Veitu- og hafnaráð

Á 147.fundi veitu- og hafnaráðs þann 7.maí sl. kynnti veitustjóri niðurstöður mælinga og óskaði eftir að halda áfram vinnu við þetta verkefni og var eftirfarandi bókað:
Veitu- og hafnaráð samþykkir samhljóða með fimm atkvæðum að áfram verði unnið og kostnaðaráætlun fyrir verkinu verður lögð fram þegar hún liggur fyrir.

Með fundargögnum fylgdi minnisblað frá Cowi sem inniheldur tillögur að tveim aðgerðum.
Tillaga A, lágmarks aðgerðir á vesturbakka Svarfaðardalsár.
Tillaga B, lengri rofvörn á vesturbakka Svarfaðardalsár.

Tekið fyrir erindi frá Sögu Jónsdóttur, sem varðar hitastig á vatni hitaveitu inn í hús hennar í Svarfaðardal, Hreiðarstaðarkot II.

Á 144.fundi veitu- og hafnaráðs þann 5.febrúar sl., var veitustjóra falið að vinna frekar að þessu máli. Málið var aftur tekið fyrir á 148.fundi veitu- og hafnaráðs þar sem veitustjóri lagði fram tillögu til umræðu og afgreiðslu og lagði til árlega niðurgreiðslu vegna lágs hitastigs á vatni til notanda. Niðurstaða fundarins var að veitu- og hafnaráð samþykkti samhljóða með 4 atkvæðum að afla frekari upplýsinga og leggja fyrir næsta fund ráðsins.

Sveitarstjóri og veitustjóri upplýstu um þær upplýsingar sem fram hafa komið.

Yfirferð tilboða, fylgigagna og tilboðsskrár verður lokið á miðvikudag og niðurstaða verður kynnt á fundinum.

Á 148.fundi veitu- og hafnaráðs var lögð fram tillögur að dreifibréfi og eftirfarandi var bókað:
Veitu- og hafnaráð samþykkir samhljóða með 4 atkvæðum að fela veitustjóra að óska eftir leyfi Norðurorku til þess að nota dreifibréf þeirra um óleyfilegt niðurhal.

Fyrir fundinum liggur samþykki Norðurorku þar sem veitt er leyfi fyrir því að nota dreifibréf þeirra með áherslubreytingum í samráði við hönnuð Norðurorku.

Yfirfara þarf gjaldskrár sem má finna á heimasíðu Dalvikurbyggðar. Í fyrra var tekið mið af forsendum Sambands íslenskra sveitarfélaga og voru gjaldskrár hækkaðar að meðaltali um 3,9%, í ár er tillaga Sambandsins 3,2%.
Skoða þarf vel gjaldskrár veitna m.t.t. afkomu og fjárfestinga.

Með fundarboði veitu- og hafnaráðs fylgdi skýrsla janúar - júní 2025 sem sýnir stöðu bókhalds í samanburði við heimildir í fjárhagsáætlun.

Farið yfir fjárfestingar og framkvæmdir á árinu og stöðu þeirra.

Fundarboði fylgdi:
a) Samþykkt um fjárhagsáætlunarferli Dalvíkurbyggðar, yfirlit yfir fjárfestingar og framkvæmdir á núgildandi áætlun og samanburður á rekstri málaflokka og deilda 2021 - 2025, ásamt vinnuskjali sem farið hefur verið yfir á tveim fundum með kjörnum fulltrúum í lok júní og í lok ágúst.

b) Erindi er varðar beiðni um skábraut/ramp til þess að setja niður smábáta í höfninni á Hauganesi.

Á 148. fundi veitu- og hafnaráðs þann 12. júní sl. var eftirfarandi bókað: "Tekið fyrir erindi sem var á dagskrá síðasta fundar, búið er að framlengja umsóknarfrest til 1.ágúst nk. Vegagerðin skal samkvæmt hafnalögum nr. 61/2003 og lögum um sjóvarnir nr.28/1997 vinna tillögu að áætlun um hafnarframkvæmdir og sjóvarnir með kostnaðarþátttöku ríkissjóðs sbr. lög nr. 33/2008 um samgönguáætlun. Nú er komið að því að hefja undirbúning að næstu fimm ára áætlun, þ.e.samgönguáætlun 2026 - 2030. Niðurstaða : Veitu- og hafnaráð samþykkir samhljóða með 4 atkvæðum að fela sveitarstjóra að sækja um eftirfarandi verkefni í samgönguáætlun:
a) Dýpkun í Dalvíkurhöfn niður í 9 metra - við Austurgarð.
b) Landfylling með því að lengja Austurgarð í norður."

Á 381.fundi sveitarstjórnar var eftirfarandi bókað:
Til máls tók: Freyr Antonsson sem leggur til að einnig verði sótt um viðhaldsdýpkun innan Dalvíkurhafnar undir flotbryggjum smábáta og sveitarstjóra verði falið að sækja um tilgreind verkefni í samgönguáætlun. Fleiri tóku ekki til máls.
a) Sveitarstjórn samþykkir samhljóða með 7 atkvæðum ofangreinda bókun veitu- og hafnaráðs.
b) Sveitarstjórn samþykkir samhljóða með 7 atkvæðum ofangreinda tillögu Freys Antonssonar um að sótt verði um viðhaldsdýpkun innan Dalvíkurhafnar og að sveitarstjóra verði falið að sækja um verkefnin.

Undir máli nr. 202211096 var eftifarandi bókað:
Á 1062. fundi byggaráðs þann 16. mars 2023 var eftirfarandi bókað: "Á 1061. fundi byggðaráðs þann 9. mars 2023 var til umfjöllunar viðræður við Hafnasamlag Norðurlands um inngöngu Hafnasjóðs Dalvíkurbyggðar í samlagið, SVÓT greining og fundur þann 15. mars 2023 með stjórn og framkvæmdastjóra Hafnasamlagsins. Á fundinum frá Dalvíkurbyggð var byggðaráð, sveitarstjóri, sviðsstjóri framkvæmdasviðs og fulltrúar úr veitu- og hafnaráði. Á fundi byggðaráðs var farið yfir fundinn í gær, 15. mars.
Niðurstaða: Byggðaráð samþykkir samhljóða með 3 atkvæðum að leggja til við sveitarstjórn að viðræðum við Hafnasamlag Norðurlands verði frestað um óákveðinn tíma.

Farið yfir stöðu á verkinu og lagðar fram fundargerðir verkfunda og verkstöðublað.

Í reglugerð nr. 580/2107 um slysavarnir og öryggisbúnað í höfnum segir í 2. mgr. 5.gr. „Hafnaryfirvöld skulu sjá til þess að öryggisbúnaði (sjá 4. gr. reglugerðarinnar) í höfnum sé ætíð vel við haldið og hann nothæfur“.

Ennfremur kveður 15. grein reglugerðarinnar á um að hafnaryfirvöld á hverjum stað skuli skipuleggja innra eftirlit með öllum þáttum reglugerðarinnar í samráði við Samgöngustofu sem ákveði tíðni innra eftirlits miðað við aðstæður. Innra eftirlit með öryggi í höfnum felst í því að starfsmenn hafna fylgist með og geri reglulega úttekt á ástandi öryggisbúnaðar hafna.

Athygli er vakin á því að ekki á að senda Samgöngustofu umrædd eyðublöð útfyllt enda er innra eftirlitið fyrst og fremst í þágu hafnanna sjálfra til að uppfylla skyldur sínar skv. reglugerðinni. Samgöngustofa óskar eftir þeim gögnum um innra eftirlit sem nauðsynlegt kann að þykja til skoðunar á hverjum tíma.

Ofangreint er lagt fram til kynningar.

Á 32. fundi skipulagsráðs þann 12. mars sl. var eftirfarandi bókað: "Lögð fram tillaga að breytingu á deiliskipulagi Dalvíkurhafnar, unnin af Eflu verkfræðistofu, þar sem afmörkun deiliskipulagssvæðisins er breytt til aðlögunar að nýju deiliskipulagi fyrir þjóðveg í gegnum þéttbýli Dalvíkur. Meðfylgjandi er deiliskipulagsuppdráttur. Niðurstaða : Skipulagsráð leggur til við sveitarstjórn að hún samþykki að framlögð tillaga að breytingu á deiliskipulagi hafnarsvæðis á Dalvík verði auglýst skv. 1.mgr. 41.gr. skipulagslaga nr. 123/2010, samhliða auglýsingu tillögu að breytingu á deiliskipulagi þjóðvegar í þéttbýli Dalvíkur. Samþykkt samhljóða með fimm atkvæðum."

Á 378.fundi sveitarstjórnar þann 18.mars sl. var eftirfarandi bókað:
Sveitarstjórn samþykkir samhljóða með 7 atkvæðum ofangreinda afgreiðslu skipulagsráðs og framlagða tillögu að breytingu á deiliskipulagi hafnarsvæðis á Dalvík verði auglýst skv. 1.mgr. 41.gr. skipulagslaga nr. 123/2010, samhliða auglýsingu tillögu að breytingu á deiliskipulagi þjóðvegar í þéttbýli Dalvíkur.

Engin gögn fylgja málinu.

Með fundarboði fylgdi reglugerð um breytingu á reglugerð um vigtun og skráningu sjávarafla sem hefur verið birt í Stjórnartíðindum og tekið gildi.

Þar kemur fram að "Vigtun strandveiðiafla skal lokið á hafnarvog, vigtarmanni er heimilt að draga allt að 3% frá vegnum afla vegna áætlaðs íss í afla eftir að hafa gengið úr skugga um að aflinn sé ísaður."

Ofangreint er lagt fram til kynningar.

Lögð fram til kynningar fundargerð stjórnar Hafnasambands Íslands, af 473.fundi þann 22.maí sl.