Samningur um byggingu reiðhallar

Málsnúmer 202509144

Vakta málsnúmer

Íþrótta- og æskulýðsráð - 179. fundur - 14.10.2025

Íþróttafulltrúi lagði fram drög að styrktarsamningi varðandi byggingu reiðhallar fyrir hestamannafélagið Hring.
Lagt fram til kynningar. Íþróttafulltrúa falið að óska eftir kostnaðar - og verkáætlun.

Íþrótta- og æskulýðsráð - 180. fundur - 04.11.2025

Kostnaðaráætlun við uppbyggingu í Hringsholti hefur verið lögð fram ásamt því að ljúka þarf formlegri samningagerð um uppbygginguna.
Íþrótta- og æskulýðsráð samþykkir samning Dalvíkurbyggðar og Hestamannafélagsins Hrings ásamt kostnaðaráætlun fyrir sitt leyti með fimm atkvæðum. Samningi er vísað til umfjöllunar og afgreiðslu sveitarstjórnar.

Sveitarstjórn - 384. fundur - 18.11.2025

Á 180. fundi íþrótta- og æskulýðsráðs þann 4. nóvember sl. var eftirfarandi bókað:
"Kostnaðaráætlun við uppbyggingu í Hringsholti hefur verið lögð fram ásamt því að ljúka þarf formlegri samningagerð um uppbygginguna.
Niðurstaða : Íþrótta- og æskulýðsráð samþykkir samning Dalvíkurbyggðar og Hestamannafélagsins Hrings ásamt kostnaðaráætlun fyrir sitt leyti með fimm atkvæðum. Samningi er vísað til umfjöllunar og afgreiðslu sveitarstjórnar."
Til máls tók:
Freyr Antonsson.

Fleiri tóku ekki til máls.

Sveitarstjórn samþykkir samhljóða með 7 atkvæðum ofangreinda afgreiðslu íþrótta- og æskulýðsráðs og fyrirliggjandi tillögu að fjárfestingasamningi á milli Dalvíkurbyggðar og Hestamannafélagsins Hrings vegna byggingu reiðhallar í Hringsholti.

Íþrótta- og æskulýðsráð - 181. fundur - 15.01.2026

Sævaldur Jens Gunnarsson sat fundinn fyrir hönd Hestamannafélagsins Hrings.
Íþrótta- og æskulýðsráð þakkar forsvarsmönnum Hrings fyrir góða kynningu og felur íþróttafulltrúa að vinna málið áfram í samráði við forsvarsmenn félagsins.
Sævaldur Jens Gunnarsson yfirgaf fundinn klukkan 9:00

Íþrótta- og æskulýðsráð - 184. fundur - 03.02.2026

Lögð fram til skoðunar endurskoðuð og endurmetin drög að samningi um reiðhöll fyrir Hestamannafélagið Hring.
Íþrótta- og æskulýðsráð felur íþróttafulltrúa að vinna málið nánar í samstarfi við stjórn Hrings.

Íþrótta- og æskulýðsráð - 185. fundur - 03.03.2026

Sævaldur Jens Gunnarsson og Lilja Guðnadóttir úr stjórn Hestamannafélagsins Hrings sátu fundinn undir þessum lið.
Hestamannafélagið Hringur hefur óskað eftir að samningur um byggingu nýrrar reiðhallar félagsins við Dalvíkurbyggð verði tekinn upp og styrktarupphæðir endurskoðaðar. Fyrirliggjandi kostnaðaráætlun við framvkæmdina frá félaginu.
Íþrótta- og æskulýðsráð samþykkir með fjórum atkvæðum, uppfærðan samning sveitarfélagsins við Hestamannafélagið Hring.
Sævaldur og Lilja yfirgáfu fundinn kl.9.50
Gísli Bjarnsson, sviðsstjóri fræðslusviðs, yfirgaf fundinn kl.10.15

Byggðaráð - 1177. fundur - 12.03.2026

Undir þessum lið mætti á fundinn Gísli Bjarnson, sviðsstjóri fræðslu- og menningarsviðs, kl. 14:07.Jón Stefán Jónsson, íþróttafulltrúi, boðaði forföll.
Á 384. fundi sveitarstjórnar þann 18.nóvember sl. var fjárfestingasamningur á milli Dalvíkurbyggðar og Hestamannafélgsins Hrings vegna byggingu reiðhallar í Hringsholti tekinn til umfjöllunar og afgreiðslu. Fyrirliggjandi samningur var samþykktur samhljóða. Styrktarfjárhæð er alls 133 m.kr.

Á 185. fundi íþrótta- og æskulýðsráðs þann 3. mars sl. var eftirfarandi bókað:
"Hestamannafélagið Hringur hefur óskað eftir að samningur um byggingu nýrrar reiðhallar félagsins við Dalvíkurbyggð verði tekinn upp og styrktarupphæðir endurskoðaðar. Fyrirliggjandi kostnaðaráætlun við framvkæmdina frá félaginu.
Niðurstaða : Íþrótta- og æskulýðsráð samþykkir með fjórum atkvæðum, uppfærðan samning sveitarfélagsins við Hestamannafélagið Hring."

Með fundarboði byggðaráðs fylgdi minnisblað íþróttafulltrúa, dagsett þann 10. mars sl., þar sem farið er yfir ferlið við gerð samningsins um styrk til Hestamannafélagsins Hrings til byggingu reiðhallar. Við upptöku samningsins er nú lagt til að styrktarfjárhæðin verði alls 170 m.kr.

Til umræðu ofangreint.
Byggðaráð samþykkir samhljóða með 3 atkvæðum að fá stjórn Hestamannafélagsins Hrings á fund byggðaráðs ásamt íþróttafulltrúa og sviðsstjóra fræðslu-og menningarsviðs.