsýslusviðs fór yfir ofangreint og helstu niðurstöður ásamt ítarefni sem fylgdi með.
Niðurstaða : Byggðaráð samþykkir samhljóða með 3 atkvæðum að vísa frumvarpi að fjárhagsáætlun 2026 og þriggja ára áætlun 2027-2029 ti síðari umræðua í sveitarstjórn eins og það liggur fyrir."

Helstu niður fjárhagsáætlunar 2026 eru eftirfarandi:
Rekstrarniðurstaða Aðalsjóðs er jákvæð um kr. 60.726.000.
Rekstrarniðurstaða A-hluta er jákvæð um kr. 202.270.
Rekstrarniðurstaða Samstæðu A- og B- hluta er jákvæð um kr. 227.810.000.

Rekstrarniðurstaða áranna 2027-2029 er áætluð áfram jákvæð.

Veltufé frá rekstri árið 2026 er áætlað um 600 m.kr. og handbært fé frá rekstri um 567 m.kr.
Afborganir lána fyrir árin 2026-2029 eru áætlaðar um 303,3 m.kr. fyrir Samstæðu A- og B- hluta.


Áætluð lántaka er kr. 0. Í þriggja ára áætlun er áætluð lántaka Eignasjóðs árið 2027 kr. 140.000.000.
Áætlaðar fjárfestingar Samstæðu A- og B- hluta árið 2026 eru kr. 709.470.000 og áætlaðar fjárfestingar fyrir árin 2027-2029 eru kr. 2.087.715.000.

Búnaðarkaup eru áætluð um 48,8 m.kr. fyrir árið 2026.
Áætlað viðhald Eignasjóðs er áætlað um 99,6 m.kr. fyrir árið 2026.

Á 383. fundi sveitarstjórnar þann 4. nóvember sl. var Þjónustustefna Dalvíkurbyggðar, sem er hluti af starfs- og fjárhagsáætlun 2026, tekin til fyrri umræðu og samþykkt samhljóða með 7 atkvæðum að vísa henni til byggðaráðs á milli umræðna.

Á 1167. fundi byggðaráðs þann 13. nóvember sl. var m.a. eftirfarandi bókað:
"Með fundarboði byggðaráðs fylgdi drög að Þjónustustefnunni.
Þjónustustefnan er til kynningar og umsagnar til og með 17. nóvember nk. á heimasíðu sveitarfélagsins; https://www.dalvikurbyggd.is/is/frettir-og-tilkynningar/category/1/thjonustustefna-dalvikurbyggdar-2
Til umræðu ofangreint.
Niðurstaða : Byggðaráð samþykkir samhljóða með 3 atkvæðum að vísa Þjónustustefnunni til síðari umræðu í sveitarstjórn."

Með fundarboði sveitarstjórnar fylgdu upplýsingar um að engar umsagnir bárust frá íbúum um Þjónustustefnuna.

Á 180. fundi íþrótta- og æskulýðsráðs þann 4.nóvember sl. var eftirfarandi bókað:
"Skíðafélag Dalvíkur óskar eftir 3.000.000 kr styrk til snjóframleiðslu. Ítarleg kostnaðaráætlun við framleiðsluna hefur verið lögð fram.
Niðurstaða : Íþrótta- og æskulýðsráð samþykkir með fimm atkvæðum, styrk um eina milljón króna til snjóframleiðslu með það að markmiði að skapa aðstæður fyrir æfingar barna- og ungmenna."

Með fundarboði sveitarstjórnar fylgdi viðaukabeiðni frá íþróttafulltrúa, dagsett þann 17. nóvember sl., þar sem óskað er eftir viðauka við fjárhagsáætlun 2025 að upphæð kr. 1.000.000 á lið 06800-9145 vegna ofangreinds styrks skv. bókun íþrótta- og æskulýðsráðs.

Á 180. fundi íþrótta- og æskulýðsráðs þann 4. nóvember sl. var eftirfarandi bókað:
"Kostnaðaráætlun við uppbyggingu í Hringsholti hefur verið lögð fram ásamt því að ljúka þarf formlegri samningagerð um uppbygginguna.
Niðurstaða : Íþrótta- og æskulýðsráð samþykkir samning Dalvíkurbyggðar og Hestamannafélagsins Hrings ásamt kostnaðaráætlun fyrir sitt leyti með fimm atkvæðum. Samningi er vísað til umfjöllunar og afgreiðslu sveitarstjórnar."

Á 291. fundi félagsmálaráðs þann 11. nóvember sl. var eftirfarandi bókað:
"Tekinn fyrir aftur drög að samningi við Dalbæ um tómstundastarf eldri bogara og öryrkja í Dalvíkurbyggð.
Niðurstaða : Félagsmálaráð samþykkir samninginn við Dalbæ um tómstundastarf eldri borgara og öryrkja í Dalvíkurbyggð með fimm greiddum atkvæðum og vísar samningnum til sveitarstjórnar."

Á 1167. fundi byggðaráðs þann 13. nóvember sl. var m.a. eftirfarandi bókað:
"Með fundarboði byggðaráðs fylgdu uppfærð drög að samningi á milli Dalvíkurbyggðar og Norðurorku um samstarf og þjónustu vegna veitureksturs í Dalvíkurbyggð.
Niðurstaða : Byggðaráð samþykkir með 2 atkvæðum fyrirliggjandi drög að samningi á milli Dalvíkurbyggðar og Norðurorku og vísar þeim til umfjöllunar og afgreiðslu sveitarstjórnar.
Monika Margrét Stefánsdóttir greiðir atkvæði á móti."

Á 291. fundi félagsmálaráðs þann 11. nóvember sl. var eftirfarndi bókað:
"Tekið fyrir erindi frá Fjölskylduþjónustu Norðurlands eystra dags. 31.10.2025. Málið var einnig tekið fyrir á fundi Byggðaráðs fundi nr. 1165. Þar var bókað að Byggðaráð samþykki samhljóða með 3 atkvæðum að vísa ofangreindu erindi til umfjöllunar í félagsmálaráði og fræðsluráði.
Forsaga málsins er sú að sveitarfélögum á landinu gátu sótt um styrki frá Mennta- og barnamálaráðuneytinu í þágu farsældar barna. Sveitarfélög á Norðurlandi eystra sendu frá þér umsóknir en einnig eina sameiginlega sem er meðferðarúrræði með vinnuheitið Fjölskylduþjónusta Norðurlands eystri. Það verkefni fékk veglegan styrk eða alls 70.000.000 kr. En í áætlun með verkefninu er gert ráð fyrir kostnaði upp á 90.000.000. Þar af leiðandi er hlutur Dalvíkurbyggðar 995.000 kr. Markmið verkefnisins er aða efla farsæld barna og fjölskyldna þeirra með samþættum og snemmtækum stuðningi.
Niðurstaða : Félagsmálaráð samþykkir með fimm greiddum atkvæðum og hlutur Dalvíkurbyggðar verði greiddur af 02-80-9145."

Á 38. fundi umhverfis- og dreifbýlisráðs þann 7. nóvember sl. var eftirfarandi bókað:
"Tekinn fyrir rafpóstur dags. 6. október 2025, þar sem Valur Benediktsson, fyrir hönd nokkurra bænda í Hörgársveit, óskar eftir þátttöku Dalvíkurbyggðar í gerð fjórhjólaslóðar upp Mjóadal frá Hrafnagili á Þorvaldsdal til að auðvelda notkun fjórhjóla og dróna við smölun og fjárleitir. Með erindinu fylgdu uppdrættir og myndir auk grófrar kostnaðaráætlunar.
Niðurstaða : Umhverfis- og dreifbýlisráð bendir á að slóði á þessu svæði er ekki á skipulagi auk þess sem svona framkvæmd þarfnast framkvæmdaleyfis. Ráðið hafnar beiðni um fjárstyrk.
Samþykkt samhljóða með fjórum atkvæðum."

Á 38. fundi umhverfis- og dreifbýlisráðs þann 7. nóvember sl. var eftirfarandi bókað:
"Tekið fyrir erindi frá Önnu Fjólu Gísladóttur ljósmyndara og Gísla Björnssyni teiknara þar sem óskað er eftir stuðningi Dalvíkurbyggðar við gerð bókar um réttir á Íslandi.
Niðurstaða : Umhverfis- og dreifbýlisráð hafnar erindinu."

Á 1167. fundi byggðaráðs Dalvíkurbyggðar þann 13. nóvember sl. var m.a. eftirfarandi bókað:
Með fundarboði byggðaráðs fylgdu eftirfarandi gögn:
Drög að breytingum á Samþykkt um stjórn Dalvíkurbyggðar.
Drög að erindisbréfi fyrir Fjölskylduráð.
Drög að erindisbréfi fyrir Framkvæmdaráð.
Drög að Samþykkt fyrir byggðaráð Dalvíkurbyggðar.
Einnig fylgdi með til upplýsingar drög að vinnureglum frá 2021 vegna áheyrnarfulltrúa í fræðsluráði.
Til umræðu ofangreint.
Niðurstaða : a) Byggðaráð samþykkir með 2 atkvæðum að vísa ofangreindum drögum að breytingum á Samþykkt um stjórn Dalvíkurbyggðar til umfjöllunar og fyrri umræðu í sveitarstjórn, Monika Margrét Stefánsdóttir situr hjá vegna erindisbréfs Fjölskylduráðs.
b) Byggðaráð samþykkir með 3 atkvæðum að vísa ofangreindum drögum að erindisbréfi byggðaráðs til umfjöllunar og fyrri umræðu í sveitarstjórn.
c) Byggðaráð samþykkir samhljóða með 3 atkvæðum að vísa drögum að erindisbréfi Framkvæmdaráðs til umfjöllunar og fyrri umræðu í sveitarstjórn.
d) Byggðaráð samþykkir með 2 atkvæðum að vísa drögum að erindisbréfi fyrir Fjölskylduráð til umfjöllunar og fyrri umræðu í sveitarstjórn, Monika Margrét Stefánsdóttir situr hjá þar sem henni finnst að Félagsmálaráð eigi að vera áfram til eitt og sér."

Á 38. fundi umhverfis- og dreifbýlisráðs þann 7. nóvember sl. var eftirfarandi bókað:
"Fyrir fundinum lá umsókn Berglindar Aspar Viðarsdóttur um búfjárleyfi fyrir hross í Hringsholti.
Niðurstaða : Umhverfis- og dreifbýlisráð samþykkir umsókn um búfjárleyfi. Samþykkt samhljóða með fjórum atkvæðum."

Á 40. fundi skipulagsráðs þann 12. nóvember sl. var eftirfarandi bókað:
"Anna Kristín Guðmundsdóttir hjá Landslagi ehf. kynnti skipulagslýsingu fyrir nýtt deiliskipulag hesthúsasvæðis í Hringsholti.
Anna Kristín sat fundinn undir þessum dagskrárlið. Auk hennar sátu fundinn í fjarfundabúnaði Atli Steinn Sveinbjörnsson og Ómar Ívarsson hjá Landslagi ehf.
Niðurstaða : Skipulagsráð leggur til við sveitarstjórn að hún samþykki framlagða lýsingu og að lýsingin verði kynnt skv. 3.mgr. 40.gr. skipulagslaga nr. 123/2010.
Samþykkt samhljóða með fimm atkvæðum."

Á 40. fundi skipulagsráðs þann 12. nóvember sl. var eftirfarandi bókað:
"Lagt fram minnisblað frá Eflu verkfræðistofu, dags. 30.október 2025, þar sem gerð er tillaga að hliðrun Gunnarsbrautar til austurs og útfærslu umferðareyja í Sunnutúni/Hafnarbraut og Sjávarbraut/Gunnarsbraut til samræmis við bókun skipulagsráðs frá 10.september sl.
Niðurstaða : Skipulagsráð samþykkir að gerð verði breyting eftir auglýsingu á tillögu að deiliskipulagi þjóðvegar í gegnum Dalvík til samræmis við framlögð gögn.
Samþykkt samhljóða með fimm atkvæðum. Vísað til sveitarstjórnar til staðfestingar."

Á 40. fundi skipulagsráðs þann 12. nóvember sl. var eftirfarandi bókað:
"Anna Kristín Guðmundsdóttir hjá Landslagi ehf. kynnti lýsingu fyrir nýtt deiliskipulag athafnsvæðis við Sandskeið á Dalvík.
Anna Kristín sat fundinn undir þessum dagskrárlið. Auk hennar sátu fundinn í fjarfundabúnaði Atli Steinn Sveinbjörnsson og Ómar Ívarsson hjá Landslagi ehf.
Niðurstaða : Skipulagsráð leggur til við sveitarstjórn að hún samþykki framlagða lýsingu og að lýsingin verði kynnt skv. 3.mgr. 40.gr. skipulagslaga nr. 123/2010.
Samþykkt samhljóða með fimm atkvæðum."

Á 40. fundi skipulagsráðs þann 12. nóvember sl. var eftirfarandi bókað:
"Lögð fram tillaga að breytingu á Aðalskipulagi Dalvíkurbyggðar 2008-2020, unnin af Eflu verkfræðistofu. Tilagan gerir ráð fyrir nýju iðnaðarsvæði og efnistökusvæði í Þorvaldsdal í tengslum við áform um vatnsaflsvirkjun.
Kynningu vinnslutillögu fyrir breytinguna lauk þann 23.júlí sl.
Engar athugasemdir bárust. Umsagnir bárust frá Mílu, Heilbrigðiseftirliti Norðurlands eystra, Rarik, Vegagerðinni, Minjastofnun Íslands, slökkviliði Dalvíkur, Fjallabyggð, Náttúrufræðistofnun, Fiskistofu, Hörgársveit og Landsneti.
Niðurstaða : Skipulagsráð leggur til við sveitarstjórn að hún samþykki framlagða tillögu að breytingu á Aðalskipulagi Dalvíkurbyggðar 2008-2020 og að tillagan verði auglýst skv. 31.gr. skipulagslaga nr. 123/2010.
Samþykkt samhljóða með fimm atkvæðum."

Á 40. fundi skipulagsráðs þann 12. nóvember sl. var eftirfarandi bókað:
"Lögð fram tillaga að deiliskipulagi fyrir Árskógsvirkjun í Þorvaldsdal, unnin af Eflu verkfræðistofu. Tilagan gerir ráð fyrir byggingu allt að 5 MW vatnsaflsvirkjunar, stíflu og stöðvarhúss, ásamt lagingu vegslóða og 3,7 km langrar aðrennslispípu auk efnistökusvæðis.
Kynningu vinnslutillögu fyrir skipulagsáformin lauk þann 23.júlí sl. Engar athugasemdir bárust. Umsagnir bárust frá Mílu, Heilbrigðiseftirliti Norðurlands eystra, Rarik, Vegagerðinni, Minjastofnun Íslands, Náttúrufræðistofnun,
Náttúruverndarstofnun, Fiskistofu, Ferðafélagi Svarfdæla og Landsneti.
Niðurstaða : Skipulagsráð leggur til við sveitarstjórn að hún samþykki framlagða tillögu að deiliskipulagi og að tillagan verði auglýst skv. 41. gr. skipulagslaga nr. 123/2010, samhliða auglýsingu aðalskipulagsbreytingar.
Samþykkt samhljóða með fimm atkvæðum."

Á 40. fundi skipulagsráðs þann 12. nóvember sl. var eftirfarandi bókað:
"Á fundi skipulagsráðs þann 15.október sl. var tekin fyrir umsókn Ocean EcoFarm ehf. um endurnýjun sjólagnar sem liggur um 750 m út frá Hafnargötu 4 á Hauganesi og samþykkti skipulagsráð að gefa út framkvæmdaleyfi fyrir áformunum.
Gera þarf breytingu á Aðalskipulagi Dalvíkurbyggðar 2008-2020 til samræmis við fyrirhugaða framkvæmd.
Niðurstaða : Skipulagsráð leggur til við sveitarstjórn að gerð verði breyting á Aðalskipulagi Dalvíkurbyggðar 2008-2020 til samræmis við erindið.
Að mati skipulagsráðs er um óverulega breytingu að ræða í samræmi við 2. mgr. 36. gr. skipulagslaga nr. 123/2010 þar sem breytingin hefur hvorki í för með sér breytingar á landnotkun né er hún líkleg til að hafa áhrif á einstaka aðila eða stór svæði.
Samþykkt samhljóða með fimm atkvæðum."

Á 30. fundi umhverfis- og dreifbýlisráðs þann 7. nóvember sl. var eftirfarandi bókað:
"Lögð fram kynning Vegagerðarinnar á breytingum sem fyrirhugaðar eru á leiðakerfi landsbyggðastrætó áramótin 2025/2026.
Niðurstaða : Umhverfis- og dreifbýlisráð bendir á að með því að strætó gangi ekki niður á Árskógssand nái nýtt leiðarkerfi ekki að uppfylla hlutverk landsbyggðastrætó um að tengja saman ferðamáta á landi, lofti og á sjó. Einnig þarf að flýta vinnu við flutning á stoppistöð strætó á Dalvík meira miðsvæðis til að bæta tengingu við Grímseyjarferju eins og lagt er til í deiliskipulagsdrögum.Samþykkt samhljóða með fjórum atkvæðum."

Á 1167. fundi byggðaráðs þann 13. nóvember sl. var samþykkt samhljóða að taka undir ofangreinda bókun umhverfis- og dreifbýlisráðs og jafnframt bókað að byggðaráð harmi að tíðni ferða var ekki aukin til og frá Dalvíkurbyggð.

Á 151. fundi veitu- og hafnaráðs þann 5. nóvember sl. var eftirfarandi bókað:
"Tekið fyrir minnisblað frá Norðurorku um stöðu jarðhitarannsókna í Þorvaldsdal í lok september sl., dags. 8.október 2025.
Niðurstaða : Veitu- og hafnaráð minnir á bókun ráðsins frá 6.febrúar sl., þar sem óskað var eftir því að fá drög að samningi við Norðurorku vegna þessa verkefnis og leggur áherslu á að ljúka þarf samningi sem fyrst. Jafnframt samþykkir veitu- og hafnaráð samhljóða með 5 atkvæðum að veita Auði Öglu Óladóttur, hjá ÍSOR, formlegt umboð til þess að gæta hagsmuna sveitarfélagsins í þessu verkefni."

Á 151. fundi veitu- og hafnaráðs þann 5.nóvember sl. var eftirfarandi bókað:
"Tekin fyrir kaup á djúpdælu til þess að setja niður í holu á Brimnesborgum ÁRS-32 og kostnaðaráætlun fyrir niðursetningu á henni sem og kostnaði við niðursetningu á djúpdælu í HA-11. Setja á báðar djúpdælur niður næsta vor/sumar.
Niðurstaða : Veitu- og hafnaráð samþykkir samhljóða með 5 atkvæðum að taka tilboði í niðursetningu á djúpdælu á Hamri en vísar ákvörðun um kaup á djúpdælu ásamt kostnaði við niðursetningu á Birnunesborgum til byggðaráðs. Veitu- og hafnaráð felur sveitarstjóra að kanna hvort gert er ráð fyrir kostnaði við að taka upp dælu á Birnunesborgum ásamt því að setja niður djúpdælu."

Á 1166. fundi byggðaráðs þann 6. nóvember sl. var m.a. eftirfarandi bókað:
"Í umsögn skipulagsfulltrúa dagsettri þann 28. október sl. til Sýslumannsins á Norðurlandi eystra kemur fram að Skipulagsfulltrúi bendir á að fyrirhuguð starfsemi samræmist ekki fyrirliggjandi skipulagi og skipulagsskilmálum svæðisins. Ekki hefur verið tekin endanleg afstaða til þess hvort leyfa skuli gististarfsemi á svæðinu en stefnt er að því að skilmálar um slíkt verði settir í nýtt aðalskipulag.
Á grundvelli þess gefur skipulagsfulltrúi jákvæða umsögn, sbr. 1.tl. 4.mgr. 10.gr. laga nr. 85/2007, um veitingastaði, gististaði og skemmtanahald.
Niðurstaða : Byggðaráð gerir ekki athugasemdir við að ofangreint leyfi sé veitt, með fyrirvara um umsögn frá Heilbrigðiseftirliti Norðurlands eystra."

Á 383. fundi sveitarstjórnar þann 4. nóvember sl. var Lilju Ósmann Guðnadóttur, 1. varaforseta, veitt lausn frá störfum úr sveitarstjórn.

Á 381. fundi sveitarstjórnar þann 19. júní sl. var eftirfarandi bókað:
"Á fundi sveitarstjórnar þann 15.apríl sl. var samþykkt að lóð hjúkrunarheimilisins Dalbæjar yrði skipt í tvær lóðir. Gera þarf breytingu á Aðalskipulagi Dalvíkurbyggðar 2008-2020 vegna þessa, þar sem ný lóð verður skilgreind sem íbúðarsvæði í stað svæðis fyrir þjónustustofnanir.
Niðurstaða : Enginn tók til máls.
Sveitarstjórn samþykkir samhljóða með 7 atkvæðum að gerð verði breyting á Aðalskipulagi Dalvíkurbyggðar 2008- 2020 til samræmis við erindið. Að mati sveitarstjórnar er breytingin óveruleg skv. 2.mgr. 36.gr. skipulagslaga nr.123/2010."

Með fundarboði sveitarstjórnar fylgdi rafpóstur skipulagsfulltrúa, dagsettur þann 18.nóvember 2025,þar sem fram kemur að bóka þarf að fallið verði frá fyrri ákvörðun um að gera breytingu á aðalskipulagi þar sem lóð Dalbæjar er skipt í tvær lóðir, sbr. mál 202404098.