Umhverfisráð

Farið yfir helstu framkvæmdir sumarsins 2021 og stöðuna á þeim.

Steinþór Björnsson deildarstjóri Eigna- og framkvæmdadeildar sat fundinn undir þessum lið.

Á síðasta fundi ráðsins var óskað eftir tillögum frá íbúum sveitarfélagsins að staðsetningu færanlegra hraðahindrana. Alls bárust tillögur frá þrettán einstaklingum.

Með umsókn, dagsettri 5. maí 2021, óskar Stefán Ingólfsson fyrir hönd Svavars Sigurðssonar eftir byggingarleyfi fyrir einbýlishúsi að Ægisgötu 19a á Árskógssandi. Meðfylgjandi eru aðaluppdrættir, afstöðumynd og skráningartafla fyrir húsið.

Með umsókn, dagsettri 17. maí 2021, óskar Jón Guðmundsson eftir byggingarleyfi fyrir garðskála að Öldugötu 1 á Árskógssandi. Meðfylgjandi eru grunnmynd og útlitsteikning af skálanum auk samþykkis næstu nágranna.

Með umsókn óskar Hólmfríður Margrét Sigurðardóttir eftir frístundalóð merktri 9F við götu B3 að Hamri.

Með erindi, dagsettu 18. maí 2021, óska þau Rúnar Helgi Óskarsson og Þórhalla Karlsdóttir eftir leyfi til þess að gera geymslustæði með innkeyrslu af Ásvegi á lóð sinni að Svarfaðbraut 4. Einnig óska þau eftir því að ljósastaur verði færður að lóðamörkum í vestri.

Með erindi, dagsettu 7. maí 2021, óskar Elín Ósk Hreiðarsdóttir fornleifafræðingur eftir leyfi Dalvíkurbyggðar til þess að fá að taka tvo könnunarskurði í landi sveitarfélagsins í sumar. Annars vegar á Upsadal og hins vegar í landi Hólárkots.

Með tölvupósti, dagsettum 26. maí 2021, óskar Guðmar Ragnar Stefánsson fyrir hönd Brúarsmiða ehf. eftir frekari framlengingu á byggingarleyfi að Gunnarsbraut 8 á Dalvík.

Orkusjóður auglýsir eftir styrkumsóknum og þar á meðal til uppsetningar á hleðslustöðvum við gististaði og fjölsótta ferðamannastaði.

Á 336. fundi sveitarstjórnar Dalvíkurbyggðar var samþykkt að tillögu byggðaráðs að breyta reglum Dalvíkurbyggðar um tímabundna niðurfellingu eða afslætti á gatnagerðargjöldum. Breytingin felst í því að skýringum er bætt við 2. og 3. gr. reglnanna þar sem fram kemur að niðurfelling gatnagerðargjalda taki ekki til lóða sem auglýstar eru á gildistíma reglnanna ef þær eru ekki við þegar tilbúnar götur m.v. gildistöku reglnanna. Ef sveitarfélagið þarf að leggja í kostnað við gerð nýrra gatna, nýrra svæða og/eða nýs skipulags þá gilda þessar reglur ekki um þær lóðir.

Lögð fram til kynningar kæra sem barst Úrskurðarnefnd umhverfis- og auðlindamála og varðar útgáfu byggingarleyfa fyrir Hringtún 17 og 19 á Dalvík.

Með tölvupósti, dagsettum 7. maí 2021, óskar Hrefna Jóhannesdóttir fyrir hönd Skógræktarinnar eftir umsögnum um drög að landsáætlun í skógrækt 2021-2031 og drög að umhverfismati hennar.

Með tölvupósti frá 10. maí 2021 sendir Pétur Halldórsson fyrir hönd Skógræktarinnar og Landgræðslunnar áskorun á sveitarfélög að taka Bonn-áskoruninni um útbreiðslu skóga en stjórnvöld hafa sett Íslandi það markmið að auka verulega þekju birkiskóga og birkikjarrs.

Með tölvupósti, dagsettum 6. maí 2021, óskar Landgræðslan eftir umsögnum hagaðila um Landgræðsluáætlun 2021-2031 og umhverfismat áætlunarinnar.

Lögð fram til kynningar fundargerð 2. afgreiðslufundar byggingarfulltrúa Dalvíkurbyggðar frá 19. maí 2021.

Lögð fram til kynningar fundargerð 7. fundar Svæðisskipulagsnefndar Eyjafjarðar sem haldinn var 15. apríl 2021.