Skipulagsráð

Tekin fyrir tillaga Ágústs Hafsteinssonar arkitekts dagsett 8. febrúar 2023 að deiliskipulagi íbúðarbyggðar við Svarfaðarbraut á Dalvík.
Í tillögunni eru kynntir fjórir valkostir að íbúðabyggð: þrjár einbýlishúsalóðir, tvær parhúsalóðir og lóð fyrir fjórar til fimm raðhúsaíbúðir.

Í bréfi frá Innviðaráðuneytinu, dagsett þann 24. janúar 2023, kemur fram að ráðuneytið hefur staðfest siðareglur kjörinna fulltrúa Dalvíkurbyggðar sem sveitarstjórn hefur sett samkvæmt 18. og 29 gr. sveitarstjórnarlaga nr. 138/2011.
Í siðareglunum kemur fram að kjörnir fulltrúar Dalvíkurbyggðar undirgangast þessar siðareglur með undirskrift sinni og lýsa því þar með yfir að þeir ætli að hafa þær að leiðarljósi í störfum sínum. Reglurnar skulu kynntar kjörnum fulltrúum í nefndum og ráðum. Skrifstofur Dalvíkurbyggðar kynna siðareglurnar fyrir starfsmönnum og íbúum Dalvíkurbyggðar. Þær verða birtar á vef Dalvíkurbyggðar.

Á 354. fundi sveitarstjórnar þann 17. janúar sl. var tekin fyrir afgreiðsla byggðaráðs á fyrirliggjandi tilllögu að Málstefnu Dalvíkurbyggðar þannig að gildandi stefna verði óbreytt.

Á 1054. fundi byggðaráðs þann 12. janúar sl. var eftirfarandi bókað: "Á 271. fundi fræðsluráðs þann 29. júní sl. var eftirfarandi bókað: "Gísli Bjarnason, sviðsstjóri fræðslu - og menningarsviðs, fór yfir helstu áherslur í Málstefnu Dalvíkurbyggðar. Niðurstaða:Lagt fram til kynningar. Fræðsluráð bendir á að komið er að endurskoðun og felur sviðsstjóra að koma málinu í rétt ferli." Samkvæmt 130. gr. sveitarstjórnarlaga þá ber sveitarfélögum að setja sér málstefnu: "Sveitarstjórn mótar sveitarfélaginu málstefnu í samráði við Íslenska málnefnd og eftir atvikum málnefnd um íslenskt táknmál. Þar skal koma fram að öll gögn liggi fyrir á íslensku svo sem kostur er og gerð grein fyrir heimilum undantekningum á þeirri reglu. Þar skulu settar reglur um notkun íslensks táknmáls og íslensks punktaleturs í gögnum og starfsemi sveitarfélagsins. Enn fremur skal koma fram hvaða gögn liggja að jafnaði fyrir í erlendum málbúningi og hvaða tungumál þar er um að ræða. Þá skal þar setja reglur um rétt íbúa af erlendum uppruna til samskipta við stofnanir sveitarfélagsins á annarri tungu en íslensku. Mál það sem er notað í starfsemi sveitarfélags eða á vegum þess skal vera vandað, einfalt og skýrt. "Niðurstaða:Byggðaráð samþykkir samhljóða með 3 atkvæðum gildandi Málstefnu Dalvíkurbyggðar óbreytta og vísar henni til umfjöllunar og afgreiðslu sveitarstjórnar."

Tekið fyrir erindi frá Gunnari A. Njáli Gunnarssyni, sem barst með tölvupósti þann 16. janúar sl., þar sem hann lýsir yfir miklum áhyggjum af öryggi gangandi vegfaranda í og við Svarfaðarbraut á Dalvík. Eftirfarandi var bókað á 6. fundi umhverfis- og dreifbýlisráði:
"Umhverfis- og dreifbýlisráð bendir á að í nýendurskoðuðum snjómokstursreglum er lögð áhersla á mokstur á göngustíg við Svarfaðarbraut. Ráðið leggur til að tekið verði tillit til umræddra athugasemda við uppfærslu á umferðaöryggisáætlun sveitarfélagsins. Samþykkt samhljóða með fimm atkvæðum."

Tekið fyrir erindi dags. 16. júní 2022 frá Laxós ehf. lóðarhafa athafnalóðar nr. 31 við Öldugötu Árskógssandi. Í erindinu er óskað eftir breytingu á deiliskipulagi athafna-, verslunar-, þjónustu- og íbúðarsvæðis á Árskógssandi, sem samþykkt var 18.11.2016 þannig að nýtingarhlutfall lóðarinnar verði hækkað úr 0,3 í 0,41 miðað við einnar hæðar byggingu og úr 0,4 í 0,5 miðað við tveggja hæða byggingu.

Í frumdrögum að byggingu seiðaeldisstöðvar á lóðinni er miðað við að heildarflatarmál stöðvarinnar verði um 4.500 m². Flatarmál lóðarinnar er 11.719 m².
Í gildandi deiliskipulagi er hámarksnýtingarhlutfall lóðarinnar 0,3 fyrir einnar hæðar byggingu, (allt að 3.615 m²) og 0,4 (allt að 4.687 m²) fyrir byggingu á tveimur hæðum.

Hvorki er óskað eftir breytingu á byggingarreit né öðrum skipulagsákvæðum innan lóðarinnar af hálfu lóðarhafa.

Í tölvupósti dags. 24.06.2022 óskar Hulda Soffía Jónasdóttir fyrir hönd Umhverfisstofnunar eftir umsögn sveitarfélagsins um það hvort sveitarfélagið telji að áætluð starfsemi Laxóss við Öldugötu 31 samræmist gildandi aðalskipulagi sveitarfélags hvað varðar landnotkun og byggðaþróun og/eða hvort setja þurfi sér ákvæði í aðalskipulag vegna fyrirhugaðrar starfsemi og tengdra framkvæmda. Einnig óskar UST eftir upplýsingum um hvort sveitarfélagið telji að áformaðar breytingar á deiliskipulagi geti fallið undir óverulegar breytingar sbr. 2. mgr. 43. gr. skipulagslaga nr. 123/2010 eða hvort hún falli undir 1. mgr. 43. gr.

Á 354. sveitarstjórnarfundi var eftirfarandi tillaga frá Frey Antonssyni samþykkt, dagsett þann 13. janúar 2023, varðandi Skógarhóla 8 og Skógarhóla 10:
"Í fyrsta lagi að óúthlutaðar lóðir við Skógarhóla 8 og 10 verði teknar úr auglýsingu.
Í öðru lagi að beina því til skipulagsráðs að vinna nú þegar að breytingu á deiliskipulagi og aðalskipulagi á þann veg að til verði ný gata út frá Skógarhólum til norðurs. Fyrirmyndin verði göturnar Lynghólar og Reynihólar og þarna verði lóðir fyrir raðhús og eða parhús. Eftirspurnin síðustu ár hefur verið í lóðir af þessu tagi. Í stað tveggja lóða gætu komið á sama reit lóðir fyrir 10-12 íbúðir. "
"...Sveitarstjórn samþykkir samhljóða með 7 atkvæðum ofangreinda tillögu Freys Antonssonar með þeirri breytingu að jarðvegur verði skoðaður áður en mikil vinna fer fram."

Grenndarkynningu vegna erindis EGÓ húsa ehf. þar sem óskað var eftir leyfi til að byggja tvö þriggja íbúða raðhús á einni hæð með samtals sex íbúðum á þremur einbýlishúsalóðum við Öldugötu 12, 14 og 16 á Árskógssandi, lauk 30. janúar 2023 án athugasemda.
Send voru út kynningargögn á nítján næstu nágranna í formi skýringaruppdráttar frá m2hús ehf og kynningarbréfs frá sviðsstjóra framkvæmdasviðs.

Með umsókn, dagsettri 31. desember 2022, sækir Gunnlaugur Svansson um lóðina við Skógarhóla 12 á Dalvík.

Með umsókn, dagsettri 30. desember 2022, sækir Leó verktaki ehf. um lóðina við Skógarhóla 12 á Dalvík.

Sviðsstjóri kynnti stöðu mála við fyrirhugaðri hönnun á nýrri götu á Hauganesi.

Á 6. fundi skipulagsráðs var eftirfarandi bókað:
"Lagt fram til kynningar. Skipulagsráð mun halda áfram vinnu við gerð minnisblaðs fyrir skipulagsráðgjafa með forsendum fyrir áframhaldandi skipulagsvinnu. Samþykkt samhljóða með fimm atkvæðum."

Tekin fyrir grenndarkynning einbýlishúsalóðarinnar við Hringtún 24 Dalvík sem grenndarkynnt var fyrir nítján næstu nágrönnum frá 10. janúar til 31. janúar 2023. Í grenndarkynningargögnunum óskar lóðarhafi eftir að fá að byggja einbýlihús á einni hæð í stað tveggja hæða samkvæmt deiliskipulagsskilmálum lóðarinnar. Í tillögunni kemur fram að gert er ráð fyrir að mænishæðin er sjö metrar. í gildandi deiliskipulagi er skilmálar fyrir tveggja hæða hús með 6 m hæstu vegghæð og 8,2 m hæstu mænishæð.
Tvær athugasemdir bárust á kynningartíma.

Tekið fyrir erindi dags. 3 febrúar 2023 frá Agli Júlíussyni lóðarhafa einbýlishúsalóðarinnar við Hringtún 26 Dalvík. Í erindinu er óskað eftir að fá að byggja einbýlihús á einni hæð í stað tveggja hæða samkvæmt deiliskipulagsskilmálum lóðarinnar. Innan 31.85 m djúprar lóðarinnar er 3 m hæðarmismunur frá götuhlið og upp til vesturs.

Á 1054. fundi byggðaráðs þann 12. janúar sl. var eftirfarandi bókað: "Á 1031. fundi byggðaráðs þann 6. júlí sl. voru málefni um framtíð Gamla skóla til umfjöllunar og samþykkt að halda íbúafund til að upplýsa um þá ákvörðun sveitarstjórnar að verkefninu um Friðlandsstofu og Gamla skóla verði ekki haldið áfram í núverandi mynd. Á íbúafundi þann 6. desember sl. var kynnti formaður byggðaráðs stöðu verkefnisins og hússins í kjölfar úttektar á ástandi þess og áætlana um framkvæmdakostnað. Niðurstaða:Byggðaráð samþykkir samhljóða með 3 atkvæðum að leggja til við sveitarstjórn og ríkið sem meðeiganda að Gamli skóli verði seldur með ákveðnum kvöðum." Fyrir skipulagsráði liggur að taka ákvörðun um lóðamörk.

Fyrir fundinum liggur erindi frá Valbirni Vilhjálmssyni sem fyrir hönd Sigurðar Sigurðarsonar kt. 020476-4279 sækir um byggingarleyfi vegna nýbyggingar einbýlishúss á bújörðinni Brautarhóli í Svarfaðardal. Erindinu fylgja uppdrættir frá Valbirni dags. 27. janúar 2023.