Byggðaráð

Tekið fyrir erindi frá Viktori Huga Júlíussyni og fleirum, bréf dagsett þann 24. ágúst 2014, þar sem þess er farið á leit að kannaður verði möguleiki á uppsetningu hjólabrettaaðstöðu í Dalvíkurbyggð.

Tekið fyrir erindi frá stjórn Ungmennasambands Eyjafjarðar, bréf dagsett þann 1. september 2014, þar sem UMSE óskar eftir áframhaldandi rekstrarstyrk frá sveitarfélaginu vegna ársins 2015. Einnig er óskað eftir hækkun frá fyrra ári. Fram kemur að styrkurinn er nýttur til rekstur á skrifstofu UMSE.

Guðmundur St. Jónsson vék af fundi undir þessum lið kl. 09:57 vegna vanhæfis.

Tekið fyrir erindi frá formanni Golfklúbbsins Hamars, um mögulega nýja staðsetningu á nýjum golfvelli GHD. Fram kemur að verið er að vinna að grófri kostnaðaráætlun varðandi nýjan golfvöll á Dalvík og aðra áætlun um það hvað þyrfti að gera fyrir Arnarholtsvöll svo hann kæmist í gott ástand. Klúbburinn óskar því eftir að taka upp frekari umræður við nýtt byggðarráð Dalvíkurbyggðar þegar þau gögn liggja fyrir.

Tekið fyrir erindi frá Golfklúbbnum Hamar, bréf dagsett þann 1. september 2014, þar sem óskað er endurskoðunar á rekstrarstyrk frá Dalvíkurbyggð til GHD.

Á fundinum kom fram að í gildi er 3ja ára samningur við Golfklúbbinn til loka árs 2015.

Guðmundur St. Jónsson kom inn á fundinn að nýju undir þessum lið kl.10:11.

Tekið fyrir erindi frá Dóróþeu Guðrúnu Reimarsdóttur, rafbréf dagsett þann 1. september 2014, þar sem bent er á að í sturtuhluta sundlaugar er ekkert hægt að leggja frá sér annars staðar en á gólfið.

Tekið fyrir erindi frá Axel Snæ Jóni Jónssyni, rafbréf dagsett þann 29. ágúst 2014, þar sem lagt er til að endurnýja líkamsræktarstöðin á Dalvík þar sem tæki og lóð eru úr sér gegnin.

Tekið fyrir erindi frá Sveini Arndal Torfasyni, bréf dagsett þann 1. september 2014, þar sem lagt er til að hugað verði að því að "Fríkort" fyrir börn í Íþróttamiðstöðina dugi sem aðgangskort í önnur íþróttamannvirki í sveitarfélaginu, s.s. golfvöll, skíðasvæði, innahússgolfvöll o.s.frv.

Kristján Guðmundsson vék af fundi undir þessum lið vegna vanhæfis kl. 10:28.

Tekið fyrir erindi frá Menningarfélaginu Bergi ses., rafbréf dagsett þann 29. ágúst 2014, þar sem óskað er eftir að kastarar í salnum í Bergi verði endurnýjaðir með vísan í afnotasamning á milli Dalvíkurbyggðar og félagsins. Áætlaður kostnaður er kr.627.462.

Tekið fyrir erindi frá Menningarfélaginu Bergi ses., rafbréf dagsett þann 29. ágúst 2014, þar sem óskað er eftir föstum styrktarsamnings vegna tónlistarhátíðarinnar Bergmáls, til dæmis til þriggja ára með allt að kr. 300.000 árlegum styrk.

Kristján Guðmundsson kom að nýju á fundinn undir þessum lið kl. 10:34.

Tekið fyrir erindi frá sóknarnefnd Upsasóknar, bréf dagsett þann 20. ágúst 2014, þar sem óskað er eftir styrk til Dalvíkurkirkju á árinu 2015 eins og undanfarin ár.

Tekið fyrir erindi frá Gísla, Eiríki og Helga ehf., bréf dagsett þann 1. september 2014, þar sem óskað er eftir lagfæringum á húseigninni Sigtúni, Grundargötu 1, þar sem kaffihús Bakkabræðra er staðsett.

Tekið fyrir erindi frá Húsabakka ehf., bréf dagsett þann 21. ágúst 214, þar sem fram koma ábendingar um viðhald sem þarf að framkvæma á Rimum, Húsabakka og Hrafnabjörgum. Fram kemur að sumt sem er talið hér upp væri gott að taka umræðu um ásamt því að fá tækifæri til að ræða við bæinn um frekari lagfæringar og endurbætur á Húsabakka sem falla ekki beinlínis undir viðhald og eru því ekki talin upp í erindinu.

Tekið fyrir erindi frá Ungmennafélaginu Atla, bréf dagsett þann 31. júlí 2014, þar sem ítrekuð er fyrri beiðni velunnara samkomuhússins Höfða í Svarfaðardal að Dalvíkurbyggð komi að endurbótum að húsinu með einhverjum hætti.

Tekið fyrir erindið frá Birgittu Ósk Sveinbjörnsdóttur, bréf dagsett þann 10. júlí 2014, þar sem óskað er eftir ferðastyrk vegna háskólanáms á Akureyri.

tekið fyrir erindi frá Unni E. Hafstað Ármannsdóttur og Ellu Völu Ármannsdóttur, dagsett þann 13. júlí 2014, þar sem fram kemur eindregin ósk ábúenda á Böggvisstöðum að Dalvíkurbyggð bæti ásýnd svæðisins við Böggvisstaðaskála sem er í eigu sveitarfélagsins.

Kristján Guðmundsson vék af fundi undir þessum lið kl. 11:37.

Tekið fyrir erindi frá Björgunarsveitinni Dalvík, bréf dagsett þann 1. september 2014, þar sem óskað er eftir að samningur sveitarinnar og Dalvíkurbyggðar verði tekinn til endurskoðunar frá og með næstu áramótum.

Óskað er eftir kr. 3.000.000 til viðbótar við árlegan styrk næstu 3 árin.

Kristján Guðmundsson kom inn á fundinn að nýju undir þessum lið kl. 11:44.

Tekið fyrir erindi frá Elínu Ásu Hreiðarsdóttur og Ara Jóni Kjartanssyni, Grundagötu 15, dagsett bréf þann 27. ágúst 2014, þar sem bent er á að frá árinu 2007 er búið að vera viðvarandi sandfok úr fjörinni norðan við húsið og finnt þeim tími til kominn að farið verði í róttækar aðgerðir og fundin varanleg lausn á þessu máli.

Undir þessum lið vék sviðsstjóri fjármála- og stjórnsýslusviðs af fundi vegna vanhæfis, kl. 11:50.

Tekið fyrir erindi frá Kristni Boga Antonssyni og Guðrúnu Pálínu Jóhannsdóttur, Hólavegi 19, bréf dagsett þann 31. ágúst 2014, er varðar umferðaröryggismál gangandi vegfaranda og leikskólabarna, umhirðu, merkingar og ýmis umhverfismál.

Á 705. fundi byggðarráðs þann 28. ágúst 2014 var eftirfarandi bókað:

Til umfjöllunar álagning fasteigna- og þjónustugjalda fyrir árið 2015 í tengslum við vinnu við starfs- og fjárhagsáætlun 2015-2018.

Lagt fram.

Ofangreint áfram til umfjöllunar.

Til umræðu ýmis mál í tengslum við vinnu við fjárhagsáætlun 2015-2018.

Sviðsstjóri fjármála- og stjórnsýslusviðs upplýsti að vegna bilunar í tölvum í Dalvíkurskóla á vinnusvæði kennara ( multi-sheet tölvur fyrir 20 notendur) er óskað eftir viðauka við fjárhagsáætlun Dalvíkurskóla að upphæð kr. 600.000, sbr. rafpóstur tölvuumsjónarmanns frá 2. september 2014 og sbr. beiðni frá skólastjóra Dalvíkurskóla um úrbætur.

Á 705. fundi byggðarráðs þann 28. ágúst 2014 var eftirfarandi bókað:

Tekið fyrir erindi frá slökkviliðsstjóra Dalvíkurbyggðar, bréf dagsett þann 26. ágúst 2014, þar sem óskað er eftir viðauka við fjárhagsáætlun 2014 vegna slöngulagnabíls.

Á gildandi fjárhagsáætlun er heimild fyrir kr. 5.000.000. Heildarkostnaður við bílinn er í dag orðinn kr. 4.523.603 og óskað er eftir kr. 1.500.000 til viðbótar.

Byggðarráð samþykkir samhljóða með 3 atkvæðum að fresta afgreiðslu og óskar eftir nánari upplýsingum.

Formaður byggðarráðs upplýsti á fundinum að mat slökkviliðsstjóra er að það ætti að klára þessa framkvæmd núna enda séu önnur mál, s.s. varðandi kaup á mengunarhreinsunarbúnaði eitthvað til að setja á áætlun 2015. Bíllinn muni tryggja enn frekar öryggi íbúa í dreifbýli og sérstaklega að hausti og vetri.

Tekið fyrir erindi frá stjórn Skíðafélags Dalvíkur, bréf dagsett í ágúst 2014, móttekið 1. september 2014, þar sem óskað er eftir samvinnu við Dalvíkurbyggð, vinnuskóla og alla þá sem vilja fólkvanginum vel til að gera stór átak í fegrun á aðkomunni að þessu andliti fólkvangsins.

Tekið fyrir erindi frá mótanefnd Skíðafélags Dalvíkur, bréf dagsett þann 31. ágúst 2014, þar sem óskað er eftir kr. 500.000 styrk upp í kostnað við Skíðamót Íslands sem haldið verður dagana 20. - 22. mars 2015 á Dalvík og í Ólafsfirði.

Tekið fyrir erindi frá stjórn Ungmennafélagsins Reyni, rafbréf dagsett þann 31. ágúst 2014, þar sem fram kemur að á aðalfundi félagsins sem haldinn var 27. apríl s.l. var samþykkt ályktun þess efnis að hvetja Dalvíkurbyggð til að koma upp sparkvelli við Árskóg árið 2015.

Tekið fyrir erindi frá stjórn Blakfélagsins Rimar, bréf dagsett þann 31. ágúst 2014, þar sem, í ljósi ört vaxandi áhuga á strandblaki, óskar Blakfélagið Rimar eftir styrk til að útbúa tvo samliggjandi blakvelli í Dalvíkurbyggð. Meðfylgjandi er kostnaðaráætlun fyrir verkið kr. 3.902.216 vegna útlagðs kostnaðar og eigið framlag vegna jarðvegsvinnu kr. 1.200.000. Sótt er um styrk að upphæð kr. 3.902.216.

Tekið fyrir erindi frá Mótorsportfélagi Dalvíkur, rafbréf dagsett þann 31. ágúst 2014, þar sem vísað er til meðfylgjandi samantektar um starfsemi Mótorsportfélags Dalvíkur og þær umsóknir sem eru núna í gangi. Félagið stefnir að því að sækja um styrk hjá sveitarfélaginu þegar öll leyfi eru komin í höfn og eins þegar samkomulag verður um úthlutað svæði til mótorsports. Fram kemur að stjórn félagsins á fund með umhverfisráði n.k. föstudag.