Byggðaráð

Á 1173. fundi byggðaráðs þann 29. janúar sl. var eftirfarandi bókað:
"Undir þessum lið kom á fund byggðaráðs Helga Íris Ingólfsdóttir, deildarstjóri Eigna- og framkvæmdadeildar, kl. 13:15.
Með fundarboði byggðaráðs fylgdi minnisblað deildarstjóra Eigna- og framkvæmdadeildar og íþróttafulltrúa, dagsett þann 27.01.2026, er varðar ástandsmat gufuklefa í Íþróttamiðstöð í janúar 2026.
Fram kemur m.a. að undanfarið hefur verið ljóst að fara þarf í endurbætur á gufuklefanum í Íþróttamiðstöð Dalvíkurbyggðar og á viðhaldsáætlun Eignasjóðs og fjárfestingaáætlun Dalvíkurbyggðar er gert ráð fyrir því að fjárfesta í gufuklefa úti á sundlaugarsvæðinu og breyta núverandi klefa í hlutlausan sturtuklefa eða aðstöðu fyrir einstaklinga sem þurfa aðstoð. Öll útfærsla og hönnun á breytingum innanhúss er eftir.
Í byrjun janúar 2026 var ákveðið að loka gufuklefanum í Íþróttamiðstöðinni til að skoða betur hvort hægt væri að ráðast í lítilháttar viðgerðir á gólfinu í klefanum sem gæti haldið honum starfhæfum fram á næsta ár.
Í stórum dráttum er um þrjár leiðir að ræða til að takast á við þetta verkefni:
1. Loka gufuklefanum alveg og leyfa honum að þorna. Gert er ráð fyrir kaupum og uppsetningu á gufuklefa úti á sundlaugarsvæðinu á næsta ári og breytingum á núverandi klefa þannig að það svæði nýtist undir hlutlausa klefa.
Framkvæmdir aðrar en fjarlæging á flísum og epoxý-húð geymd fram á næsta ár.
2. Loka gufuklefanum um ótiltekin tíma, flýta fyrir þornun og endurnýja gólfefni og þannig koma aftur í starfhæft ástand. Áætlaður opnunartími gufuklefans er þá óviss, en lílega ekkifyrr en í sumar í fyrsta lagi.
3. Flýta áætluðum kaupum á gufuklefa út á sundlaugarsvæði. Nýr gufuklefi ætti að vera kominn upp innan þriggja mánaða ef allt gengur upp. Núverandi klefa yrði lokað og honum leyft að þorna. Framkvæmdir innanhúss og breytingar á klefa verða áfram á áætlun ársins 2027.
Til umræðu ofangreint.
Helga Íris vék af fundi kl. 13:29.
Niðurstaða : Byggðaráð samþykkir samhljóða með 3 atkvæðum að leggja til að farin verði leið #3 hér að ofan, með fyrirvara um samþykki sveitarstjórnar um viðauka.
Byggðaráð samþykkir samhljóða með 3 atkvæðum að fela deildarstjóra EF-deildar og íþróttafulltrúa að vinna áfram að málinu og leggja fyrir byggðaráð tillögu að lausn skv. leið 3 ásamt viðaukabeiðni."

Með fundarboði byggðaráðs fylgdi viðaukabeiðni frá deildarstjóra Eigna- og framkvæmdadeildar og íþróttafulltrúa, dagsett þann 10. febrúar sl., þar sem óskað er eftir viðauka við fjárhagsáætlun 2026 til þess að kaupa frístandandi gufuklefa á lóð Sundlaugar Dalvíkur eða Íþróttamiðstöðvar. Í erindinu kemur fram hvaða tegund er lögð til í samráði við starfsmenn Íþróttamiðstöðvar. Óskað er eftir viðauka að upphæð kr. 4.000.000 á lið 32200-11603.

Til umræðu staða mála hvað varðar áætlanir um endurbætur á Skrifstofum Dalvíkurbyggðar.

Sveitarstjóri gerði grein fyrir stöðu mála.

Til umræðu staða mála hvað varðar áætlanir um byggingu á nýju byggðasafni.

Freyr Antonsson gerði grein fyrir stöðu mála.

Næsti fundur vinnuhóps er næst komandi þriðjudag. Þar mætir arkitekt með tillögur að byggðasafni; viðbygging við Berg. Sveitarstjórn er boðið að koma á fundinn kl. 14:00.

Til umræðu staða mála hvað varðar áætlanir um byggingu nýrrar slökkvistöðvar.

Sveitarstjóri upplýsti um stöðu mála.

Bókað í trúnaðarmálabók.

Byggðaráð samþykkir samhljóða með 3 atkvæðum ofangreinda viðaukabeiðni, viðauka nr. 8 við fjárhagsáætlun 2026, þannig að liður 02570-4970 hækki um kr. 1.448.128. Byggðaráð samþykkir jafnfram að viðaukanum verði mætt með lækkun á handbæru fé. Vísað til umfjöllunar og afgreiðslu í sveitarstjórn.

Sviðsstjóri fjármála- og stjórnsýslusviðs kynnti skýrslur yfir bókfærðar ( miðað við 03.02.2026) fjárfestingar og framkvæmdir Eignasjóðs, Hafnasjóðs, Vatnsveitu, Hitaveitu og Fráveitu 2025 í samanburði við heimildir í áætlun 2025.

Til umræðu áætlun um fjárfestingar og framkvæmdir Dalvíkurbyggðar samkvæmt fjárhagsáætlun 2026 og þriggja ára áætlun 2027-2029.

Á 1173. fundi byggðaráðs þann 29. janúar sl. kynntu Arnar Haraldsson og Haraldur L. Haraldsson frá HLH Ráðgjöf drög að greiningu á sameiningu Hafnasamlag Norðurlands og Hafnasjóðs Dalvíkurbyggðar.
Með fundarboði fylgdi lokadrög að ofangreindri greiningu. Fram kemur tillaga að skipulagi og framkvæmd viðræðna um sameininguna.

Tekið fyrir erindi frá Eignahaldsfélagi Brunabótafélags Íslands, dagsett þann 27. janúar sl., þar sem auglýst er eftir umsóknum um styrki úr styrktarsjóði EBÍ. Umsóknarfrestur er til febrúarloka.

https://ebi.is/styrktarsjodur_reglur.html

Í október 2025 barst sveitarfélaginu tilkynning frá forstjóra HSN að HSN hyggst hætta rekstri líkgeymslu í húsnæði heilsugæslunnar á Dalvík. Ástæðan er sú að kælibúnaðurinn er ónýtur og ekki hyggilegt að endurnýja hann. HSN lítur ekki á það sem hlutverk heilsugæslustöðva að reka slíka þjónustu sem og HSN hefur ekki fjármuni eða mannskap í verkefnið.

Sveitarstjóri gerði grein fyrir þeirri vinnu sem hefur farið fram, eftirfylgni við málið, samskipti við ráðuneyti, HSN, Dalbæ og íbúa í samfélaginu og þeirra lausna sem hefur verið leitað. Unnið hefur verið að lausn á þeim forsendum að um er að ræða sameiginlegt verkefni fyrir samfélagið. Safnað hefur verið fyrir nýjum kælibúnaði að frumkvæði íbúa.

Með fundarboði byggðaráðs fylgdi drög að húsaleigusamningi á milli HSN og Dalvíkurbyggðar þar sem HSN er tilbúið að leigja Dalvíkurbyggð húsnæði fyrir rekstur á líkhúsi til 5 ára.

Sveitarstjóri og sviðsstjóri fjármála- og stjórnsýslusviðs kynntu fundargerð starfs- og kjaranefndar frá 3. febrúar sl.

Tekið fyrir erindi frá Bátum og búnaði ehf., dagsett þann 9. febrúar sl., þar sem óskað er yfirlýsingar Dalvíkurbyggðar um að sveitarfélagið ætli ekki að nýta sér forkaupsrétt á skipi nr. 1881.Um er að ræða Sigurvin EA-380.

Tekinn fyrir rafpóstur frá Sambandi íslenskra sveitarfélaga, dagsett þann 5. febrúar sl. þar sem fram kemur að Sambandið ásamt innviðaráðuneytinu hefur sett í loftið átak sem miðar að því að styrkja lýðræðið á sveitarstjórnarstigi.
Markmið átaksins eru tvíþætt:
1. Hvetja nýtt fólk til þátttöku í stjórnmálum á sveitarstjórnarstigi, með áherslu á að virkja einstaklinga sem hafa ekki áður tekið þátt í framboði eða starfi sveitarstjórna.
2. Stuðla að áframhaldandi þátttöku núverandi kjörinna fulltrúa, þannig að þekking og reynsla haldist innan sveitarstjórna og tryggi stöðugleika í stjórnsýslu og ákvarðanatöku.

Sveitarfélög landsins eru hvött til að fylgjast með og styðja við átakið eftir því sem hægt er ? til dæmis með miðlun efnis á sínum samfélags- og vefmiðlum sem fram kemur í rafpóstinum.

Tekinn fyrir rafpóstur frá Sambandi íslenskra sveitarfélaga, dagsettur þann 3. febrúar sl., þar sem fram kemur að dagana 23.-25. september 2026 verður landsþing Sambands íslenskra sveitarfélaga haldið á Akureyri.
Landsþingið verður sett seinnipartinn þann 23. september og lýkur á hádegi 25. september.Öll sveitarfélög sem eiga aðild að Sambandinu eiga rétt til að senda fulltrúa á landsþingið í samræmi við íbúafjölda í viðkomandi sveitarfélagi 1. janúar 2026, sbr. ákvæði 5. gr.samþykkta Sambandsins. Þá eiga framkvæmdastjórar sveitarfélaga, þ.e. bæjar- og sveitarstjórar, auk formanna og framkvæmdastjóra landshlutasamtaka sveitarfélaga, rétt til setu á landsþingi með málfrelsi og tillögurétti.

Tekinn fyrir póstur frá Atlantsflugi ehf., dagsettur þann 2. febrúar sl., þar sem vakin er athygli á þingsályktunartillögu sem nú liggur fyrir Alþingi, 16. mál á 157. löggjafarþingi, um að koma á fastri starfsstöð fyrir eina af þyrlum
Landhelgisgæslu Íslands (LHG) á Akureyri. Hér er beinn tengill á þingsályktunartillöguna:
https://eur01.safelinks.protection.outlook.com/?url=https://www.althingi.is/thingstorf/thingmalalistar-eftir-
thingum/ferill/157/16/?ltg=157&mnr=16&data=05|02|dalvikurbyggd@dalvikurbyggd.is|548e4dd96b96

Sveitarfélagið er hvatt til að nýta sér umsagnarfrestinn og koma fram með sjálfstæða umsögn þar sem tekið er mið af hagsmunum íbúa og mikilvægi þess að fjármunir ríkisins séu nýttir á sem skilvirkastan hátt.

Tekinn fyrir rafpóstur frá Heilbrigðiseftirliti Norðurlands eystra, dagsettur þann 6. febrúar sl., þar sem Vakin er athygli á því að drög að frumvarpi um breytingar á lögum um hollustuhætti og mengunarvarnir eru nú til umsagnar í samráðsgátt stjórnvalda. Um er að ræða mál nr. S-3/2026. https://island.is/samradsgatt/mal/4150


Breytingarnar fela í sér umfangsmikinn flutning verkefna og valds frá kjörnum fulltrúum í heilbrigðisnefndum sveitarfélaga til ríkisins. Til að mynda flytur frumvarpið öll sértæk þvingunarúrræði laga nr. 7/1998 um
hollustuhætti og mengunarvarnir (áminningar, dagsektir, stöðvun framkvæmda o.s.frv.) frá sveitarfélögum til ríkisins (Umhverfis- og orkustofnunar).
Í greinargerð með frumvarpinu kemur fram að breytingarnar muni hafa neikvæð áhrif á sveitarfélögin. Þar segir orðrétt:
„Viss óbein neikvæð áhrif á sveitarfélög kunna að felast í því að sérfræðiþekking sem hingað til hefur verið bundin við sveitarstjórnarstig flytjist að hluta til ríkisins [...]. Þá mun tiltekinn einskiptiskostnaður falla á sveitarfélög, t.d. vegna mögulegra biðlaunagreiðslna o.fl.“
Sveitarfélög á Norðurlandi eystra eru hvött til þess að kynna sér efni frumvarpsins vel og skila inn umsögnum í samráðsgátt fyrir 17. febrúar nk.

Tekinn fyrir rafpóstur frá nefnda- og greiningarsviði Alþingis, dagsettur þann 28. janúar sl., þar sem Velferðarnefnd Alþingis sendir til umsagnar 305. mál ? Framkvæmd öryggisráðstafana samkvæmt dómsúrlausn
Frestur til að senda inn umsögn var til og með 11. febrúar sl.

Tekið fyrir erindi frá nefnda- og greiningarsviði Alþingis, dagsett þann 28. janúar sl., þar sem Velferðarnefnd Alþingis sendir til umsagnar311. mál ? Réttindavernd fatlaðs fólks
Frestur til að senda inn umsögn var til og með 11. febrúar sl.

Tekið fyrir erindi frá nefnda- og greiningarsviði Alþingis, rafpóstur dagsettur þann 29. janúar sl., þar sem Velferðarnefnd Alþingis sendir til umsagnar 312. mál ? Atvinnuleysistryggingar og vinnumarkaðsaðgerðir (stytting
bótatímabils o.fl.)
Frestur til að senda inn umsögn var til og með 11. febrúar sl.

Lögð fram til kynningar fundargerð stjórnar Samband íslenskra sveitarfélaga nr. 992 frá 23. janúar sl.

Tekið fyrir erindi frá framkvæmdastjóra Lánasjóðs sveitarfélaga, dagsett þann 12. febrúar sl., þar sem fyrir hönd tilnefningarnefndar Lánasjóðs sveitarfélaga er komið á framfæri erindi við alla kjörna fulltrúa í sveitarstjórn.
Auglýst er eftir framboðum í stjórn Lánasjóðs sveitarfélaga og óskar tilnefningarnefnd eftir að framboð séu send í síðasta lagi kl. 12:00 á hádegi föstudaginn 27. febrúar nk.

Tekið fyrir erindi frá vinabæ Dalvíkurbyggðar á Grænlandi, dagsett þann 4. febrúar sl., þar sem óskað er eftir stuðningi og þátttöku í að kaupa tvær neyðarrafstöðvar til að tryggja hita og grunnþjónustu.