Skipulagsráð

Lögð fram uppfærð skipulagslýsing, unnin af Teikna - teiknistofu arkitekta, fyrir breytingu á Aðalskipulagi Dalvíkurbyggðar 2008-2020 og nýtt deiliskipulag fyrir athafnasvæði landeldisstöðvar norðan Hauganess. Uppfærð tillaga gerir ráð fyrir stækkun landfyllingar og breytingum á legu bygginga, auk þess sem gert er ráð fyrir vatnslögn og viðlegumannvirki fyrir skip.

Lögð fram tillaga á vinnslustigi, unnin af Eflu verkfræðistofu, að breytingu á Aðalskipulagi Dalvíkurbyggðar 2008-2020 vegna áforma um allt að 5 MW vatnsaflsvirkjun í Þorvaldsdalsá í Þorvaldsdal.

Lögð fram tillaga á vinnslustigi, unnin af Eflu verkfræðistofu, að nýju deiliskipulagi fyrir allt að 5 MW vatnsaflsvirkjun í Þorvaldsdalsá í Þorvaldsdal.

Lögð fram tillaga á vinnsustigi, unnin af Teikna - teiknistofu arkitekta, að breytingu á Aðalskipulagi Dalvíkurbyggðar 2008-2020 vegna áforma um uppbyggingu afþreyingar- og ferðamannasvæðis í landi Selár við Hauganes.

Lögð fram tillaga á vinnslustigi, unnin af teiknistofunni NordicArch, að deiliskipulagi fyrir ferðamanna- og þjónustusvæði í Selárlandi við Hauganes.

Kynningu tillögu á vinnslustigi að nýju deiliskipulagi fyrir íbúðarbyggð við Böggvisbraut lauk þann 5.júní sl.

Kynningu tillögu á vinnslustigi að nýju deiliskipulagi fyrir íbúðarbyggð á Árskógssandi lauk þann 5.júní sl.
Engar athugasemdir bárust.
Umsagnir bárust frá Minjastofnun Íslands, Heilbrigðiseftirliti Norðurlands eystra og Rarik.

Kynningu tillögu á vinnslustigi að nýju deiliskipulagi fyrir íbúðarbyggð sunnan Dalvíkur lauk þann 5.júní sl.
Tvær athugasemdir bárust.
Umsagnir bárust frá Mílu, Náttúruverndarstofnun, Heilbrigðiseftirliti Norðurlands eystra og Rarik.

Lögð fram tillaga á vinnslustigi að breytingu á deiliskipulagi Hóla- og Túnahverfis, unnin af Form ráðgjöf ehf.
Tillagan gerir ráð fyrir stækkun deiliskipulagssvæðisins, fjölgun byggingarlóða, landmótun og lagningu nýrrar götu út frá Skógarhólum.
Málið var áður á dagskrá skipulagsráðs þann 10.apríl 2024 og var þar samþykkt að kynna tillögu á vinnslustigi samhliða kynningu aðalskipulagsbreytingar.

Erindi dagsett 13.apríl 2025 þar sem Óðinn Gunnarsson sækir um leyfi til byggingar geymsluskúrs utan byggingarreits á frístundalóð nr. 1A við Garðatröð.

Meðfylgjandi er afstöðumynd.

Á fundi skipulagsráðs þann 25.september 2024 var samþykkt að grenndarkynna breytingu á deiliskipulagi Hauganess vegna áforma um stækkun lóðarinnar Jóabúðar um 4 m til norðurs og 2 m til austurs.
Nú er lagt fram erindi þar sem lóðarhafi sækir um stækkun um 3 m til suðurs til viðbótar við fyrri umsókn, ásamt því að sótt er um breytingar á göngustígum og aðliggjandi lóð.
Meðfylgjandi er deiliskipulagsuppdráttur.

Erindi dagsett 2.júní 2025 þar sem Jón Örn Pálsson f.h. Ocean Eco Farm ehf. sækir um breytingu á deiliskipulagi fyrir lóð nr. 2 við Sjávarstíg á Hauganesi.
Breytingin felur í sér tilfærslu á núverandi byggingarreit að lóðarmörkum til suðurs ásamt því að reiturinn er lengdur um 3 m til norðausturs.
Meðfylgjandi er deiliskipulagsuppdráttur.

Erindi dagsett 22.maí 2025 þar sem Jón Örn Pálsson f.h. Ocean Eco Farm ehf. sækir um heimild til þess að nota sprengiefni í borholu undir sjávarbotni á lóð nr. 2 við Sjávarstíg á Hauganesi.

Erindi dagsett 15.apríl 2025 þar sem Karl Ingi Atlason sækir um framkvæmdaleyfi fyrir borun eftir heitu vatni fyrir varmadælu í landi Hóls í Svarfaðardal.

Skilgreina þarf staðfang lóðar fyrir vatnsveitumannvirki Dalvíkurbyggðar í landi Upsa. Vegur sem liggur að umræddri lóð hefur ekki fengið formlegt heiti og því þarf að ákveða nafn.

Erindi dagsett 2.júní 2025 þar sem Sylvía Ósk Ómarsdóttir sækir um stofnun íbúðarhúsalóðar úr landi Ingvara í Svarfaðardal.
Fyrir er eitt íbúðarhús á landinu.
Meðfylgjandi er afstöðumynd.

Vinnuhópur um nýja slökkvistöð Dalvíkurbyggðar óskar eftir tillögum frá skipulagsráði að staðsetningu lóðar undir stöðina.
Málið var áður á dagskrá skipulagsráðs þann 12.mars sl. og var þar lögð fram tilaga vinnuhóps að staðsetningu lóðar sem skipulagsráð hafnaði.

Erindi dagsett 2.júní 2025 þar sem Reynir Lárusson sækir um stöðuleyfi fyrir 20 feta gám á Sandskeiði.

Erindi dagsett 14.maí 2025 þar sem Ektafiskur ehf. sækir um stöðuleyfi fyrir 20 feta gám á lóð nr. 4 við Aðalgötu á Hauganesi.
Umsækjandi er jafnframt lóðarhafi.

Lögð fram skýrsla fyrir málaflokk 09 fyrir mars - apríl 2025 varðandi stöðu bókhalds í samanburði við heimildir.

Lagður fram úrskurður Úrskurðarnefndar umhverfis- og auðlindamála í kæru á ákvörðun skipulagsráðs Dalvíkurbyggðar frá 12.febrúar sl. um heimild til hækkunar húss á lóð nr. 3 við Goðabraut á Dalvík.
Niðurstaða úrskurðarnefndar er sú að kærumálinu er vísað frá.

Lögð fram til kynningar fundargerð 4.fundar dags. 5.júní 2025, með fullnaðarafgreiðslum erinda.