Byggðaráð

Undir þessum lið komu á fund byggðaráðs Valdimar Bragason, Kolbrún Pálsdóttir og Helga Matthína Björnsdóttir, fulltrúar Félags eldri borgara í Öldungaráði og Hildigunnur Jóhannesdóttir fulltrúi HSN, kl. 13:15.
Eyrún Rafnsdóttir, sviðsstjóri félagsmálasviðs, boðaði forföll.

Með fundarboði byggðaráðs fylgdi síðasta fundargerð Öldungaráðs frá 15. janúar 2026.

Til umræðu:
a) Farið yfir síðustu fundargerð.
b) Önnur mál.


Eyrún Ingibjörg hélt fundargerð Öldungaráðs sem verður sent fulltrúum Öldungaráðs til yfirferðar og samþykktar eftir fundinn.

Valdimar, Kolbrún, Helga Mattína og Hildigunnur viku af fundi kl. 14:06.

Undir þessum lið mætti á fundinn Gísli Bjarnson, sviðsstjóri fræðslu- og menningarsviðs, kl. 14:07.Jón Stefán Jónsson, íþróttafulltrúi, boðaði forföll.
Á 384. fundi sveitarstjórnar þann 18.nóvember sl. var fjárfestingasamningur á milli Dalvíkurbyggðar og Hestamannafélgsins Hrings vegna byggingu reiðhallar í Hringsholti tekinn til umfjöllunar og afgreiðslu. Fyrirliggjandi samningur var samþykktur samhljóða. Styrktarfjárhæð er alls 133 m.kr.

Á 185. fundi íþrótta- og æskulýðsráðs þann 3. mars sl. var eftirfarandi bókað:
"Hestamannafélagið Hringur hefur óskað eftir að samningur um byggingu nýrrar reiðhallar félagsins við Dalvíkurbyggð verði tekinn upp og styrktarupphæðir endurskoðaðar. Fyrirliggjandi kostnaðaráætlun við framvkæmdina frá félaginu.
Niðurstaða : Íþrótta- og æskulýðsráð samþykkir með fjórum atkvæðum, uppfærðan samning sveitarfélagsins við Hestamannafélagið Hring."

Með fundarboði byggðaráðs fylgdi minnisblað íþróttafulltrúa, dagsett þann 10. mars sl., þar sem farið er yfir ferlið við gerð samningsins um styrk til Hestamannafélagsins Hrings til byggingu reiðhallar. Við upptöku samningsins er nú lagt til að styrktarfjárhæðin verði alls 170 m.kr.

Til umræðu ofangreint.

Á 113. fundi menningarráðs þann 27. febrúar sl. var eftirfarandi bókað:
"Tekin fyrir umsókn frá Kvenfélaginu Tilraun. Þau sækja um 6.500.000 kr. styrk í viðhald á Tunguseli sem er við Tungurétt í Svarfaðardal, hús sem er notað meðal annars fyrir kaffisölu og salernisskúr.
Niðurstaða : Menningarráð hafnar erindinu með þremur atkvæðum þar sem að upphæð er of há fyrir sjóðinn og vísar málinu inn í Byggðaráð þar sem að Menningarráð telur verkefnið þarft."

Á 113. fundi menningarráðs þann 27. febrúar sl. var eftirfarandi bókað:
"Tekin er fyrir umsókn frá Árna Daníel Júlíusarsyni, þar sem hann sækir um 400.000 kr. styrk til að mæta kostnaði við verkefnið Eyðibyggðir miðalda.
Niðurstaða : Menningarráð samþykkir með þremur atkvæðum að hafna erindinu þar sem umsókn samræmist ekki reglum sjóðsins. Menningarráði þykir verkefnið áhugvert og vísar því inn í Byggðaráð Dalvíkurbyggðar."

Á 314. fundi fræðsluráðs þann 11. mars sl. var eftirfarandi bókað:
"Tekið fyrir minnisblað frá Sviðsstjóra fræðslu - og menningarsviðs dags. 04.03.2026
Niðurstaða : Fræðsluráð gerir ekki athugasemd við minnisblað frá Sviðsstjóra fræðslu - og menningarsviðs og vísar málinu til Byggðaráðs."

Helgi Einarsson vék af fundi undir þessum lið vegna vanhæfis kl. 14:39 og varaformaður, Freyr Antonsson tók við fundarstjórn.


Á 314. fundi fræðsluráðs þann 11. mars sl. var eftirfarandi bókað:
"Tekið fyrir minnisblað frá Sviðsstjóra fræðslu - og menningarsviðs dags. 04.03.2026
Niðurstaða : Fræðsluráð gerir ekki athugasemd við minnisblað og vísar málinu inn í Byggðaráð Dalvíkurbyggðar."

Gísli vék af fundi kl. 14:41.

Helgi Einarsson kom inn á fundinn að nýju og tók við fundarstjórn kl. 14.43.

Á 386. fundi sveitarstjórnar þann 20.janúar sl. var samþykkt samhljóða með 7 atkvæðum að auglýst verði eftir nýjum rekstraraðila að rekstri tjaldsvæðins á Dalvík í kjölfar uppsagnar frá Draumablá ehf. á samningi.

Með fundarboð fylgdu gögn vegna verðfyrirspurnar frá febrúar 2025.

Á 373. fundi sveitarstjórnar þann 5. nóvember 2024 var samþykkt samhljóðað viðauki við leigusamningi á milli Dalvíkurbyggðar og Í Tröllahöndum vegna leigu á Rimum, Sundskála Svarfdæla og tjaldsvæðinu við Rima til og með 31. október 2025.

Með fundarboði byggðaráðs fylgdu drög að leigusamningi um ofangreint á milli sömu aðila þar sem leigutíminn er til og með 31.10.2028.

Á 1176. fundi byggðaráðs þann 26. febrúar sl. var sveitarstjóra falið að leggja fyrir viðaukabeiðni vegna byggingu vatnstanks við Upsa í samræmi við niðurstöðu útboðs. Með fundarboði byggðaráðs fylgdi viðaukabeiðni, dagsett þann 11. mars 2026, að upphæð kr. 35.790.560 á lið 44200-11606 miðað við að verklok verði á árinu 2026.

Undir þessum lið koma á fund byggðaráðs Friðjón Árni Sigurvinsson, upplýsingafulltrúi kl. 15.05.

Á 386. fundi sveitarstjórnar þann 20. janúar sl. var samþykkt samhljóða með 7 atkvæðum að ganga til samninga við Kríu hönnunarstofu um mörkun Dalvíkurbyggðar og uppfærslu á byggðamerki.

Með fundarboði byggðaráðs fylgdi minnisblað Upplýsingafulltrúa þar sem kynnt er tillaga að upplyftingu á byggðamerki.

Á 1168. fundi byggðaráðs þann 27. nóvember sl. var eftirfarandi bókað:
"Undir þessum lið koma á fund byggðaráðs Friðjón Árni Sigurvinsson, upplýsingafulltrúi, kl. 13:53.
Með fundarboði byggðaráðs fylgdi drög að markaðs- og kynningaráætlun Dalvíkurbyggðar sem var jafnframt hluti af fylgigögnum með starfs- og fjárhagsáætlun 2026.
Til umræðu ofangreint.
Friðjón Árni vék af fundi kl. 15:12.
Niðurstaða : Lagt fram til kynningar."

Til umræðu hvort byggðaráðs sé með einhverjar ábendingar / athugasemdir við áætlunina frá því fundi byggðaráðs í nóvember sl.

Friðjón vék af fundi 15:17.

Tekið fyrir erindi frá sveitarstjóra, dagsett þann 11. mars 2026, þar sem óskað er eftir viðauka við fjárhagsáætlun 2026 að upphæð kr. 6.166.321 til að gera 3ja mánaðar samning við Elsu Heimisdóttur vegna sérfræðiaðstoðar í mannauðsmálum.

Sveitarstjóri og sviðsstjóri fjármála- og stjórnsýslusviðs kynntu fundargerðir starfs- og kjaranefndar frá 20. febrúar og 9. mars sl.

Tekið fyrir erindi frá Slysavarnardeildinni Dalvík, dagsett þann 6. mars 2026, þar sem óskað er eftir styrk frá Dalvíkurbyggð að upphæð kr. 220.000 - 250.000 þar sem fyrirhugað er að fá veltibíl frá Slysavarnarfélaginu Landsbjörg á Sjómannadaginn 7. júní nk. og hafa hann við safnaðarheimilið á meðan Sjómannadagskaffið er haldið.

Tekið fyrir erindi frá SSNE, póstur dagsettur þann 25. febrúar sl., þar sem meðfylgjandi er formlegt boð á ársþing SSNE 2026.Ársþingið verður haldið í Menningarhúsinu Bergi 26. mars nk. Allt sveitarstjórnarfólk er hvatt til þess að mæta.

Tekið fyrir erindi frá Lánasjóði sveitarfélaga ohf., þar sem fram kemur að aðalfundur sjóðisins verður haldinn föstudaginn 20. mars nk. kl. 14:00 á Grand Hótel Reykjavík. Aliir fulltrúar í sveitarstjórn eiga rétt til að sækja aðalfundinn. Sveitarstjóri er sjálfkrafa handhafi atkvæðisréttar sveitarfélagsins.

Sveitarstjóri gerði grein fyrir hlutahafafundi Leigufélagsins Bríet ehf. sem hún sat fyrir hönd Dalvíkurbyggðar fimmtudaginn 5. mars sl. Til umfjöllunar staðfesting skipting hlutafjár skv. skiptingaráætun sem hefur verið birt í Lögbirtingarblaðinu vegna Leigufélags Grindavíkur ehf.


Með fundarboði fylgdi m.a.:
Uppfærð Samþykkt fyrir Leigufélagið Bríet ehf.
Skiptingaráætlun dagsett 30.06.2025 og stofnun Leigufélags Grindavíkur ehf.
Fundargerð Leigufélagsins Bríet ehf. frá 05.03.2026.

Í fundargerð kemur m.a. fram að eftir umræður var skipting Leigufélagsins Bríetar ehf. og stofnun Leigufélags Grindavíkur ehf.
borin undir fundarmenn og voru þau staðfest með öllum atkvæðum

Samkvæmt skiptingaráætlun er hlutdeild Dalvíkurbyggðar í félaginu 2,96%,

Tekið fyrir erindi frá Félags- og húsnæðismálaráðuneytinu, dagsett þann 25. febrúar 2026, þar sem ráðuneytið óskar eftir sameiginlegri tilnefningu Fjallabyggðar, Dalvíkurbyggðar, Hörgársveitar, Akureyrarbæjar, Eyjafjarðarsveitar, Svalbarðsstrandarhrepps og Grýtubakkahrepps í svæðisráð um strandsvæðisskipulag fyrir Eyjafjörð. Óskað er eftir tilnefningu þriggja aðalfulltrúa og þriggja varafulltrúa.

Í lögum nr. 88/2018 um skipulag haf- og strandsvæða er kveðið á um að þegar stefna um skipulag haf- og strandsvæða kveður á um gerð strandsvæðisskipulags á tilteknu svæði skuli ráðherra skipa eitt svæðisráð fyrir hvert slíkt strandsvæði. Svæðisráð hefur það hlutverk að vinna að tillögu að strandsvæðisskipulagi fyrir viðkomandi svæði eða endurskoðun þess. Ráðherra skipar átta manna svæðisráð til að annast strandsvæðisskipulag á tilteknu svæði.

Sveitarstjóri gerði grein fyrir fundi sveitarstjóra á svæðinu varðandi tilnefningu fulltrúa sveitarfélaga í ráðið.

Tekið fyrir erindi frá Siglingasambandi Íslands, dagsett þann 3. mars sl., þar sem fram kemur að á nýafstöðnu Siglingaþingi Siglingasambands Íslands var viðhangandi ályktum um verndun og aðgengi að strandlengju Íslands samþykkt einróma.

Tekinn fyrir rafpóstur frá nefnda- og greiningarsviði Alþingis, dagsettur þann 5. mars sl., þar sem Umhverfis- og samgöngunefnd Alþingis sendir til umsagnar 499. mál; varnir gegn sjóflóðum og skriðuföllum og Vegagerðin, framkvæmdastofnun samgöngumála (markmið nýting eigna, framkvæmdaumsjón)
Frestur til að senda inn umsögn er til og með 19. mars nk.

Tekinn fyrir rafpóstur frá nefnda- og greiningarsviði Alþingis, dagsettur þann 6. mars sl., þar sem Umhverfis- og samgöngunefnd Alþingis sendir til umsagnar 505. mál; Sveitarstjórnarlög
Frestur til að senda inn umsögn er til og með 20. mars nk.

Lögð fram til kynningar fundargerð stjórnar Sambands íslenskra sveitarfélaga frá 3. mars sl.