Nýtt deiliskipulag við Svarfaðarbraut

Tekin fyrir tillaga Ágústs Hafsteinssonar arkitekts dagsett 8. febrúar 2023 að deiliskipulagi íbúðarbyggðar við Svarfaðarbraut á Dalvík.
Í tillögunni eru kynntir fjórir valkostir að íbúðabyggð: þrjár einbýlishúsalóðir, tvær parhúsalóðir og lóð fyrir fjórar til fimm raðhúsaíbúðir.

Á 7. fundi skipulagsráðs þann 8. febrúar sl. var eftirfarandi bókað:
"Tekin fyrir tillaga Ágústs Hafsteinssonar arkitekts dagsett 8. febrúar 2023 að deiliskipulagi íbúðarbyggðar við Svarfaðarbraut á Dalvík. Í tillögunni eru kynntir fjórir valkostir að íbúðabyggð: þrjár einbýlishúsalóðir, tvær parhúsalóðir og lóð fyrir fjórar til fimm raðhúsaíbúðir.Niðurstaða:Skipulagsráð leggur til við sveitarstjórn að auglýst verði breyting á aðalskipulagi þar sem skilmálum reits ÍB 313 við Svarfaðarbraut er breytt á þann veg að heimilt verði að skipuleggja tvær parhúsalóðir. Skipulagsráð telur um óverulega breytingu að ræða og málsmeðferð skv. 2. mgr. 36. gr. skipulagslaga nr. 123/2010. Einnig leggur skipulagsráð til við sveitarstjórn að tillaga að deiliskipulagi íbúðarreits ÍB 313 við Svarfaðarbraut verði auglýst skv. 1. mgr. 41. gr. skipulagslaga nr. 123/2010. Viðfangsefni tillögunnar er skilgreining á tveimur parhúsalóðum á einni hæð. Samþykkt með fjórum atkvæðum. Þorsteinn Ingi Ragnarsson situr hjá."

Á 356. fundi sveitarstjórnar var samþykkt bókun Skipulagsráðs þann 8. febrúar um að vinna að deiliskipulagi fyrir tvö parhús á reit ÍB 313 við Svarfaðarbraut. Sveitarstjórn felur framkvæmdasviði að láta fullvinna gögn er varða deiliskipulagstillögu og breytingu á aðalskipulagi þar af lútandi til að leggja fyrir næsta fund Skipulagsráðs.

Á 8. fundi skipulagsráðs þann 8. mars 2023 var eftirfarandi bókað:
"Á 356. fundi sveitarstjórnar var samþykkt bókun Skipulagsráðs þann 8. febrúar um að vinna að deiliskipulagi fyrir tvö parhús á reit ÍB 313 við Svarfaðarbraut. Sveitarstjórn felur framkvæmdasviði að láta fullvinna gögn er varða deiliskipulagstillögu og breytingu á aðalskipulagi þar af lútandi til að leggja fyrir næsta fund Skipulagsráðs.Niðurstaða:Skipulagsráð leggur til að sveitarstjórn Dalvíkurbyggðar samþykki óverulega orðalagsbreytingu á skipulagsákvæðum fyrir íbúðarsvæði 313-Íb í töflu í kafla 4.3. í greinargerð Aðalskipulags Dalvíkurbyggðar 2008-2020 þannig að í stað „Þrjú einbýlishús eða fjögurra íbúða raðhús“ komi „Þrjár til fjórar íbúðir í einbýlis-, rað- eða parhúsum.“ Breytingin er óveruleg og er framkvæmdasviði falið að senda hana Skipulagsstofnun til yfirferðar og staðfestingar. Tillaga að nýju deiliskipulagi verður kynnt íbúum á íbúafundi áður en hún verður auglýst samkvæmt bókun 355. fundi sveitarstjórnar. Samþykkt með fjórum atkvæðum, Þorsteinn Ingi Ragnarsson situr hjá."

Lögð fram að lokinni auglýsingu skv. 1. mgr. 41. gr. skipulagslaga nr. 123/2010 tillaga að deiliskipulagi fyrir Svarfaðarbraut á Dalvík.
Umsagnar- og athugasemdafrestur var frá 29. mars 2023 til og með 9. maí 2023. Ein athugasemd barst frá RARIK á auglýsingartíma vegna háspennustrengs sem liggur nyrst á skipulagssvæðinu. Sett verður kvöð um háspennustreng í línustæðinu.

Rætt um stöðu mála varðandi úthlutun lóða við Svarfaðarbraut 19-25. Nýtt deiliskipulag fyrir umræddar lóðir tók gildi í ágúst 2023.