Sveitarstjórn

Fundargerðin er í 7 liðum.
Liðir 4 og 5 eru sér liður á dagskrá.

Fundargerðin er í 8 liðum.
Liðir 2, 3 og 5 eru sér liðir á dagskrá.

Fundargerðin er í 11 liðum.
Liðir 2, 3, 5, 6, og 7 eru sér liðir á dagskrá.

Fundargerðin er í 7 liðum.
Ekkert þarfnast afgreiðslu.

Fundargerðin er í 6 liðum.
Ekkert þarfnast afgreiðslu.

Fundargerðin er í 3 liðum.

Liður 1 er sér liður á dagskrá.

Fundargerðin er í 6 liðum.
Liður 1 er sér liður á dagskrá.

Fundargerðin er í 17. liðum.
Liðir 1,2,3,4, 6, 7, 8, 9, 15, og 16.

Á 1009. fundi byggðaráðs þann 09.12.2021 var eftirfarandi bókað:
"Á 339. fundi sveitarstjórnar þann 02.11.2021 var eftirfarndi bókað: "Á 997. fundi byggðaráðs þann 30. september sl. var eftirfarandi bókað: "Tekið fyrir erindi frá sviðsstjóra félagamálasviðs, dagsett þann 28. september 2021, þar sem óskað er eftir launaviðauka við fjárhagsáætlun 2021 að upphæð kr. 2.199.645 við deild 02560- Skammtímavistun. Fram kemur að auka þarf um 100% stöðugildi vegna aukningar þjónustuþega. Lagt er til að launaviðaukanum verði mætt með lækkun á lið 02110-9110. Byggðaráð samþykkir samhljóða með 3 atkvæðum ofangreinda beiðni um viðauka við fjárhagsáætlun 2021, viðauki nr. 20, að upphæð kr. 2.199.645 við deild 02560 og að honum verði mætt með lækkun á lið 02110-9110. Vísað til umfjöllunar og afgreiðslu sveitarstjórnar. Enginn tók til máls. Sveitarstjórn samþykkir samhljóða með 7 atkvæðum ofangreinda bókun byggðaráðs og beiðni um launaviðauka nr. 20 við fjárhagsáætlun 2021 að upphæð kr. 2.199.645 við deild 02560 og að honum verði mætt með lækkun á lið 02110-9110." Sviðsstjóri fjármála- og stjórnsýslusviðs gerði grein fyrir að samkvæmt meðfylgjandi gögnum, eftir að búið er að reikna viðaukann í launaáætlunarkerfi, þá er breyting á launaáætlun kr. 3.108.634 á deild 02110-9910, m.a. þar sem ekki var gert áður ráð fyrir launatengdum gjöldum. Lagt er til sem fyrr að liður 02110-9110 lækki um sömu upphæð. Einnig kom fram að búið er að gera ráð fyrir ofangreindri leiðréttingu í heildarviðauka IV við fjárhagsáætlun 2021 sem er á dagskrá hér á eftir. Byggðaráð samþykkir samhljóða með 3 atkvæðum ofangreinda leiðréttingu á viðauka nr. 20 og vísar honum til heildarviðauka IV við fjárhagsáætlun 2021. Vísað til umfjöllunar og afgreiðslu í sveitarstjórn."

Á 1007. fundi byggðaráðs þann 25.11.2021 var eftirfarandi bókað:
"Tekið fyrir erindið frá leikskólastjóra Krílakots, dagsett þann 10.11.2021, þar sem óskað er eftir viðauka við fjárhagsáætlun 2021 vegna lægri tekna ársins 2021 þar sem nemendur eru færri en áætlað var, að upphæð kr. 588.993. Um er að ræða lægri tekjur en áætlað var vegna desember; vistunargjöld og fæðisgjöld. Byggðaráð samþykkir samhljóða með 3 atkvæðum ofangreinda beiðni um viðauka nr. 30 vegna fjárhagsáætlunar 2021 að upphæð kr. 588.993 við deild 04140, þannig að liður 0240 lækki um kr. 141.378 og liður 0265 lækki um kr. 447.615. Byggðaráð samþykkir sömuleiðs að viðaukanum verði mætt með lækkun á handbæru fé. Vísað til sveitarstjórnar til umfjöllunar og afgreiðslu."

Á 1008. fundi byggðaráðs þann 25.11.2021 var tekið fyrir erindi þar sem óskað var eftir viðauka vegna Dalvíkurskóla, að upphæð kr. 2.086.290, sem og tilfærslu á launum skólastjóra Dalvíkurskóla yfir á Árskógarskóla, að upphæð kr. 1.302.310. Kr. 2.086.290 færu því til hækkunar á deild 04210 en kr. 1.302.130 væru til lækkunar á sömu deild vegna launa skólastjóra en aftur á móti til hækkunar á deild 04240; Árskógarskóla. Byggðaráð samþykkti samhljóða með 3 atkvæðum ofangreinda beiðni um viðauka við deildir 04210 og 04240, viðauki nr. 31 við fjárhagsáætlun 2021 og að þeim verði mætt með lækkun á handbæru fé. Vísað til umfjöllunar og afgreiðslu sveitarstjórnar.

Á 1009. fundi byggðaráðs þann 09.12.2021 var eftirfarandi bókað:
"Með fundarboði byggðaráðs fylgdi tillaga að heildarviðauka IV við fjárhagsáætlun 2021 þar sem búið er að taka inn alla viðauka sem gerðir hafa verið og samþykktir á árinu 2021. Einnig er búið að uppfæra verðbólguspá samkvæmt Þjóðhagsspá í nóvember 2021 þannig að gert er ráð fyrir 4,4% verðbólgu. Sviðsstjóri gerði grein fyrir að gert er ráð fyrir tveimur viðaukum til viðbótar sem eiga eftir að fá umfjöllun og afgreiðslu byggðaráðs;
a) Lækkun á lið 02110-9110; rekstrarstyrkur til einstaklinga, um kr. 500.000 samkvæmt tillögu sviðsstjóra félagsmálasviðs, sbr. mál 202109125 hér að ofan.
b) Breyting / leiðrétting á áætlun vegna smávirkjunar þannig að kr. 6.100.000 eru teknar út af framkvæmdaáætlun, liður 48200-11500, verknúmer KD012. Liður 47410-4320 vegna sama verkefnis lækki um kr. 3.222.400 þannig að eftir standa kr. 6.100.000 á lið 47410-4320 vegna smávirkjunar. Helstu niðurstöður: Rekstrarniðurstaða Samstæðu A- og B- hluta er neikvæð um kr. 91.388.000. Fjárfestingar eru áætlaðar kr. 147.413.000 fyrir Samstæðu A- og B- hluta, að teknu tilliti til lækkunar vegna smávirkjunar. Lántaka er áætluð 0 fyrir Samstæðu A- og B- hluta. Handbært fé frá rekstri er áætlað kr. 161.725.000 og veltufé kr. 176.344.000.

Byggðaráð samþykkir samhljóða með 3 atkvæðum:
a) Viðaukabeiðni nr. 32 að upphæð kr. 500.000 þannig að liður 02110-9110 lækki um kr. 500.000, mætt með hækkun á handbæru fé.
b) Viðaukabeiðni nr. 33 að upphæð kr. 6.100.000 þannig að áætlun vegna smávirkjunar á lið 48200-11500, verknúmer KD012 verði 0. Einnig að liður 47410-4320 vegna sama verkefnis lækki um kr. 3.222.400 og verði kr. 6.100.000. Lagt er til að þessum viðauka verði mætt með breytingum á handbæru fé.
c) Byggðaráð samþykkir samhljóða með 3 atkvæðum fyrirliggjandi heildarviðauka við fjárhagsáætlun 2021 eins og hann liggur fyrir og vísar honum til umfjöllunar og afgreiðslu sveitarstjórnar.

Á 1008. fundi byggðaráðs þann 02.12.2021 var eftirfarandi bókað:
"Á 1007. fundi byggðaráðs þann 25. nóvember sl. var eftirfarandi bókað: "Vegna vinnu við fjárhagsáætlun 2021 þá var til umfjöllunar minnisblað fyrrverandi sviðsstjóra veitu- og hafnasviðs um ósk um viðbótar starfsmann hjá veitum. Niðurstaðan var að ekki var unnt að verða við þeirri ósk. Með fundarboði byggðaráðs fylgdi minnisblað frá sviðsstjóra Framkvæmdasviðs, móttekið 24.11.2021, þar sem óskað er eftir viðbótar stöðugildi vegna aukinna verkefna veitna. Byggðaráð felur sveitarstjóra að afla nánari upplýsingar á milli funda og fá útreikninga hjá sviðsstjóra Framkvæmdasviðs varðandi kostnað, hvað bætist við og hvaða kostnaður fellur niður á móti. Einnig að kanna hvort mögulega væri hagkvæmara að leysa verkefni með aðkeyptri þjónustu." Sveitarstjóri gerði grein fyrir ofangreindu og farið var yfir útreikninga frá sviðsstjóra framkvæmdasviðs vegna yfirvinnu. Byggðaráð samþykkir samhljóða með 3 atkvæðum 100% viðbótarstöðuhlutfall við Framkvæmdasvið vegna veitna Dalvíkurbyggðar og að vísa ofangreindri beiðni til gerðar fjárhagsáætlunar 2022 með fyrirvara um niðurstöður úr launaáætlun samkvæmt þarfagreiningu veitna."

Á 29. fundi skólanefndar Tónlistarskólans á Tröllaskaga þann 29. nóvember sl. þá var eftirfarandi bókað:
"Gísli Bjarnason, sviðsstjóri fræðslu - og menningarsviðs Dalvíkurbyggðar, fór yfir þær hækkanir sem lagðar eru til í Byggðarráði Dalvíkurbyggðar og Bæjarráði Fjallabyggðar. Með vísan í 16. gr. samnings vegna samreksturs á Tónlistarskólanum á Tröllaskaga milli Dalvíkurbyggðar og Fjallabyggðar telur skólanefnd TÁT ekki forsendur fyrir hækkun á gjaldskrá skólans fyrir árið 2022 umfram 2,4% sem nefndin hefur áður samþykkt."

Á 340. fundi sveitartjórnar þann 23. nóvember 2021 þá var eftirfarandi bókað:
"Á 1006. fundi byggðaráðs þann 18.11.2021 var tillaga að gjaldskrá Hitaveitu Dalvíkur vegna 2022 til umfjöllunar. Byggðaráð samþykkti að vísa gjaldskránni til fyrri umræðu í sveitarstjórn. Enginn tók til máls. Sveitarstjórn samþykkir samhljóða með 7 atkvæðum að vísa gjaldskrá Hitaveitu Dalvíkur vegna ársins 2022 til síðari umræðu í sveitarstjórn, eins og hún liggur fyrir."

Á 339. fundi sveitarstjórnar þann 2. nóvember sl. var frumvarp að fjárhagsáætlun Dalvíkurbyggðar fyrir árið 2022 og þriggja ára áætlun 2023-2025 tekin til fyrri umræðu. Sveitarstjórn samþykkti samhljóða að vísa áætluninni til byggðaráðs á milli umræðna. Áætlunin var til umfjöllunar á 6 fundum í byggðaráði á milli umræðna.

Á 1008. fundi byggðaráðs þann 02.12.2021 var eftirfarandi bókað:
"Á 1007. fundi byggðaráðs þann 25.11.2021 var eftirfarandi bókað; "Tekið fyrir erindi frá SSNE, rafpóstur dagsettur þann 19. nóvember 2021, þar sem fram kemur að meðfylgjandi eru drög að samningi sveitarfélaga við SSNE vegna áfangastaðastofu. Samningur þessi leysir af hólmi samning sem Markaðsstofa Norðurlands hefur gert við sveitarfélögin undanfarin ár vegna þjónustu sinnar. Einnig fylgja samningar sem þessi samningsdrög byggja á, annars vegar samnings SSNE og SSNV við Atvinnuvega- og nýsköpunarráðuneytið um stofnun og starfsemi áfangastaðastofu og hins vegar þjónustusamningur SSNE við Markaðsstofu Norðurlands sem annast mun hlutverk áfangastaðastofu. Miðað við íbúafjölda í Dalvíkurbyggð um þessar mundir þá væri kostnaður sveitarfélagsins kr. 924.500. Gildistími samningsins er frá 1.1.2022 til og með 31.12.2023. Gjald fyrir þjónustu áfangastaðastofu miðað við íbúafjölda sveitarfélaga og er kr. 500 á hvern íbúa á ári m.v. íbúafjölda 1.desember árið á undan. Byggðaráð felur sveitarstjóra að afla nánari upplýsinga um ofangreind samningsdrög hvað varðar starfsemi og rekstur Áfangastaðastofu vs. starfsemi og rekstur Markaðsstofu Norðurlands." Sveitarstjóri gerði grein fyrir þeim upplýsingum sem hún hefur aflað á milli funda um ofangreind samningsdrög. Byggðaráð samþykkir samhljóða með 3 atkvæðum ofangreind samningsdrög eins og þau liggja fyrir og vísar þeim til umfjöllunar og afgreiðslu sveitarstjórnar."

Á 134. fundi íþrótta- og æskulýðsráðs þann 07.12.2021 var eftirfarandi bókað:
"Sveitarstjórn hefur samþykkt að lækka styrkhæfan aldur úr sex árum í fjögur. Óskaði sveitarstjórn eftir því við íþrótta- og æskulýðsráð að leggja fyrir uppfærðar reglur miðað við þá ákvörðun. Meðfylgjandi eru drög að nýjum reglum þar sem aldursviðmið fyrir hvatastyrk er frá 4-17 ára. Íþrótta- og æskulýðsráð samþykkir drög að uppfærðum reglum um hvatagreiðslur sem liggja fyrir og vísar þeim til staðfestingar sveitarstjórnar."

Á 1009. fundi byggðaráðs þann 09.12.2021 var eftirfarandi bókað:
"Á 997. fundi byggðaráðs þann 30. september 2021 var eftirfarandi bókað: "Á 329. fundi sveitarstjórnar þann 24. nóvember sl. var m.a. bókað: "Með fundarboði byggðaráðs fylgdi rafpóstur frá UNICEF, dagsettur þann 5. nóvember 2020, kannað er hvort enn sé áhugi fyrir því að taka þátt í verkefninu barnvæn sveitarfélög 2021. Eins og fram kom á sínum tíma þá greiðir sveitarfélagið 500.000kr skráningargjald en fræðsla og ráðgjöf er niðurgreidd af Félagsmálaráðuneytinu. Það þarf að tilnefna umsjónarmann með verkefninu og þar hefur 30% starfshlutfall gefið góða raun. Innleiðingarferlið tekur að meðaltali 2 ár. Sveitarstjórn samþykkir samhljóða með 7 atkvæðum ofangreinda tillögu byggðaráðs um frestun þátttöku í verkefninu og að kannað verði með þátttöku á árinu 2022." Með fundarboði byggðaráðs fylgdi rafpóstur frá samskiptastjóra innanlandsdeildar UNICEF, dagsettur þann 14. september sl, þar sem innt er eftir áhuga Dalvíkurbyggðar að taka þátt í verkefninu árið 2022. Byggðaráð samþykkir samhljóða með 3 atkvæðum að vísa ofangreindu til skoðunar hjá sviðsstjórum fræðslu- og menningarsviðs og félagsmálasviðs og meta hver yrði ávinningur Dalvíkurbyggðar að taka þátt í þessu verkefni." Með fundarboði byggðaráðs fylgdi minnisblað, dagsett þann 30.11.2021, þar sem samandregið kemur fram að það er mat sviðsstjóra félagsmálasviðs og fræðslu- og menningarsviðs að verkefnið er mjög áhugavert en hins vegar er lagt til að bíða átektar og taka ekki þátt í því að þessu sinni. Gert er grein fyrir þeim ástæðum í minnisblaðinu. Byggðaráð samþykkir samhljóða með 3 atkvæðum ofangreinda tillögu sviðstjóranna um að Dalvíkurbyggð taki ekki þátt í þessu verkefni að svo stöddu en heldur verði áhersla lögð á önnur verkefni í sama málaflokki og þá haft ofangreint verkefni áfram til hliðsjónar."

Á 1009. fundi byggðaráðs þann 09.12.2021 var eftirfarandi bókað:
"Á 340. fundi sveitarstjórnar þann 23. nóvember 2021 var eftirfarandi bókað: "Á 1006. fundi byggðaráðs þann 18.11.2021 var eftirfarandi bókað: "Á 337. fundi sveitarstjórnar þann 15. júní 2021 var eftirfarandi bókað: "Á 988. fundi byggðaráðs þann 10. júní sl. var eftirfarandi bókað: "Á 987. fundi byggðaráðs þann 3. júní sl. var eftirfarandi bókað: "Á 986. fundi byggðaráðs þann 27. maí sl. var til umfjöllunar Samþykkt um stjórn Dalvíkurbyggðar og erindisbréf landbúnaðarráðs, umhverfisráðs og veitu- og hafnaráðs með breytingartillögum vegna skipulagsbreytinga, þ.e. veitu- og hafnasviðs og umhverfis- og tæknisvið sameinað, er nú orðið framkvæmdasvið. Einnig eru gerðar tillögur að öðrum tæknilegum breytingum. Samþykktin og erindisbréfin voru til umfjöllunar á fundinum og lagt fram til kynningar fram að næstu fundum byggðaráðs. Til umræðu og frekari umfjöllun og afgreiðslu frestað til næsta fundar. Byggðaráð samþykkir samhljóða með 3 atkvæðum ofangreindar breytingartillögur að Samþykktum stjórnar Dalvíkurbyggðar og erindisbréfum landbúnaðarráðs, umhverfisráðs og veitu- og hafnaráðs. Vísað til fyrri umræðu í sveitarstjórn. Enginn tók til máls. Sveitarstjórn samþykkir samhljóða með 7 atkvæðum að vísa Samþykkt um stjórn Dalvíkurbyggðar ásamt erindisbréfum landbúnarráðs, umhverfisráðs og veitu- og hafnaráðs til síðari umræðu á fundi sveitarstjórnar í september." Með fundarboði byggðaráðs fylgdi uppfærð tillaga að Samþykkt um stjórn Dalvíkurbyggðar með tillögum að breytingum til viðbótar þeim sem voru til umfjöllunar á fundi sveitarstjórnar í júní sl. Tekið hefur verið tillit til nýrra leiðbeiningar um ritun fundargerð, leiðbeiningar um fjarfundi og hugmyndir um breytt nefndafyrirkomulag frá og með næsta kjörtímabili. Lagt fram til kynningar og vísað áfram til umfjöllunar.Til máls tók: Katrín Sigurjónsdóttir. Sveitarstjórn samþykkir samhljóða með 7 atkvæðum að vísa ofangreindum drögum áfram til umfjöllunar í byggðaráði." Með fundarboði byggðaráðs fylgdi yfirfarin drög að Samþykkt um stjórn Dalvíkurbyggðar af sveitarstjóra, sviðsstjóra fjármála- og stjórnsýsluviðs og lögfræðingi frá KPMG. Til viðbótar er ný tillaga að viðauka um embættisafgreiðslur skipulagsfulltrúa. Byggðaráð samþykkir samhljóða með 3 atkvæðum ofangreind drög að breytingum á Samþykkt um stjórn Dalvíkurbyggðar eins og þau liggja fyrir og vísar þeim til fyrri umræðu í sveitarstjórn."

Á 1008. fundi byggðaráðs þann 02.12.2021 var eftirfarandi bókað:
"Tekið fyrir minnisblað frá sviðsstjóra framkvæmdasviðs þar sem fjallað er um tildrög þess að veitur Dalvíkurbyggðar fengu að láni rafstöð í eigu Verkvals í óveðrinu í desember 2019. Rafall gaf sig í rafstöðinni og náðst hefur samkomulag á milli Dalvíkurbyggðar og Verkvals að veitur taki þátt í kostnaði við að setja nýjan rafal í rafstöðina, að teknu tilliti til aldurs og ástands. Kostnaður Dalvíkurbyggðar yrði kr. 496.332 með vsk og lagt er til að þeim kostnaði verði vísað á lið 47320-4630. Byggðaráð samþykkir samhljóða með 3 atkvæðum ofangreinda tillögu og vísar henni til umfjöllunar og afgreiðslu sveitarstjórnar."

Á 366. fundi umhverfisráðs þann 03.12.2021 þá var eftirfarandi bókað:
"Með umsókn, dagsettri 10. nóvember 2021, óskar Tréverk ehf. eftir parhúsalóðinni við Hringtún 13-15 á Dalvík. Meðfylgjandi er rökstuðningur fyrir úthlutun lóðarinnar til Tréverks ehf. Umhverfisráð mat báðar umsóknir um lóðina við Hringtún 13-15 að jöfnu. Samkvæmt 3.1.2. gr. reglna um lóðaveitingar í Dalvíkurbyggð ber að draga á milli ef fleiri en ein hæf umsókn berst. Felix Felixson dró hjartaás fyrir hönd Tréverks og Ottó Jakobsson dró spaðaníu fyrir hönd EGO húsa. Á þessum forsendum úthlutar umhverfisráð því Tréverk ehf. lóðina við Hringtún 13-15. Samþykkt samhljóða með fimm atkvæðum. "

Á 366. fundi umhverfsiráðs þann 03.12.2021 var eftirfarandi bókað:
"Með umsókn, dagsettri 11. nóvember 2021, óska EGO hús ehf. eftir parhúsalóðinni við Hringtún 13-15 á Dalvík. Meðfylgjandi er rökstuðningur fyrir úthlutun lóðarinnar til EGO húsa ehf. Umhverfisráð mat báðar umsóknir um lóðina við Hringtún 13-15 að jöfnu. Samkvæmt 3.1.2. gr. reglna um lóðaveitingar í Dalvíkurbyggð ber að draga á milli ef fleiri en ein hæf umsókn berst. Felix Felixson dró hjartaás fyrir hönd Tréverks og Ottó Jakobsson dró spaðaníu fyrir hönd EGO húsa. Á þessum forsendum hafnar umhverfisráð því umsókn EGO húsa um lóðina við Hringtún 13-15. Samþykkt samhljóða með fimm atkvæðum. "

Á 366. fundi umhverfisráðs þann 03.12.2021 var eftirfarandi bókað:
"Lögð fram tillaga að breytingu á deiliskipulagi Hóla- og Túnahverfis á Dalvík þar sem breytingar eru gerðar á stærð lóðanna að Skógarhólum 11 og Skógarhólum 23 a,b,c og d til þess að koma fyrir nýrri húsagötu í eigu og rekstri Dalvíkurbyggðar. Umhverfisráð samþykkir breytinguna. Að mati ráðsins er um að ræða óverulega breytingu á deiliskipulagi skv. 2. mgr. 43. gr. skipulagslaga nr. 123/2010 og skal hún grenndarkynnt lóðarhöfum Skógarhóla 11 og Skógarhóla 23 a,b,c og d. "

Á 366. fundi umhverfisráðs þann 03.12.2021 var eftirfarandi bókað:
"Lögð fram skipulags- og matslýsing fyrir breytingu á Aðalskipulagi Dalvíkurbyggðar 2008-2020 ásamt aðalskipulagi Hörgársveitar og Akureyrar vegna Dalvíkurlínu 2. Lýsingin er unnin af Verkís fyrir hönd Landsnets.Umhverfisráð leggur til við sveitarstjórn að framlögð skipulags- og matslýsing verði samþykkt og að hún verði kynnt skv. 1. mgr. 30. gr. skipulagslaga nr. 123/2010. Þessari fyrirhuguðu breytingu á aðalskipulagi Dalvíkurbyggðar 2008-2020 hefur nú þegar verið vísað til endurskoðunar þess. Samþykkt samhljóða með fimm atkvæðum."

Á 366. fundi umhverfisráðs þann 03.12.2021 var eftirfarandi bókað:
"Lögð fram tillaga að breytingu á aðalskipulagi Dalvíkurbyggðar 2008-2020 þar sem landnotkun og stærð þéttbýlissvæðis við Hauganes er breytt til samræmis við deiliskipulagstillögu fyrir Hauganes. Umhverfisráð leggur til við sveitarstjórn að aðalskipulagsbreyting þessi verði auglýst skv. 31. gr. skipulagslaga nr. 123/2010. Samþykkt samhljóða með fimm atkvæðum."

Á 366. fundi umhverfisráðs þann 03.12.2021 var eftirfarandi bókað:
"Lögð fram deiliskipulagstillaga fyrir Hauganes unnin af Ágústi Hafseinssyni hjá Form ráðgjöf ehf. Deiliskipulagstillagan samanstendur af uppdrætti dagsettum 22. nóvember 2021 og greinargerð. Umhverfisráð samþykkir fyrirliggjandi drög og leggur til við sveitarstjórn að deiliskipulagstillagan verði auglýst skv. 1. mgr. 41. gr. skipulagslaga nr. 123/2010. Samþykkt samhljóða með fimm atkvæðum."

Á 366. fundi umhverfisráðs þann 03.12.2021 var eftirfarandi bókað:
"Með tölvupósti, dagsettum 23. nóvember 2021, óskar Sigríður Hrefna Pálsdóttir fyrir hönd skipulags- og byggingafulltrúa Eyjafjarðar eftir umsögn um skipulagslýsingu fyrir deiliskipulag nýs áfanga Lónsbakkahverfis ásamt skipulagslýsingu tilheyrandi aðalskipulagsbreytingar. Umhverfisráð gerir ekki athugasemd við skipulagslýsinguna. Samþykkt samhljóða með fimm atkvæðum."

Á 366. fundi umhverfisráðs þann 03.12.2021 þá var eftirfarandi bókað:
"Með umsókn, dagsettri 15. nóvember 2021, óskar Georg William Bagguley eftir endurnýjun á útrunnum lóðarleigusamningi fyrir Karlsbraut 22 á Dalvík. Umhverfisráð samþykkir erindið og felur skipulags- og tæknifulltrúa að endurnýja lóðarleigusamninginn. Samþykkt samhljóða með fimm atkvæðum."

Á 366. fundi umhverfisráðs þann 03.12.2021 þá var eftirfarandi bókað:
"Tekin fyrir tölvupóstur dagsettur 17. nóvember 2021 frá Önnu Kristínu Guðmundsdóttur þar sem hún fyrir hönd Teiknistofu Norðurlands óskar eftir samstarfi við Dalvíkurbyggð um umsókn í Framkvæmdasjóð ferðamannastaða til þess að vinna að hönnun á gönguleiðum, útsýnispöllum og dvalarsvæðum meðfram strandlínunni á Dalvík. Umhverfisráð tekur vel í erindið og leggur til að farið verði í samstarf við Teiknistofu Norðurlands við að sækja um styrk í Framkvæmdasjóð ferðamannastaða. Ráðið leggur til að fyrsti áfangi verði gönguleið meðfram Sandskeiði og aðkoman að Böggvisstaðasandi. Samþykkt samhljóða með fimm atkvæðum."

Á 366. fundi umhverfisráðs þann 03.12.2021 var eftirfarandi bókað:
"Tekinn fyrir tölvupóstur frá Herði Finnbogasyni starfsmanni Skíðafélags Dalvíkur þar sem hann óskar leyfis fyrir skiltum við Skíðabraut og Mímisveg til að auglýsa skíðasvæðið í Böggvisstaðafjalli. Umhverfisráð tekur jákvætt í erindið og setur sig ekki upp á móti staðsetningu skiltanna. Ráðið bendir þó á að sækja verði einnig um leyfi frá Vegagerðinni. Samþykkt samhljóða með fimm atkvæðum."