Skipulagsráð

Lögð fram skipulagslýsing, unnin af Teikna - teiknistofu arkitekta, fyrir breytingu á Aðalskipulagi Dalvíkurbyggðar 2008-2020 og nýtt deiliskipulag fyrir athafnasvæði landeldisstöðvar norðan Hauganess.

Lögð fram tillaga á vinnslustigi, unnin af Teikna - teiknistofu arkitekta, að breytingu á Aðalskipulagi Dalvíkurbyggðar 2008-2020 vegna stækkunar íbúðarsvæðis 202-ÍB. Stækkunin felur í sér áform um uppbyggingu íbúðarbyggðar sunnan vegslóða frá Böggvisbraut að Böggvisdal, auk þess sem svæði 202-ÍB er stækkað lítillega til norðurs og vesturs.

Lögð fram tillaga á vinnslustigi, unnin af teiknistofunni Landmótun, að nýju deiliskipulagi fyrir íbúðabyggð við Böggvisbraut.

Lögð fram tillaga á vinnslustigi að breytingu á Aðalskipulagi Dalvíkurbyggðar 2008-2020. Breytingin felur í sér stækkun á íbúðarsvæðum 706-ÍB og 707-ÍB, auk þess sem þéttbýlismörk eru útvíkkuð þannig að núverandi byggð sunnan Aðalbrautar verði öll innan þéttbýlismarka og íbúðarsvæðis.

Lögð fram tillaga á vinnslustigi, unnin af Cowi verkfræðistofu, að deiliskipulagi fyrir íbúðarbyggð á Árskógssandi.

Á fundi skipulagsráðs þann 9.apríl sl. var samþykkt að gera breytingu á deiliskipulagi frístunda- og iðnaðarsvæðis í landi Upsa vegna stækkunar á lóð undir vatnstank í landi Upsa.
Nú er lögð fram uppfærð tillaga að stækkun lóðarinnar þar sem snúningsstæði er bætt inn í lóðarstækkun.

Erindi dagsett 2.maí 2025 þar sem Anna Kristín Guðmundsóttir sækir um breytingu á deiliskipulagi fyrir Hringtún 5 vegna áforma um byggingu bílgeymslu.

Á fundi skipulagsráðs þann 8.maí 2024 var samþykkt að gera breytingu á deiliskipulagi landbúnaðarsvæðis í landi Ytra Holts þar sem lóð fyrir kjúklingabú var breytt í lóð fyrir geymsluhúsnæði fyrir allt að fjórtán eignarhluta.
Deiliskipulagsbreytingin hefur ekki verið staðfest í B-deild Stjórnartíðinda.
Nú er lagt til að gerð verði sú breyting að tilgreindur fjöldi eignarhluta verði felldur út og að deiliskipulagið geri þannig ráð fyrir að á lóðinni verði geymslu- og lagerhúsnæði án tilgreinds fjölda eignarhluta.

Erindi dagsett 5.maí 2025 þar sem Halla Dögg Káradóttir f.h. vatnsveitu Dalvíkurbyggðar sækir um stofnun lóðar fyrir lokahús við Brimnesá.
Ekki er í gildi deiliskipulag á svæðinu.

Erindi dagsett 7.apríl 2025 þar sem Helgi Jóhannesson f.h. Norðurorku sækir um framkvæmdaleyfi fyrir lagningu hitaveitulagnar frá Ytri Haga að Birnunesborgum, auk uppdælingar borvatns úr Selá.
Málið var áður á dagskrá skipulagsráðs þann 9.apríl sl. og var afgreiðslu frestað.

Lögð fram tillaga framkvæmdasviðs að staðsetningu afgirts hundasvæðis, skv. bókun skipulagsráðs frá 9.apríl sl.
Tillagan gerir ráð fyrir afgirtu svæði fyrir lausagöngu hunda við Árskógsskóla á svæði sem skilgreint er sem opið svæði til sérstakra nota (829-O) í gildandi aðalskipulagi.

Lögð fram endanleg tillaga að reglum um bílastæði og úrtak úr kantsteini í Dalvíkurbyggð.
Málið var áður á dagskrá skipulagsráðs þann 9.apríl sl.

Erindi dagsett 11.apríl 2025 þar sem Skipulagsstofnun óskar umsagnar Dalvíkurbyggðar um umhverfismatsskýrslu fyrir kerfisáætlun 2025-2034.
Skýrslan er í kynningu til 31.maí nk. og eru gögn málsins aðgengileg á skipulagsgátt undir máli nr. 509/2025.

Lögð fram til kynningar ályktun aðalfundar Skógfræðingafélags Íslands dags. 25.mars 2025, þar sem m.a. er minnt á mikilvægi þess að sveitarfélög nýti sér sérþekkingu skógfræðinga til uppbyggingar á grænum svæðum í þéttbýli.

Lögð fram til kynningar fundargerð 3.fundar dags. 30.apríl 2025, með fullnaðarafgreiðslum erinda.