Byggðaráð

Á 332. fundi sveitarstjórnar þann 23. febrúar sl. var til umfjöllunar ráðning sviðsstjóra framkvæmdasviðs. Sú tillaga var samþykkt samhljóða með 7 atkvæðum að hafna öllum umsækjendum um starfið og auglýsa það að nýju.

Á 331. fundi sveitarstjórnar þann 19. janúar sl. var samþykkt samhljóða með 7 atkvæðum að bjóða sviðsstjóra umhverfis- og tæknisviðs nýtt starf byggingar- og skipulagsfulltrúa á hinu nýja sviði. Sviðsstjóri umhverfis- og tæknisviðs mun ekki þiggja boð um starf byggingar- og skipulagsfulltrúa.

Fyrir liggur því að auglýsa þarf 2 nýjar stöður; sviðsstjóri framkvæmdasviðs og byggingar- og skipulagsfulltrúi.

Til umræðu auglýsingar um ofangreindar stöður.

Jón Ingi Sveinsson vék af fundi undir þessum lið vegna vanhæfis kl. 15:52.

Á 332. fundi sveitarstjórnar þann 23. febrúar sl. var samþykkt tillaga byggðaráðs um að sveitarfélagið auglýsi eftir umsóknum um stofnframlög samkvæmt 5. gr. reglna Dalvíkurbyggðar um stofnframlög.

Til umræðu innihald og áherslur auglýsingar miðað við gildandi húsnæðisáætlun.

Jón Ingi Sveinsson kom inn á fundinn kl. 16:00.

Tekið fyrir minnisblað frá sviðsstjóra fræðslu- og menningarsviðs, dagsett þann 26. febrúar 2021, þar sem óskað er eftir viðauka við launaáætlun Tónlistarskólans á Tröllaskaga vegna nýrra kjarasamninga sem voru samþykktir í lok desember 2020. Í fjárhagsáætlun 2021 var gert ráð fyrir launaskriði til að mæta nýjum kjarasamningum. Óskað er eftir viðauka að upphæð kr. 4.229.442, sem er nettó upphæðin þegar búið er að taka tillit til hlutdeildar Fjallabyggðar.

Á 332. fundi sveitarstjórnar þann 23. febrúar 2021 var eftirfarandi bókað:
"Á 349. fundi umhverfisráðs þann 5. febrúar 2021 var eftirfarandi bókað: "Lögð var fram kynning með fimm útfærslum á nýtingu göturýmis fyrir akbrautir, gangstéttir og hjólaleið gegnum þéttbýli Dalvíkur. Umhverfisráð frestaði afgreiðslu á fundi sínum þann 18.12.2020. Umhverfisráð hefur yfirfarið framlagða kynningu og velur valkost 1 til að setja fram í deiliskipulagi þjóðvegar í þéttbýli Dalvíkur, þar sem að sú tillaga kæmi til með að þjóna íbúum best og stuðla að mestu umferðaröryggi. Samþykkt samhljóða með fjórum atkvæðum."
Til máls tók Katrín Sigurjónsdóttir, sveitarstjóri, sem leggur til að ofangreindu máli verði vísað til byggðaráðs til frekari skoðunar vegna kostnaðaráhrifa á sveitarfélagið. Þórhalla Karlsdóttir. Sveitarstjórn samþykkir samhljóða með 7 atkvæðum ofangreinda tillögu sveitarstjóra um að vísa málinu til byggðaráðs til frekari skoðunar."

Tekinn fyrir rafpóstur frá nefndasviði Alþingis, dagsettur þann 18. febrúar 2021, þar sem Allsherjar- og menntamálanefnd Alþingis sendi til umsagnar frumvarp til laga um áfengislög (sala á framleiðslustað), 504. mál.
Þess er óskað að undirrituð umsögn berist eigi síðar en 4. mars 2021 nk.

Tekinn fyrir rafpóstur frá nefndasviði Alþingis, dagsettur þann 22. febrúar 2021, þar sem Stjórnskipunar- og eftirlitsnefnd Alþingis sendir til umsagnar frumvarp til laga um um stjórnarskipunarlög (kosningaaldur), 188. mál. Þess er óskað að undirrituð umsögn berist eigi síðar en 15. mars nk.

Tekið fyrir erindi frá Starfshópi minni sveitarfélaga, rafpóstur dagsettur þann 23. febrúar 2021. Þar er kynnt tillaga sem hópur minni sveitarfélaga hefur unnið í því skyni að hún gæti komið í stað íbúalágmarks. Þá með það að markmiði að styrkja og efla sveitarstjórnarstigið, ekki hvað síst með sameiningum. Að tillögunni standa um 20 sveitarfélög en vonir eru bundnar við að fulltrúar fleiri sveitarfélaga sjái tækifæri í að senda inn umsögn um frumvarpið og styðja tillöguna. Umsagnarfrestur hefur verið framlengdur til 1. mars 2021.

Tekinn fyrir rafpóstur frá nefndasviði Alþingis, dagsettur þann 24. febrúar 2021, þar sem Velferðarnefnd Alþingis sendir til umagnar frumvarp til laga um málefni innflytjenda (móttaka flóttafólks og innflytjendaráð), 452. mál.

Þess er óskað að undirrituð umsögn berist eigi síðar en 10. mars nk.

Lögð fram til kynningar fundargerð starfs- og kjaranefndar frá 24. febrúar 2021.

Til kynningar fundargerð 2. fundar vinnuhóps um Gamla skóla og Friðlandsstofu frá 24. febrúar 2021.

Lögð fram til kynningar fundargerð stjórnar SSNE nr. 21 frá 27. janúar 2021.