Deiliskipulag þjóðvegarins í gegnum Dalvík

Málsnúmer 202011010

Vakta málsnúmer

Umhverfisráð - 343. fundur - 06.11.2020

Lögð fram tillaga að skipulags- og matslýsingu vegna deiliskipulags þjóðvegar í þéttbýli Dalvíkur, unna af EFLU verkfræðistofu.
Umhverfisráð leggur til við sveitarstjórn að skipulags- og matslýsingin verði samþykkt og að skipulagsfulltrúa verði falið að kynna hana og afla umsagna skv. 3. mgr. 40. gr. skipulagslaga nr. 123/2010
Samþykkt samhljóða með fimm atkvæðum.

Sveitarstjórn - 329. fundur - 24.11.2020

Jón Ingi Sveinsson og Þórhalla Karlsdóttir komu inn á fundinn að nýju kl. 17:00.

Á 343. fundi umhverfisráðs þann 6. nóvember 2020 var eftirfarandi bókað:
"Lögð fram tillaga að skipulags- og matslýsingu vegna deiliskipulags þjóðvegar í þéttbýli Dalvíkur, unna af EFLU verkfræðistofu.
Umhverfisráð leggur til við sveitarstjórn að skipulags- og matslýsingin verði samþykkt og að skipulagsfulltrúa verði falið að kynna hana og afla umsagna skv. 3. mgr. 40. gr. skipulagslaga nr. 123/2010. Samþykkt samhljóða með fimm atkvæðum."

Til máls tók:
Jón Ingi Sveinsson.
Sveitarstjórn samþykkir samhljóða með 7 atkvæðum ofangreinda tillögu að skipulags- og matslýsingu vegna deiliskipulags þjóðvegar í þéttbýli Dalvíkur, unna af EFLU verkfræðistofu, og felur skipulagsfulltrúa að kynna hana og afla umsagna skv. 3. mgr. 40. gr. skipulagslaga nr. 123/2010.

Veitu- og hafnaráð - 100. fundur - 02.12.2020

Beiðni um umsögn á skipulags- og matslýsingu vegna deiliskipulags þjóðvegar í þéttbýli Dalvíkur.

Skipulagssvæðið nær yfir vegstæði þjóðvegar nr. 82, þar sem hann liggur gegnum þéttbýlið Dalvík frá þéttbýlismörkum á Skíðabraut í suðri við Svarfaðadalsveg, um Hafnarbraut og Gunnarsbraut og að bænum Mó í norðri. Vegalengdin er um 2,3 km og eru á vegkaflanum fjöldi gatnamóta auk aðkomum að lóðum sem að götunni liggja. Markmið með deiliskipulaginu er að tryggja sem best umferðaröryggi allra vegfarenda og bæta skilvirkt umferðarflæði með því að endurskoða gatnamót og innkeyrslur og ná þannig fram heildstæðum umferðaröryggisaðgerðum.

Veitu- og hafnaráð vill vekja athygli á því að þjóðvegir í þéttbýli á Dalvík eru fleiri en þjóðvegur nr. 82, því er rétt að nefna viðbótar þeim hluta þjóðvegar sem tengjast fyrrgreindum þjóðvegi. Annar þeirra liggur að ferjubryggjunni til Grímseyjar og hinn eftir Sjávarbraut niður að Austurgarði. Um þessar götur eru miklir þungaflutningar og því rétt að hanna gatnamót þeirra þannig að þau þoli þá umferð sem um þau (gatnamótin) fara.

Umhverfisráð - 346. fundur - 18.12.2020

Undir þessum lið komu á fundinn þau Anna Bragadóttir og Helgi Már Pálsson frá EFLU og kynna stöðuna kl. 10:20.
Til kynningar staða deiliskipulags þjóðvegarins gegnum Dalvík og valkostir.
Helgi og Anna viku af fundi kl. 10:40


Umhverfisráð frestar afgreiðslu tillagna til næsta fundar.

Umhverfisráð - 349. fundur - 05.02.2021

Lögð var fram kynning með fimm útfærslum á nýtingu göturýmis fyrir akbrautir, gangstéttir og hjólaleið gegnum þéttbýli Dalvíkur. Umhverfisráð frestaði afgreiðslu á fundi sínum þann 18.12.2020.
Umhverfisráð hefur yfirfarið framlagða kynningu og velur valkost 1 til að setja fram í deiliskipulagi þjóðvegar í þéttbýli Dalvíkur, þar sem að sú tillaga kæmi til með að þjóna íbúum best og stuðla að mestu umferðaröryggi.
Samþykkt samhljóða með fjórum atkvæðum

Sveitarstjórn - 332. fundur - 23.02.2021

Á 349. fundi umhverfisráðs þann 5. febrúar 2021 var eftirfarandi bókað:
"Lögð var fram kynning með fimm útfærslum á nýtingu göturýmis fyrir akbrautir, gangstéttir og hjólaleið gegnum þéttbýli Dalvíkur. Umhverfisráð frestaði afgreiðslu á fundi sínum þann 18.12.2020.
Umhverfisráð hefur yfirfarið framlagða kynningu og velur valkost 1 til að setja fram í deiliskipulagi þjóðvegar í þéttbýli Dalvíkur, þar sem að sú tillaga kæmi til með að þjóna íbúum best og stuðla að mestu umferðaröryggi.
Samþykkt samhljóða með fjórum atkvæðum."



Til máls tók Katrín Sigurjónsdóttir, sveitarstjóri, sem leggur til að ofangreindu máli verði vísað til byggðaráðs til frekari skoðunar vegna kostnaðaráhrifa á sveitarfélagið.
Þórhalla Karlsdóttir.


Sveitarstjórn samþykkir samhljóða með 7 atkvæðum ofangreinda tillögu sveitarstjóra um að vísa málinu til byggðaráðs til frekari skoðunar.

Byggðaráð - 977. fundur - 01.03.2021

Á 332. fundi sveitarstjórnar þann 23. febrúar 2021 var eftirfarandi bókað:
"Á 349. fundi umhverfisráðs þann 5. febrúar 2021 var eftirfarandi bókað: "Lögð var fram kynning með fimm útfærslum á nýtingu göturýmis fyrir akbrautir, gangstéttir og hjólaleið gegnum þéttbýli Dalvíkur. Umhverfisráð frestaði afgreiðslu á fundi sínum þann 18.12.2020. Umhverfisráð hefur yfirfarið framlagða kynningu og velur valkost 1 til að setja fram í deiliskipulagi þjóðvegar í þéttbýli Dalvíkur, þar sem að sú tillaga kæmi til með að þjóna íbúum best og stuðla að mestu umferðaröryggi. Samþykkt samhljóða með fjórum atkvæðum."
Til máls tók Katrín Sigurjónsdóttir, sveitarstjóri, sem leggur til að ofangreindu máli verði vísað til byggðaráðs til frekari skoðunar vegna kostnaðaráhrifa á sveitarfélagið. Þórhalla Karlsdóttir. Sveitarstjórn samþykkir samhljóða með 7 atkvæðum ofangreinda tillögu sveitarstjóra um að vísa málinu til byggðaráðs til frekari skoðunar."
Byggðaráð vísar ofangreindu til sveitarstjóra til skoðunar.

Byggðaráð - 979. fundur - 25.03.2021

Á 977. fundi byggðaráðs þann 1. mars sl. var ofangreint mál til umfjöllunar en málinu var vísað frá sveitarstjórn til byggðaráðs til frekari skoðunar vegna kostnaðaráhrifa á sveitarfélagið. Byggðaráð vísaði málinu til sveitarstjóra til skoðunar.

Með fundarboði byggðaráðs fylgdi minnisblað sveitarstjóra frá 22. mars sl. þar sem fram kemur að kostnaður sveitarfélagsins yrði í formi gerðar deiliskipulags. Þegar kæmi að framkvæmd þá yrði kostnaðarskipting þannig að stígakerfið er sveitarfélagsins en kantsteinninn Vegagerðarinnar.
Byggðaráð samþykkir samhljóða með 3 atkvæðum að leggja til við sveitarstjórn að afgreiðsla umhverfisráðs um að velja valkost 1 til að setja fram í deiliskipulagi þjóðvegar í þéttbýli Dalvíkur verði staðfest.

Sveitarstjórn - 334. fundur - 30.03.2021

Á 979. fundi byggðaráðs þann 25. mars 2021 var ofangreint mál til umfjöllunar en málinu var vísað frá sveitarstjórn til byggðaráðs og sveitarstjóra til skoðunar vegna kostnaðaráhrifa á sveitarfélagið.

Á fundinum var kynnt minnisblað sveitarstjóra frá 22. mars sl. þar sem fram kemur að kostnaður sveitarfélagsins er í formi gerðar deiliskipulags, helmingakostnaður á móti Vegagerðinni. Þegar kemur að framkvæmdum er kostnaðarskipting þannig að stígakerfið er sveitarfélagsins en kantsteinninn Vegagerðarinnar.

Eftirfarandi var bókað:
"Byggðaráð samþykkir samhljóða með 3 atkvæðum að leggja til við sveitarstjórn að afgreiðsla umhverfisráðs um að velja valkost 1 til að setja fram í deiliskipulagi þjóðvegar í þéttbýli Dalvíkur verði staðfest."

Enginn tók til máls.
Sveitarstjórn samþykkir samhljóða með 7 atkvæðum afgreiðslu umhverfisráðs og byggðaráðs um að velja valkost 1.

Umhverfisráð - 354. fundur - 04.06.2021

Með fundarboði fylgdi greinargerð ásamt skipulagsuppdráttum að þjóðvegi í þéttbýli Dalvíkur frá EFLU verkfræðistofu en verkefnið er samstarfsverkefni með Vegagerðinni.

Einnig fylgdi minnisblað frá EFLU vegna möguleika á hönnun krossgatnamóta Karlsrauðatorgs, Hafnarbrautar / Gunnarsbrautar.
Lagt fram til kynningar.

Umhverfisráð - 362. fundur - 17.09.2021

Farið yfir nýjustu drög að deiliskipulagi Þjóðvegarins sem unnið er af Eflu í samvinnu við Vegagerðina.
Umhverfisráð fór yfir framlögð drög að deiliskipulagi og tók saman sínar athugasemdir og tillögur að breytingum. Skipulags- og tæknifulltrúa er falið að koma athugasemdunum á framfæri við skipulagsráðgjafa.
Samþykkt samhljóða með fimm atkvæðum.