Byggðaráð

Undir þessum lið kom Helga Íris Ingólfsdóttir, deildarstjóri Eigna- og framkvæmdadeildar og Björn Friðþjófsson, framkvæmdastjóri Tréverks ehf., til fundar við byggðaráð kl. 13:15.
Farið var í vettvangsskoðun í Gamla skóla.

Tekið fyrir minnisblað Deildarstjóra Eigna- og framkvæmdadeildar þar sem fram kemur að vegna tafa sem orðið hafa á vinnu við gerð útboðsgagna fyrir snjómokstur og hálkuvarnir á Hauganesi og Árskógssandi óski hún eftir því að fá að semja við verktaka tímabundið á grundvelli eldri þjónustusamnings.

Undir þessum lið kom til fundar kl. 14:00 María Markúsdóttir, skipulagsfulltrúi.

Málið var tekið fyrir á 1157.fundi byggðaráðs þann 11.september sl., og var eftirfarandi bókað:
Sveitarstjóra falið að finna fundartíma, sem fyrst, með byggðaráði, deildarstjóra Eigna- og framkvæmdadeildar og skipulagsfulltrúa. Lagt fram til kynningar.

Tekið fyrir erindi frá deildarstjóra Eigna- og framkvæmdadeildar, dagsett 22.september sl., þar sem er óskað eftir viðauka við fjárhagsáætlun 2025.

Í viðaukabeiðninni eru tekin út verkefni, ný slökkvistöð og loftræstikerfi á skrifstofum Dalvíkurbyggðar, sem ekki munu nást í framkvæmd á árinu. Óskað er eftir viðbótarfjármagni í þrjú verk sem munu verða dýrari en lagt var upp með í fjárhagsáætlun. Þessi verk eru Skógarhólar - malbikun, Svæði - heimreið, Lágin - endurbætur.

Viðauki í heild mun leiða til lækkunar á deild 32200 um kr. 97.500.000 og verður honum verði mætt með hækkun á handbæru fé.

Með fundarboði fylgdi áætlunarálagning 2026, fyrstu drög og samanburður á álagi fasteignaskatts og breytingum á framlagi Jöfnunarsjóðs

Sveitarstjóri gerði grein fyrir stöðumati stjórnenda janúar - júlí 2025 hvað varðar stöðu bókhalds í samananburði við fjárheimildir.

Lagt fram erindi Ferðafélags Svarfdæla, dags. 11.ágúst 2025, þar sem lagðar eru fram tillögur að verkefnum í tengslum við umhverfi og náttúru í Dalvíkurbyggð og bent á mikilvægi þess að hafa slík verkefni í huga við gerð fjárhagsáætlunar fyrir árin 2026-2029.

á 1155.fundi byggðaráðs þann 21.ágúst sl., var tekið fyrir erindi frá Önnu Kristínu Guðmundsdóttur, dagsett þann 18. ágúst sl. þar sem fram koma hugmyndir að ýmsum verkefnum er varðar leiksvæði, strandlengjuna, útsýnispall og útsýnissvæði, Lágina, umhverfi ærslabelga, búnað í Sundlaug Dalvíkur og skólalóð Dalvíkurskóla.
Byggðaráð samþykkti samhljóða með 3 atkvæðum að vísa ofangreindu erindi, eftir því sem við á, til vinnuhóps sveitarfélagsins um leikvelli og leiksvæði, íþrótta- og æskulýðsráðs, umhverfis- og dreifbýlisráðs, fræðsluráðs, skipulagsráðs og byggðaráðs, í tengslum við vinnu við fjárhagsáætlun 2026 og þriggja ára áætlun 2027-2029. Byggðaráð óskar eftir að fá fullmótaða og samræmda tillögu að afgreiðslu frá ráðunum. Byggðaráð minnir einnig á að móta þarf framtíðarsýn og tillögur að leikvöllum í sveitarfélaginu, bæði hvað varðar við stofnanir sveitarfélagisns og á opnum svæðum sem m.a. innihaldi fjölda, gerð, viðhalds- og endurnýjunaráætlun.

Tekið fyrir minnisblað frá sviðsstjóra fræðslu- og menningarsviðs dagsett þann 29.september 2025, er varðar erindi frá Tónlistarskólanum á Akureyri dagsett 19.september sl., um að Dalvíkurbyggð, sem lögheimilissveitarfélag, greiði kennslukostnað að fullu vegna nemanda við skólann. Sviðsstjóri leggur til að erindið verði samþykkt.

Á 382.fundi sveitarstjórnar þann 16.september sl., var tekin fyrir b) liður bókunar veitu- og hafnaráðs af 148.fundi þess þar sem eftirfarandi var bókað:
b) Veitu- og hafnaráð samþykkir samhljóða með 4 atkvæðum að leggja til við byggðaráð að verbúðirnar fari úr eigu og rekstri Hafnasjóðs/sveitarfélagsins.

Á 1151.fundi byggðaráðs þann 3.júlí sl., var samþykkti byggðaráð samhljóða með 3 atkvæðum að vísa b) lið um sölu verbúða til umfjöllunar og afgreiðslu í sveitarstjórn.

Niðurstaða sveitarstjórnar á 382.fundi sínum var eftirfarandi:
Undir þessum lið vék Freyr Antonsson af fundi sveitarstjórnar kl. 17:23 og 1. varaforseti tók við fundarstjórn.
Sveitarstjórn samþykkir samhljóða með 5 atkvæðum ofangreinda tillögu veitu- og hafnaráðs um að verbúðirnar fari úr eigu og rekstri Hafnasjóðs Dalvíkurbyggðar.
Freyr Antonsson tekur ekki þátt í umfjöllun og afgreiðslu vegna vanhæfis. Freyr Antonsson kom inn á fundinn að nýju að þessum lið loknum kl. 17:26 og tók við fundarstjórn.

Tekið fyrir erindi SSNE þar sem óskað er eftir að sveitarfélagið tilnefni einn aðalmann og einn varamann í Farsældarráð Norðurlands eystra. Æskilegt er að fulltrúar séu stjórnendur sem eru með góða tengingu við stjórnsýslu og nefndir sveitarfélagsins ásamt því að þeir komi frá sviði velferðar- og/eða fræðslumála, enda gegnir ráðið lykilhlutverki í stefnumótun, samhæfingu og forgangsröðun aðgerða um farsæld barna í landshlutanum.

Í kjölfar netárásásar á Dalvíkurbyggð um miðjan 14.maí 2023 hefur Persónuvernd verið með málið til umfjöllunar og afgreiðslu. Á 1144.fundi byggðaráðs þann 10.apríl sl., var tekið fyrir bréf frá Persónuvernd þar sem fram kom sú niðurstaða að Dalvíkurbyggð var veitt áminning fyrir að verða fyrir netárás þann 14. maí 2023 en ekki þótti nægilegt tilefni til að leggja stjórnvaldssekt á Dalvíkurbyggð.
Lagt var fyrir Dalvíkurbyggð að endurmeta áhættu á aðgangi óviðkomandi að persónuupplýsingum í tölvukerfi sveitarfélagsins. Þá var sveitarfélaginu jafnframt gert að gera viðeigandi skipulagslegar og tæknilegar ráðstafanir til að mæta þeim áhættuþætti í samræmi við lög og reglugerðir sem vísað er í. Loks skyldi sveitarfélagið tilgreina þær ráðstafanir í áhættumati sínu i samhengi við áhættuþáttinn.

Áhættumat Dalvíkurbyggðar var sent Persónuvernd þann 30.juní sl.
Í bréfi Persónuverndar kemur m.a. fram að yfirferð stofnunarinnar takmarkast við þann hluta matsins er snýr að þeirri áhættu er raungerðist þegar öryggisbrestur varð í tölvukerfi sveitarfélagsins í maí 2023. Jafnframt segir, "af matinu má ráða að Dalvíkurbyggð hafi gripið til viðeigandi ráðstafana. Í ljósi framangreinds, og með hliðsjón af afmörkun málsins, telur Persónuvernd að Dalvíkurbyggð hafi farið að þeim fyrirmælum sem lögð voru fyrir sveitarfélagið í tilvísaðri ákvörðun. Hér með tilkynnist því að málinu hefur verið lokað í málaskrá Persónuverndar."

Sveitarstjóri gerði grein fyrir fundargerð starfs- og kjaranefndar frá 2. september og 18.september sl.

Tekið fyrir erindi frá SSNE, dagsett þann 18. september sl., þar sem fram kemur að opnað hefur verið fyrir umsóknir í Uppbyggingarsjóð Norðurlands eystra og er umsóknarfrestur til hádegis 22. október nk. Óskað er eftir að vakin sé athygli á sjóðnum.
Dalvíkurbyggð auglýsti að opið væri fyrir umsóknir á heimasíðu sinni þann 23.september sl.

Tekið var fyrir erindi frá Jöfnunarsjóði sveitarfélagam dagsett þann 15.september sl, þar sem boðað er til ársfundar miðvikudaginn 1.október nk. kl. 16:00 í Reykjavík.

Tekið fyrir aðalfundarboð frá BHS ehf. móttekið þann 17. september sl. Fundurinn verður 25. september nk. kl. 20 að Fossbrún 2.

Lögð fram til kynningar fundargerð stjórnar SSNE nr. 75 frá 4.september sl.

Lagðar fram til kynningar fundargerði stjórnar Sambands íslenskra sveitarfélaga nr. 983 og nr. 984 frá 29.ágúst sl. og 12.september sl.