Umhverfisráð

Lagt fram til kynningar og umræðu leiðbeiningar um ritun fundagerða og fundarsköp ásamt erindisbréfi umhverfisráðs.

Með innsendu erindi dags. 08. ágúst 2020 óskar Anna Bragadóttir fyrir hönd landeigenda að Birkiflöt í Skíðadal eftir að samhliða deiliskipulagi fyrir svæðið verði einnig gerð breyting á aðalskipulagi Dalvíkurbyggðar til samræmis.
Reitur 629-F stækkaður til suðurs um 100 metra og tvær vegtengingar verði á svæðinu.

Til kynningar leyfisbréf frá UST vegna hjólastíga í fólkvanginum.

Til kynningar og umræðu fundargerð samráðsfundar með íbúum við Bjarkarbraut sem haldin var miðvikudaginn 9. september síðastliðinn.

Til umræðu innsent erindi frá Hjörleifi Hjartarssyni dags. 03. september 2020 vegna Friðlands Svarfdæla þar sem hann óskar eftir að allri losun á úrgangi verði hætt í Hrísahöfða.

Á 954. fundi byggðarráðs var eftirfarandi bókað.

Tekið fyrir erindi frá Laxós ehf. dagsett 26. ágúst 2020, þar sem farið er yfir stöðu verkefnis vegna fyrirhugaðs seiðaeldis á Árskógssandi. Óskað er eftir nánari upplýsingum um tvennt:
1. Hvort leyfi muni fást til að lengja fyrirhugaða landfyllingu á Árskógssandi til austurs.
2. Hvort sveitarfélagið muni geta afhent það magn af vatni sem félagið þarf í framtíðinni.

Byggðaráð samþykkir samhljóða með 3 atkvæðum að vísa ofangreindu erindi til veitu- og hafnaráðs og umhverfisráðs, eftir því sem við á.

Á 954. fundi byggðarráðs var eftirfarandi bókað.

Tekið fyrir erindi, dagsett þann 31. ágúst 2020, frá nemendum og starfsfólki Árskógarskóla, ósk um að útbúnir verði hjólastígar á Árskógsströnd þannig að nemendur geti hjólað í skólann og farið á milli byggðakjarna án þess að hjóla á þjóðveginum.

Byggðaráð samþykkir samhljóða með 3 atkvæðum að vísa ofangreindu erindi til umhverfisráðs vegna vinnu við fjárhagsáætlun 2021.

Á 954. fundi byggðarráðs var eftirfarandi bókað.

Tekið fyrir erindi, samanber rafpóstur dagsettur þann 24. ágúst 2020, frá lóðarhöfum á Hamri og sumarhúsalóðum 2-7 í landi Hamars, ósk um að vegurinn í frístundabyggðinni í landi Hamars verði endurbættur. Einnig koma fram ábendingar um snjómokstur og sorpgáma.

Byggðaráð samþykkir samhljóða með 3 atkvæðum að vísa ofangreindu erindi til umhverfisráðs vegna vinnu við fjárhagsáætlun 2021.

Lagður fram til kynningar ársreikningur Flokkun Eyjafjörður ehf. ásamt fundargerð stjórnarfundar 28. ágúst 2020 og fundargerð aðalfundar 28. ágúst 2020.

Á 954. fundi byggðarráðs var eftirfarandi bókað.

Tekið fyrir erindi frá íbúum á Hauganesi dagsett 6. september 2021, þar sem lagðar eru fram níu tillögur vegna fjárhagsáætlunar 2021. Efst á blaði eru lagfæring Aðalgötu, gangstéttar og fjölgun bílastæða. Einnig göngu- og hjólastígur meðfram Hauganesvegi.

Einnig eru fyrirspurnir til sveitarfélagsins varðandi deiliskipulag fyrir Hauganes, mokstursmál fyrir veturinn, hreinsistöðina, grjótnámuna,leikvöllinn, dýrahald, slátt og almenna hirðu á Hauganesi.

Þá þakka íbúarnir fyrir allt það sem gert var í
sumar og eru sammála um að alltaf er hægt að gera gott betra.

Byggðaráð samþykkir samhljóða með 3 atkvæðum að vísa ofangreindu erindi til umhverfisráðs, veitu- og hafnaráðs, Eignasjóðs og íþrótta- og æskulýðsráðs, eftir því sem við á, vegna vinnu við fjárhagsáætlun 2021.

Á 954. fundi byggðarráðs var eftirfarandi vísað til umhverfisráðs

Tekið fyrir erindi frá Ellu Völu Ármannsdóttur og íbúum Böggvisstaða dagsett 4. september 2020, þar sem óskað er eftir að Dalvíkurbyggð taki frá fjármagn á fjárhagsáætlun 2021 til að:
1) Laga heimkeyrslu að Böggvisstöðum.
2) Færa inngang í Böggvisstaðaskála.
3) Taka til og ganga frá í kring um Böggvisstaðaskála.

Íbúarnir lýsa ánægju sinni með nýjan göngustíg frá Dalvík að Böggvisstaðaafleggjara og að lokað sé fyrir bílaumferð frá Dalvík stystu leið að Böggvisstöðum.

Byggðaráð samþykkir samhljóða með 3 atkvæðum að vísa ofangreindu erindi til umhverfisráðs og Eignasjóðs vegna vinnu við fjárhagsáætlun 2021.

Á 954. fundi byggðarráðs var eftirfarandi bókað.

Tekið fyrir erindi frá íbúaráði á Árskógssandi, samanber rafpóstur dagsettur þann 7. september 2020, þar sem lagðar eru fram tillögur vegna fjárhagsáætlunar 2021.
Tillögurnar eru í 12 liðum og snúa að umhverfis- og tæknisviði, veitu- og hafnasviði og eignasjóði. Efst á lista er göngustígur meðfram Árskógssandsvegi og skjólgarðar og flotbryggja í Árskógssandshöfn.

Einnig er minnt á verkefni sem eru á framkvæmdaáætlun 2020 og er ekki lokið, götulýsingu, uppsetning ærslabelgs, malbikun gatna og fráveitustöð.

Byggðaráð samþykkir samhljóða með 3 atkvæðum að vísa ofangreindu erindi til umhverfisráðs, veitu- og hafnaráðs, Eignasjóðs og fræðsluráðs, eftir því sem við á, vegna vinnu við fjárhagsáætlun 2021.

Á 954. fundi byggðarráðs var eftirfarandi bókað.

Tekin fyrir erindi frá Sólrúnu ehf. dagsett 7. september 2020, annars vegar erindi er varðar hafnaraðstöðu á Árskógssandi, þörf fyrir endurbætur og niðursetning flotbryggju. Bent er á að frekari uppbygging hafnarinnar sé forsenda fyrir útgerð og almennri uppbygginu á Árskógssandi. Hins vegar erindi er varðar viðhald á Sjávargötu á Árskógssandi.

Byggðaráð samþykkir samhljóða með 3 atkvæðum að vísa erindi um hafnaraðstöðu á Árskógssandi til veitu- og hafnaráðs og erindi um Sjávargötu til umhverfisráðs vegna vinnu við fjárhagsáætlun 2021.

Á 954. fundi byggðarráðs var eftirfarandi bókað.
Byggðaráð samþykkir samhljóða með 3 atkvæðum að vísa ofangreindu erindi til umhverfisráðs vegna vinnu við fjárhagsáætlun 2021.

Á 954. fundi byggðarráðs var eftirfarndi bókað.

Tekið fyrir erindi frá Kristínu Aðalheiði Símonardóttur dagsett 7. september 2020 þar sem vakin er athygli á fimm atriðum sem mætti hafa í huga við gerð fjárhagsáætlunar 2021. 1. Hallandi gólf í Ungó verði fjarlægt. 2. Snyrtingar í Ungó verði lagfærðar. 3. Brú verði sett yfir hitaveiturörið á Svarfaðardalsá. 4. Gilið í Brimnesá verði gert að meira aðdráttarafli fyrir ferðafólk. 5. Miðbær Dalvíkur fái upplyftingu.
Byggðaráð samþykkir samhljóða með 3 atkvæðum að vísa ofangreindu erindi til umhverfisráðs, Eignasjóðs og menningarráðs, eftir því sem við á, vegna vinnu við fjárhagsáætlun 2021

Á 954. fundi byggðarráðs var eftirfarandi bókað.
Tekið fyrir erindi frá Sóknarnefnd Stærri-Árskógskirkju, samanber rafpóstur dagsettur þann 7. september 2020, þar sem óskað er eftir því að lagfæring og malbikun bílastæðis við kirkjuna verði sett inn í fjárhagsáætlun fyrir árið 2021. Jafnframt óskar sóknarnefndin eftir því að Dalvíkurbyggð aðstoði við að þrýsta á Vegagerðina að lagfæra og leggja klæðningu á heimreiðina að kirkjunni.
Byggðaráð samþykkir samhljóða með 3 atkvæðum að vísa ofangreindu erindi til umhverfisráðs vegna vinnu við fjárhagsáætlun 2021.

Á 954. fundi byggðarráðs var eftirfarandi bókað.

Tekið fyrir munnlegt erindi frá Myriam Dalstein, dagsett þann 7. september 2020, vegna fjárhagsáætlunar 2021. Erindið snýr að bílastæðum í Svarfaðardal vegna ferðamanna að Skeiðsvatni, sorpmálum í sveitinni á veturna og að staða húsvarðar við Dalvíkurskóla verði endurvakin.

Byggðaráð samþykkir samhljóða með 3 atkvæðum að vísa ofangreindu erindi til umhverfisráðs vegna vinnu við fjárhagsáætlun 2021 nema ábendingu um stöðu húsvarðar við Dalvíkurskóla sem er lagt fram til kynningar í byggðaráði.