Umsókn um byggingarleyfi Öldugata 12-16

Málsnúmer 202212063

Vakta málsnúmer

Skipulagsráð - 5. fundur - 14.12.2022

Með erindi, dagsettu 8. desember 2022, óskar EGO hús ehf. eftir því að byggja tvö raðhús á einni hæð með samtals 6 íbúðum á lóðunum 12-16 við Öldugötu, Ársskógssandi.
Skipulagsráð veitir heimild til grenndarkynningar á lóðum 12-16 við Öldugötu í samræmi við umsókn og felur framkvæmdasviði að annast hana.
Grenndarkynningin skal ná til lóða nr. 9-29 og 6-10 við Öldugötu og 11-19 og 19a við Ægisgötu.
Samþykkt samhljóða með fimm atkvæðum.

Skipulagsráð - 7. fundur - 08.02.2023

Grenndarkynningu vegna erindis EGÓ húsa ehf. þar sem óskað var eftir leyfi til að byggja tvö þriggja íbúða raðhús á einni hæð með samtals sex íbúðum á þremur einbýlishúsalóðum við Öldugötu 12, 14 og 16 á Árskógssandi, lauk 30. janúar 2023 án athugasemda.
Send voru út kynningargögn á nítján næstu nágranna í formi skýringaruppdráttar frá m2hús ehf og kynningarbréfs frá sviðsstjóra framkvæmdasviðs.
Skipulagsráð leggur til við sveitarstjórn að tillagan verði samþykkt skv. 1. mgr. 44. gr. skipulagslaga nr. 123/2010.
Við breytinguna fellur lóðarnúmerið Öldugata 16 út.

Samþykkt samhljóða með fimm atkvæðum.

Sveitarstjórn - 356. fundur - 21.02.2023

Á 7. fundi skipulagsráðs þann 8. febrúar 2023 var eftirfarandi bókað:
"Grenndarkynningu vegna erindis EGÓ húsa ehf. þar sem óskað var eftir leyfi til að byggja tvö þriggja íbúða raðhús á einni hæð með samtals sex íbúðum á þremur einbýlishúsalóðum við Öldugötu 12, 14 og 16 á Árskógssandi, lauk 30. janúar 2023 án athugasemda. Send voru út kynningargögn á nítján næstu nágranna í formi skýringaruppdráttar frá m2hús ehf og kynningarbréfs frá sviðsstjóra framkvæmdasviðs. Niðurstaða:Skipulagsráð leggur til við sveitarstjórn að tillagan verði samþykkt skv. 1. mgr. 44. gr. skipulagslaga nr. 123/2010. Við breytinguna fellur lóðarnúmerið Öldugata 16 út. Samþykkt samhljóða með fimm atkvæðum."
Enginn tók til máls.

Sveitarstjórn samþykkir samhljóða með 7 atkvæðum ofangreinda afgreiðslu skipulagsráðs og tillögu um að veita EGÓ húsum ehf. leyfi til að byggja tvö þriggja íbúða raðhús á einni hæð með samtals sex íbúðum á þremur einbýlishúsalóðum við Öldugötu 12,14 og 16 á Árskógssandi samkvæmt skv. 1. mgr. 44. gr. skipulagslaga nr. 123/2010. Við breytinguna fellur lóðarnúmerið Öldugata 16 út.