Byggðaráð

Á 941. fundi byggðaráðs þann 15. apríl var tekið fyrir erindi frá Skíðafélagi Dalvíkur dagsett 13. apríl 2020 vegna fyrirhugaðrar byggingar geymsluhúsnæðis á skíðasvæðinu í Böggvisstaðafjalli sem er á fjárhagsáætlun 2020-2022. Óskað er eftir því að byggðaráð skoði hvort hægt sé að flýta framkvæmdinni þannig að hún komi til á árinu 2020, sem aðgerð til að mæta efnahagslegum áhrifum heimsfaraldursins COVID-19.

"Byggðaráð samþykkir að fá fulltrúa Skíðafélags Dalvíkur og byggingarnefndar til viðræðna um málið."

Með fundarboði fylgdi minnisblað byggingarnefndar og stjórnar Skíðafélagsins vegna fyrirhugaðrar byggingar.
Ennþá er verið að afla gagna til að ljúka kostnaðaráætlun.

Guðmundur St. Jónsson vék af fundi kl. 13:04 vegna vanhæfis.

Júlíus Júlíusson, framkvæmdastjóri Fiskidagsins mikla, kom inn á fundinn kl. 13:04.

Tekin fyrir fréttatilkynning Fiskidagsnefndar frá 15. apríl 2020 en í ljósi aðstæðna hefur stjórn Fiskidagsins mikla ákveðið að fresta afmælishátíðinni um eitt ár.

Því verður engin Fiskidagshátíð í ár en 20 ára afmælishátíð Fiskidagins mikla að öllu óbreyttu haldin dagana 6. til 8. ágúst 2021.

Júlíus fór yfir ákvörðun nefndarinnar og áætlanir og verkefnin í framhaldinu.

Júlíus vék af fundi kl. 13:22.

Guðmundur St. Jónsson kom aftur inn á fundinn kl. 13:27.

Börkur Þór Ottósson, sviðsstjóri umhverfis- og tæknisviðs og Dagur Óskarsson komu inn á fundinn kl. 13:27.

Tekið fyrir erindi frá Degi Óskarssyni dagsett 15. apríl 2020, ósk um endurnýjun á leigusamningi um gæsluvallarhús.

Dagur kynnti áform sín um nýtingu hússins.

Dagur vék af fundi kl. 13:57.
Börkur vék af fundi kl. 14:08.

Íris Hauksdóttir, þjónustu- og upplýsingafulltrúi, kom inn á fundinn kl. 14:10.

Tekið fyrir erindi frá Markaðsstofu Norðurlands dagsett 15. apríl 2020 þar sem Markaðsstofan vill koma á framfæri hugmynd um átak í merkingu gönguleiða á Norðurlandi.
Átakið hefur tvíþættan tilgang. Annars vegar að styrkja innviði ferðaþjónustunnar á Norðurlandi og hins vegar til að vekja athygli á þeim fjölda gönguleiða sem eru í boði á Norðurlandi.

Óskað er eftir því að sveitarfélög staðfesti þátttöku í verkefninu fyrir 30. apríl næstkomandi.

Íris Hauksdóttir kynnti fyrir byggðaráði spurningar sem senda á út til um 80 fyrirtækja í Dalvíkurbyggð strax við upphaf næstu viku.

Þessi könnun er gerð til að fá sem raunhæfasta mynd af atvinnulífinu í Dalvíkurbyggð í kjölfar kórónuveirunnar.
Byggðaráð fór yfir drögin að könnuninni og kom með sínar athugasemdir.

Íris vék af fundi kl. 14:27.

Lagðar fram upplýsingar teknar saman af Sambandi íslenskra sveitarfélaga um minnkandi starfshlutfall og atvinnuleysi í hverjum landshluta fyrir sig. Gögnin eru fengin frá Vinnumálastofnun og sýna atvinnuleysi um 2,5% í mánuðunum fyrir Covid19. Áætlað atvinnuleysi í Dalvíkurbyggð eftir Covid er 8,2% í mars, 19,6% í apríl og 16,7% í maí 2020.

Tekið fyrir erindi frá Sambandi íslenskra sveitarfélaga dagsett 22. apríl 2020, kynning á verkefni ríkisstjórnar fyrir námsmenn 18 ára og eldri á komandi sumri sem eiga engan eða takmarkaðan rétt til atvinnuleysisbóta. Gert er ráð fyrir að Vinnumálastofnun greiði til sveitarfélags eða opinberrar stofnunar rúmar 316 þús.kr. á mánuði fyrir hvern einstakling en stofnun eða sveitarfélag verður að tryggja að öllum starfsmönnum verði greidd laun samkvæmt kjarasamningum.

Óskað er eftir upplýsingum frá sveitarfélögum um það hvort að þau hafi hug á að nýta þetta úrræði í sumar og þá hversu mörg störf þau sjá fyrir sér að geta skapað.

Sveitarstjóri kynnti fjögur átaksverkefni sem stjórnendur hjá Dalvíkurbyggð telja að geti fallið vel að ofangreindu.
Þessi verkefni gætu skapað allt að 18-20 störf í Dalvíkurbyggð í sumar. Öll störfin henta fólki af báðum kynjum og mörg þeirra fólki af erlendum uppruna.

Teknir fyrir tölvupóstar frá Fjármála- og efnahagsráðuneytinu dagsettir 20. og 29. apríl 2020, svar við tilboði Dalvíkurbyggðar í Selárlandið.

Tekið fyrir bréf frá Bakkabjörg ehf. dagsett 28. apríl 2020, uppsögn á leigusamningi vegna Rima frá og með mánaðarmótunum apríl/maí 2020.

Tekið fyrir bréf frá Jöfnunarsjóði sveitarfélaga dagsett 8. apríl 2020, svar við umsókn Dalvíkurbyggðar um viðbótarframlag úr sjóðnum til að mæta íþyngjandi kostnaði vegna snjómoksturs veturinn 2019-2020.

Ákveðið var að bíða með ákvörðun nefndarinnar um viðbótarframlög til sveitarfélaga þar til komin er skýrari mynd á lækkun tekna sjóðsins á árinu 2020 vegna Covid-19 veirunnar. Verður málið því tekið fyrir að nýju á næstu fundum nefndarinnar.

Tekið fyrir erindi frá Atvinnuþróunarfélagi Eyjafjarðar dagsett 20. apríl 2020 þar sem boðað er til aðalfundar AFE þann 20. maí 2020 kl. 15:00. Fundurinn verður haldinn í Hörgársveit ef aðstæður í þjóðfélaginu leyfa, annars í fjarfundi.

Samkvæmt samþykktum AFE skal hvert sveitarfélag sem aðild á að félaginu tilnefna einn fulltrúa til að fara með umboð sveitarfélagsins á aðalfundi þess. Að öðru leyti er aðalfundurinn að jafnaði opinn öllum.

Tekinn fyrir tölvupóstur frá nefndasviði Alþingis dagsettur 22. apríl 2020 þar sem allsherjar- og menntamálanefnd Alþingis sendir til umsagnar frumvarp til laga um forvarnir gegn kynferðislegu og kynbundnu ofbeldi og áreitni, ásamt áætlun fyrir árin 2021-2025, 643. mál.

Þess er óskað að undirrituð umsögn berist eigi síðar en 6. maí nk.

Lögð fram til kynningar fundargerð 881. fundar stjórnar Sambands íslenskra sveitarfélaga frá 24. apríl 2020.