Skipulagsráð

Anna Kristín Guðmundsdóttir hjá Landslagi ehf. kynnti skipulagslýsingu fyrir nýtt deiliskipulag hesthúsasvæðis í Hringsholti.

Anna Kristín sat fundinn undir þessum dagskrárlið. Auk hennar sátu fundinn í fjarfundabúnaði Atli Steinn Sveinbjörnsson og Ómar Ívarsson hjá Landslagi ehf.

Anna Kristín Guðmundsdóttir hjá Landslagi ehf. kynnti lýsingu fyrir nýtt deiliskipulag athafnsvæðis við Sandskeið á Dalvík.

Anna Kristín sat fundinn undir þessum dagskrárlið. Auk hennar sátu fundinn í fjarfundabúnaði Atli Steinn Sveinbjörnsson og Ómar Ívarsson hjá Landslagi ehf.

Kynningu tillögu á vinnslustigi að nýju Aðalskipulagi Dalvíkurbyggðar 2025-2045 lauk þann 11.nóvember sl.
Umsagnir bárust frá Fiskistofu, Akureyrarbæ, Sveitarfélaginu Skagafirði, Minjastofnun Íslands, Rarik, Hörgársveit, veitu- og hafnaráði Dalvíkurbyggðar, Félagi eldri borgara í Dalvíkurbyggð, Hafrannsóknarstofnun, Skógræktarfélagi Eyfirðinga, Heilbrigðiseftirliti Norðurlands eystra, Skíðafélagi Dalvíkur, Ferðafélagi Svarfdæla, Norðurorku, Vegagerðinni, Náttúrufræðistofnun, Landsneti og Hestamannafélaginu Hring, auk þess sem ábendingar bárust frá íbúum á svæðinu.

Lögð fram tillaga að breytingu á Aðalskipulagi Dalvíkurbyggðar 2008-2020, unnin af Eflu verkfræðistofu. Tilagan gerir ráð fyrir nýju iðnaðarsvæði og efnistökusvæði í Þorvaldsdal í tengslum við áform um vatnsaflsvirkjun.
Kynningu vinnslutillögu fyrir breytinguna lauk þann 23.júlí sl.
Engar athugasemdir bárust. Umsagnir bárust frá Mílu, Heilbrigðiseftirliti Norðurlands eystra, Rarik, Vegagerðinni, Minjastofnun Íslands, slökkviliði Dalvíkur, Fjallabyggð, Náttúrufræðistofnun, Fiskistofu, Hörgársveit og Landsneti.

Lögð fram tillaga að deiliskipulagi fyrir Árskógsvirkjun í Þorvaldsdal, unnin af Eflu verkfræðistofu. Tilagan gerir ráð fyrir byggingu allt að 5 MW vatnsaflsvirkjunar, stíflu og stöðvarhúss, ásamt lagingu vegslóða og 3,7 km langrar aðrennslispípu auk efnistökusvæðis.
Kynningu vinnslutillögu fyrir skipulagsáformin lauk þann 23.júlí sl. Engar athugasemdir bárust. Umsagnir bárust frá Mílu, Heilbrigðiseftirliti Norðurlands eystra, Rarik, Vegagerðinni, Minjastofnun Íslands, Náttúrufræðistofnun, Náttúruverndarstofnun, Fiskistofu, Ferðafélagi Svarfdæla og Landsneti.

Lögð fram til umræðu tillaga framkvæmdaraðila að stækkun fyrirhugaðs frístundasvæðis við Hauganes.
Tillagan gerir ráð fyrir sex 40 m2 smáhýsum á svæði norðan megin við núverandi tjaldsvæði, ásamt því að staðsetningu fyrirhugaðs hótels hefur verið breytt.

Lögð fram til umræðu tillaga að breytingu á legu gatna í fyrirhuguðu íbúðahverfi sunnan Dalvíkur.

Lagt fram minnisblað frá Eflu verkfræðistofu, dags. 30.október 2025, þar sem gerð er tillaga að hliðrun Gunnarsbrautar til austurs og útfærslu umferðareyja í Sunnutúni/Hafnarbraut og Sjávarbraut/Gunnarsbraut til samræmis við bókun skipulagsráðs frá 10.september sl.

Gera þarf breytingu á deiliskipulagi Hauganess þar sem lóðarstærðir við götur sem merktar eru A-holt og B-holt eru lagfærðar og fyrirkomulag gatna og íbúðasamsetning eru endurskoðuð.

Erindi dagsett 27.október 2025 þar sem Steinunn Elfa Úlfarsdóttir f.h. Kirkjugarða Dalvíkursóknar sækir um stækkun kirkjugarðsins á Dalvík.
Fyrirhuguð stækkun markast af lóðamörkum sunnan og norðan við núverandi garð og 25 m til vesturs frá núverandi lóðarmörkum.

Erindi dagsett 14.október 2025 þar sem Björk Hólm Þorsteinsdóttir f.h. vinnuhóps um byggðasafn sækir um heimild til viðbyggingar við menningarhúsið Berg fyrir byggðasafn.
Ekki er í gildi deiliskipulag á svæðinu.

Erindi dagsett 7.október 2025 þar sem Anna Kristín Guðmundsdóttir sækir um heimild til byggingar 15 m2 smáhýsis á lóð nr. 5 við Hringtún á Dalvík.

Erindi dagsett 23. september 2025 þar sem Jóhann Einar Jónsson f.h. Stormfjalla ehf. sækir um breytta notkun húsnæðis á lóð nr. 7 við Karlsrauðatorg. Fyrirhugað er að breyta notkun úr safnahúsi í gististarfsemi fyrir allt að 10 manns.
Ekki er í gildi deiliskipulag á svæðinu.

Erindi dagsett 27.október 2025 þar sem Viktoría Katrín Oliversdóttir sækir um breytta notkun húsnæðis á lóð nr. 18 við Hafnarbraut á Dalvík.
Fyrirhugað er að breyta hluta húsnæðisins í hársnyrtistofu.
Ekki er í gildi deiliskipulag á svæðinu.

Á fundi skipulagsráðs þann 15.október sl. var tekin fyrir umsókn Ocean EcoFarm ehf. um endurnýjun sjólagnar sem liggur um 750 m út frá Hafnargötu 4 á Hauganesi og samþykkti skipulagsráð að gefa út framkvæmdaleyfi fyrir áformunum.
Gera þarf breytingu á Aðalskipulagi Dalvíkurbyggðar 2008-2020 til samræmis við fyrirhugaða framkvæmd.

Erindi dagsett 10.nóvember 2025 þar sem Hörður Elís Finnbogason f.h. Skíðafélags Dalvíkur sækir um framkvæmdaleyfi fyrir landmótun og uppsetningu færibands á skíðasvæðinu á Dalvík.
Meðfylgjandi eru framkvæmdalýsing og leyfi Náttúruverndarstofnunar.

Lögð fram drög að endurskoðaðri gjaldskrá fyrir skipulags- og byggingarmál í Dalvíkurbyggð og innheimtu gatnagerðargjalda.

Lögð fram til áframhaldandi umræðu drög að gjaldskrá fyrir frístundalóðir í Dalvíkurbyggð.

Lögð fram skýrsla fyrir málaflokk 09 fyrir janúar - október 2025 varðandi stöðu bókhalds í samanburði við heimildir.