Fjárhagsáætlun 2015; Frá Ungmennafélaginu Reynir; sparkvöllur í Árskógi.

Byggðarráð samþykkir samhljóða með 3 atkvæðum að vísa ofangreindu erindi til kostnaðargreiningar hjá umhverfis- og tæknisviði og til umfjöllunar í íþrótta- og æskulýðsráði þegar þær upplýsingar liggja fyrir.

Bjarni vék af fundi undir þessum lið kl. 9:17 til annarra starfa.

Tekið fyrir erindi frá stjórn Ungmennafélagsins Reyni, rafbréf dagsett þann 31. ágúst 2014, þar sem fram kemur að á aðalfundi félagsins sem haldinn var 27. apríl s.l. var samþykkt ályktun þess efnis að hvetja Dalvíkurbyggð til að koma upp sparkvelli við Árskóg árið 2015.

Byggðarráð hefur vísað ofangreindu erindi til kostnaðargreiningar hjá umhverfis- og tæknisviði og til umfjöllunar í íþrótta- og æskulýðsráði þegar þær upplýsingar liggja fyrir.

Samkvæmt upplýsingum frá sviðsstjóra umhverfis- og tæknisviðs myndi völlur sambærilegur við Dalvíkurskóla kosta um 20,0 m.kr. án upphitunar og reksturs.

Íþrótta- og æskulýðsráð samþykkir samhljóða með 5 atkvæðum að fá nánari upplýsingar frá Ungmennafélaginu Reyni um útfærslu á verkefninu og felur íþrótta- og æskulýðsfulltrúa að hafa samband við félagið varðandi ofangreint.

Byggðarráð samþykkir samhljóða með 3 atkvæðum að fá nánari upplýsingar frá Ungmennafélaginu Reyni um útfærslu á verkefninu og felur íþrótta- og æskulýðsfulltrúa að hafa samband við félagið varðandi ofangreint.

Íþrótta- og æskulýðsfulltrúi hefur verið í sambandi við forsvarsmenn Reynis og eru þeir að skoða með hvaða hætti þeir geti komið að slíkri framkvæmd sem og staðsetningu. Ekki hafa borist gögn frá Reyni og er því erindinu frestað.

Byggðarráð samþykkir samhljóða með 3 atkvæðum að vísa ofangreindu erindi áfram til skoðunar við gerð starfs- og fjárhagsáætlunar 2016-2019.

Byggðarráð er áhugasamt um ofangreint erindi.