Skipulagsráð

Steinþór Traustason og Bjarki Þórir Valberg hjá Cowi verkfræðistofu kynntu tillögur að deiliskipulagi fyrir íbúðarsvæði sunnan Dalvíkur þar sem búið er að aðlaga legu gatna og lóða að jarðstreng Rarik sem liggur í gegnum svæðið.
Steinþór og Bjarki sátu fundinn í fjarfundabúnaði undir þessum fundarlið.

Kynningu tillögu á vinnslustigi að breytingu á Aðalskipulagi Dalvíkurbyggðar 2008-2020 vegna nýrrar íbúðabyggðar við Böggvisbraut lauk þann 18.júní sl.
Engar athugasemdir bárust. Umsagnir bárust frá Rarik, Heilbrigðiseftirliti Norðurlands eystra, Norðurorku og Minjastofnun Íslands.
Málið var áður á dagskrá skipulagsráðs þann 12.ágúst sl. og var skipulagsfulltrúa falið að vinna að endanlegri tillögu m.t.t. ábendinga sem komu fram í umsögnum.

Kynningu tillögu á vinnslustigi að nýju deiliskipulagi fyrir íbúðabyggð við Böggvisbraut lauk þann 18.júní sl.
Engar athugasemdir bárust. Umsagnir bárust frá Rarik, Heilbrigðiseftirliti Norðurlands eystra og Minjastofnun Íslands.
Tillagan sem lögð er fram nú hefur verið uppfærð frá fyrri tillögu m.t.t. ábendinga sem fram komu í umsögn Rarik varðandi legu jarðstrengs.

Auglýsingu tillögu að deiliskipulagi þjóðvegarins í gegnum Dalvík lauk þann 7.september sl.
Þrjár athugasemdir bárust. Umsagnir bárust frá Minjastofnun Íslands, Vegagerðinni, Rarik, Heilbrigðiseftirliti Norðurlands eystra, Landsneti og Mílu.

Auglýsingu tillögu að breytingu á deiliskipulagi hafnarsvæðis á Dalvík lauk þann 7.september sl.
Engar athugasemdir bárust. Umsagnir bárust frá Landsneti, Heilbrigðiseftirliti Norðurlands eystra, Rarik, Minjastofnun Íslands, Vegagerðinni og Mílu.

Auglýsingu tillögu að deiliskipulagi fyrir Dalbæ og Karlsrauðatorg á Dalvík lauk þann 9.september sl.
Þrettán athugasemdir bárust. Umsagnir bárust frá Vegagerðinni, Mílu, Minjastofnun Íslands, Rarik, Heilbrigðiseftirliti Norðurlands eystra , veitum Dalvíkurbyggðar og Leikskólanum Krílakoti.

Lögð fram til kynningar verk- og kostnaðaráætlun Landslags ehf. fyrir vinnu við gerð nýs deiliskipulags fyrir hesthúsasvæði Ytra-Holti.

Rætt um áframhald vinnu í tengslum við endurskoðun á deiliskipulagi hafnarsvæðis á Dalvík.

Grenndarkynningu áforma um skiptingu frístundalóðar nr. 4 í landi Hamars (Hamarkot 2) lauk þann 9.september sl.
Engar athugasemdir bárust.

Erindi dagsett 2.september 2025 þar sem Halla Dögg Káradóttir f.h. Vatnsveitu Dalvíkurbyggðar sækir um framkvæmdaleyfi fyrir lengingu útrásar við Hauganes.
Fyrirhuguð lenging er 70 m.

Á fundi skipulagsráðs þann 6.maí sl. var samþykkt að stofnuð yrði lóð undir lokahús vatnsveitu Dalvíkur við Brimnesá.
Framkvæmdasvið hefur lagt til að vegur að umræddri lóð fái heitið Gilvegur.

Erindi dagsett 13.ágúst 2025 þar sem Christof Wenker sækir um frístundalóð nr. 8 við Álfhólströð.
Lóðinni var áður úthlutað til umsækjanda árið 2023 og hún innkölluð til sveitarfélagsins í lok árs 2024.

Erindi dagsett 27.ágúst 2025 þar sem Alexander Reynir Tryggvason sækir um 10.000 m2 lóð í búgarðabyggð 821-L norðan Hauganess.

Erindi dagsett 23.júlí 2025 þar sem óskað er umsagnar Dalvíkurbyggðar um tillögu að nýju Aðalskipulagi Skagafjarðar 2025-2040.
Umsagnarfrestur er veittur til 15.september nk.

Lagt fram erindi Sýslumannsins á Norðurlandi eystra, dags. 31.júlí sl., þar sem óskað er umsagnar Dalvíkurbyggðar um rekstrarleyfi fyrir gististað í flokki II á lóðinni Árbakka á Árskógsandi.
Ekki er í gildi deiliskipulag fyrir svæðið en vinna við aðalskipulagsbreytingu stendur yfir þar sem lóðin verður innan íbúðarsvæðis 707-ÍB.

Lögð fram skýrsla Eflu verkfræðistofu um kostnaðargreiningu fyrir innviðauppbyggingu og viðhaldi á frístundasvæðum í landi Dalvíkurbyggðar.

Farið yfir helstu áherslur og markmið vegna fjárhagsáætunargerðar fyrir árið 2026 og markmið næstu þriggja ára.

Lagðar fram til umræðu gjaldskrár fyrir gatnagerðargjöld, skipulags- og byggingarmál og frístundalóðir í Dalvíkurbyggð.

Lagt fram erindi Ferðafélags Svarfdæla, dags. 11.ágúst 2025, þar sem lagðar eru fram tillögur að verkefnum í tengslum við umhverfi og náttúru í Dalvíkurbyggð og bent á mikilvægi þess að hafa slík verkefni í huga við gerð fjárhagsáætlunar fyrir árin 2026-2029.

Tekið fyrir erindi frá Önnu Kristínu Guðmundsdóttur, dagsett þann 18. ágúst sl. þar sem fram koma hugmyndir að ýmsum verkefnum er varðar leiksvæði, strandlengjuna, útsýnispall og útsýnissvæði, Lágina, umhverfi ærslabelga, búnað í Sundlaug Dalvíkur og skólalóð Dalvíkurskóla.

Á fundi byggðaráðs þann 21.ágúst sl. var tekið fyrir erindi frá Gittu Unn Ármannsdóttur, Guðmundi Geir Jónssyni, Freydísi Ingu Bóasdóttur, Jónasi Þór Leifssyni og Lindu Andersson, þar sem komið er á framfæri þeirri hugmynd að með því að setja fínna yfirlag yfir fyrirhugaðan göngu- og hjólastíg meðfram Dalvíkurlínu 2 verði hægt að hjóla á stígnum strax á þessu ári, þó svo að hann verði fullkláraður síðar samkvæmt áætlun.
Byggðaráð vísaði erindinu til skipulagsráðs í tengslum við gerð fjárhagsáætlunar fyrir árið 2026.

Lögð fram skýrsla fyrir málaflokk 09 fyrir mars - júlí 2025 varðandi stöðu bókhalds í samanburði við heimildir.

Lögð fram til kynningar fundargerð 6. fundar dags. 18. ágúst 2025, með fullnaðarafgreiðslum erinda.