Fjárhagsáætlunargerð 2026; erindi frá Önnu Kristínu Guðmundsdóttur

Byggðaráð samþykkir samhljóða með 3 atkvæðum að vísa ofangreindu erindi, eftir því sem við á, til vinnuhóps sveitarfélagsins um leikvelli og leiksvæði, íþrótta- og æskulýðsráðs, umhverfis- og dreifbýlisráðs, fræðsluráðs, skipulagsráðs og byggðaráðs, í tengslum við vinnu við fjárhagsáætlun 2026 og þriggja ára áætlun 2027-2029. Byggðaráð óskar eftir að fá fullmótaða og samræmda tillögu að afgreiðslu frá ráðunum. Byggðaráð minnir einnig á að móta þarf framtíðarsýn og tillögur að leikvöllum í sveitarfélaginu, bæði hvað varðar við stofnanir sveitarfélagisns og á opnum svæðum sem m.a. innihaldi fjölda, gerð, viðhalds- og endurnýjunaráætlun.

Íþróttafulltrúa falið að vinna fullmótaðar tillögur í samráði við hagaðila og viðkomandi starfsmenn.

1. Leiksvæði í Hringtúni.
Ekki er gert ráð fyrir uppbyggingu á leiksvæði í Hringtúni. Verið er að klára stíg og setja upp lýsingu. Umhverfis- og dreifbýlisráð vísar gerð dvalarsvæðis og gróðursvæða til fjárhagsáætlunar 2026.

2. Nýtt fjölskyldu, leik- og æfingasvæði í gróðurlundi við Kirkjubrekku.
Umhverfis- og dreifbýlisráð telur ekki þörf á breytingum á þessu svæði og hafnar því erindinu. Uppbyggingu á stíg frá Dalbæ að Hólavegi er vísað í þriggja ára áætlun.

3. Strandlengjan
Á fjárhagsáætlun 2025 er hönnun á þessu svæði og gert ráð fyrir áframhaldandi vinnu á næstu árum.

4 . Útsýnispallur í Múla
Umhverfis- og dreifbýlisráð telur að ekki sé tímabært að setja þetta verkefni á áætlun.

5. Leiksvæði í Hjarðarslóð og Skógarhólum
Þessa dagana er unnið að uppsetningu á nýju leiksvæði í Skógarhólum og mun umhverfisfrágangur þar verða kláraður sumarið 2026. Tillaga vinnuhóps um leiksvæði gerir ekki ráð fyrir leiksvæði í Hjarðarslóð.

6. Lágin
Unnið er að jarðvegsskiptum og hellulögn á stígum, uppsetningu á lýsingu og bættum tengingum í Láginni þessa dagana. Gert er ráð fyrir lokafrágangi sumarið 2026.

7. Útsýnisstaðir á Hauganesi og Árskógssandi.
Umhverfis- og dreifbýlisráð vísar erindinu til fjárhagsáætlunar 2026.

8. Gervigras/fallvarnarefni umhverfis ærslabelgi.
Nú þegar er fallvarnarefni umhverfis alla ærslabelgi í sveitarfélaginu. Ef vilji er til að bæta enn betur umhverfi ærslabelgs á skólalóð tengist það hönnun lóðarinnar og framkvæmdum á henni.

9. Skólalóð Dalvíkurskóla
Erindinu er vísað til vinnuhóps um skólalóð Dalvíkurskóla.

Samþykkt samhljóða með fimm atkvæðum.

Fræðsluráð vísar málinu inn í vinnuhóp um skólalóðir grunnskóla í Dalvíkurbyggð.

Lagt fram til kynningar.
Verkefnum varðandi strandlengju Dalvíkur er vísað til deiliskipulagsvinnu fyrir Sandskeið og hafnarsvæði.
Samþykkt samhljóða með fimm atkvæðum.

Byggðráð tekur undir bókun umhverfis- og dreifbýlisráðs af 35.fundi sínum þann 5.september sl.
Þá beinir byggðaráð því til skiplagsráðs að taka tillit til mögulegra útsýnisstaða í Múlanum við gerð aðalskipulags Dalvíkurbyggðar.

Samþykkt samhljóða með 3 atkvæðum.