Frá SSNE; Erindi til sveitarstjórnar Dalvíkurbyggðar um þátttöku í Farsældarráði Norðurlands eystra

Tekið fyrir erindi SSNE þar sem óskað er eftir að sveitarfélagið tilnefni einn aðalmann og einn varamann í Farsældarráð Norðurlands eystra. Æskilegt er að fulltrúar séu stjórnendur sem eru með góða tengingu við stjórnsýslu og nefndir sveitarfélagsins ásamt því að þeir komi frá sviði velferðar- og/eða fræðslumála, enda gegnir ráðið lykilhlutverki í stefnumótun, samhæfingu og forgangsröðun aðgerða um farsæld barna í landshlutanum.

Á 1158. fundi byggðaráðs þann 25. september sl. var eftirfarandi bókað:
"Tekið fyrir erindi SSNE þar sem óskað er eftir að sveitarfélagið tilnefni einn aðalmann og einn varamann í Farsældarráð Norðurlands eystra. Æskilegt er að fulltrúar séu stjórnendur sem eru með góða tengingu við stjórnsýslu og nefndir sveitarfélagsins ásamt því að þeir komi frá sviði velferðar- og/eða fræðslumála, enda gegnir ráðið lykilhlutverki í stefnumótun, samhæfingu og forgangsröðun aðgerða um farsæld barna í landshlutanum.
Niðurstaða : Byggðaráð samþykkir samhljóða með 3 atkvæðum að skipa Eyrúnu Rafnsdóttur, sviðsstjóra félagsmálasviðs, sem aðalmann og Gísla Bjarnason, sviðsstjóra fræðslu- og menningarmála, sem varamann í Farsældarráð Norðurlands eystra."

Með fundarboði sveitarstjórnar fylgdi erindi frá SSNE, dagsett þann 10. september sl., þar sem eru til umfjöllunar og samþykktar í sveitarstjórn samstarfssamningur um svæðisbundið Farsældarráð á Norðurlandi eystra ásamt skipuriti og starfsreglum.