Byggðaráð

Undir þessum lið komu á fund byggðaráðs, Þorsteinn G. Þorsteinsson, löggiltur endurskoðandi frá KPMG, Eyrún Rafnsdóttir, sviðsstjóri félagsmálasviðs, Gísli Bjarnason, sviðsstjóri fræðslu- og menningarsviðs, og eftirtaldir aðalmenn í sveitarstjórn; Gunnar Kristinn Guðmundsson og Kristinn Bogi Antonsson, kl. 13:15.
Með fundarboði byggðaráðs fylgdi ársreikningur Dalvíkurbyggðar fyrir árið 2025.

Þorsteinn G. Þorsteinsson, endurskoðandi, fór yfir reikninginn og kynnti helstu niðurstöður.

Þorsteinn, Eyrún, Gunnar Kristinn og Kristinn Bogi viku af fundi kl. 14:07.

Gísli Bjarnason, sviðsstjóri fræðslu- og menningarsvið, sat fundinn undir þessum lið.

Á 383. fundi sveitarstjórnar þann 4. nóvember 2025 var eftirfarandi bókað:
"Á 1160. fundi byggðaráðs þann 9. október sl. var eftirfarandi bókað:
Á 310. fundi fræðsluráðs þann 8. október sl. var eftirfarandi bókað:
Gísli Bjarnason, sviðsstjóri fræðslu - og menningarsviðs, leggur fram drög að erindisbréfi vinnuhóps um framtíðarsýn á skólahúsnæði í Dalvíkurbyggð og einnig er fundagerð fyrsta fundar lögð fram til kynningar.
Niðurstaða : Fræðsluráð samþykkir með fimm atkvæðum erindisbréf vinnuhóps um framtíðarsýn skólahúsnæðis í Dalvíkurbyggð."
Í meðfylgjandi erindisbréfi kemur fram að ákvörðun um fundarþóknun vinnuhópsins sé byggðaráðs.
Niðurstaða : Byggðaráð samþykkir samhljóða með 3 atkvæðum erindisbréfið eins og það liggur, með smá lagfæringu á orðalagi í punkti #2 undir tilgangi/hlutverki, og samþykkir að vinnuhópurinn verði ekki launaður, sbr. það sem almennt gildi með vinnuhópa sveitarfélagsins."
Niðurstaða :
Til máls tók:
Helgi Einarsson.
Fleiri tóku ekki til máls.
Sveitarstjórn samþykkir samhljóða með 7 atkvæðum ofangreinda afgreiðslu byggðaráðs og fyrirliggjandi tillögu að erindisbéfi vinnuhóps um framtíðarsýn skólahúsnæðis í Dalvíkurbyggð."

Með fundarboði byggðaráðs fylgdi skýrsla ofangreinds vinnuhóps sem sviðsstjóri fræðslu- og menningarsviðs kynnti.


Fram kom að nokkrir valkostir voru skoðaðir en á síðasta fundi hjá hópnum komst hann að þeirri niðurstöðu að ekki væri tímabært að fara í framkvæmdir eins og er, helgast það fyrst og fremst á því að grunnskóladeildin sem var í Árskógarskóla fer í Dalvíkurskóla næsta haust og skapast þá möguleiki á að nýta húsnæði Árskógarskóla betur ef þörf verður á og bjóða þar uppá leikskóladvöl fyrir börn. Taka svo upp þráðinn aftur ef íbúum/nemendum fer að fjölga verulega.

Á 383. fundi sveitarstjórnar þann 4. nóvember sl. var eftirfarandi bókað:
"Sveitarstjórn samþykkir samhljóða með 7 atkvæðum ofangreinda tillögu fræðsluráðs um að frá og með haustinu
2026 verði grunnskólastig Árskógarskóla fært til Dalvíkurskóla. Sveitarstjórn samþykkir jafnframt samhljóða að ekki
verði ráðið í stöðu deildarstjóra Árskógarskóla í ljósi þessara breyting."

Á 314. fundi fræðsluráðs þann 11. mars sl. var eftirfarandi bókað:
"Gísli Bjarnason, sviðsstjóri fræðslu - og menningarsviðs fer yfir stöðu mála á verkefninu. Niðurstaða : Lagt fram til kynningar."

Gísli Bjarnason, sviðsstjóri fræðslu- og menningarsviðs, kynnti í hvaða farvegi þessar breytingar eru.

Undir þessum lið komu á fund byggðaráðs Helga Íris Ingólfsdóttir, deildarstjóri Eigna- og framkvæmdadeildar, og Jón Stefán Jónsson, íþróttafulltrúi, kl. 14:34.
Gísli Bjarnason sat fundinn áfram.

Á 387. fundi sveitarstjórnar þann 17. febrúar sl. var samþykkt sú breytingatillaga Freys Antonssonar að samþykkja stærri viðauka við fjárhagsáætlun 2026 vegna gufuklefa á lóð Íþróttamiðstöðvar að upphæð kr. 26.300.000 þar sem að hans mati væri tillaga gufuklefa með áætlun upp á kr. 4.000.000 of lítil, engin forstofa, engin sturta. Í tillögu Freys kom jafnframt fram að hans mat er að sveitarfélagið eigi að fara í stærra hús með forstofu, sturtu og stærri gufuklefa.

Með fundarboði byggðaráðs fylgdi minnisblað Helgu Írisar Ingólfsdóttur, deildarstjóra Eigna- og framkvæmdadeildar, og Jón Stefáns Jónssonar, íþróttafulltrúa, dagsett þann 14. apríl 2026.
Fram kemur að leitað hefur verið nýrra tilboða í samræmi við samþykkt sveitarstjórnar og skoðað og borið saman valkosti, í samráði við starfsmenn Íþróttamiðstöðvar, sem uppfylla það að vera með stærra gufurými, forstofu og innisturtu. Fimm mismunandi kostir voru skoðaðir. Niðurstaðan var að óska eftir tilboði í sérsmíði frá sauna.is þar sem saunarýmið yrði aðeins stærra, þak einhalla og klefinn speglaður frá upphaflegu tilboði. Beðið er eftir tilboði frá þeim í þessa sérsmíði.

Til umræðu ofangreint.

Helga Íris vék af fundi kl. 14:46.

Á 1179. fundi byggðaráðs þann 9. apríl sl. var eftirfarandi bókað:
"Tekið fyrir erindi frá íþróttafulltrúa, dagsett þann 30. mars sl. og 7. apríl sl., þar sem óskað er eftir viðauka við fjárhagsáætlun 2026 vegna kaupa á hljóðkerfi í Íþróttamiðstöð. Beiðnin kom fram við gerð fjárhagsáætlun 2026 en var hafnað. Óskað er eftir viðauka að upphæð kr. 2.675.000. Fram kemur að ekki er metið svigrúm til lækkunar á öðrum liðum á móti.
Niðurstaða : Afgreiðslu frestað til næstu viku."

Með fundarboði byggðaráðs fylgdu upplýsingar frá íþróttafulltrúa um að ekki er metið svigrúm innan fjárhagsramma Íþróttamiðstöðvar til að mæta þessari viðaukabeiðni.

Gísli og Jón Stefán viku af fundi kl. 14:54.

Á 387. fundi sveitarstjórnar þann 17. febrúar sl. var eftirfarandi m.a. bókað:
"Sveitarstjórn samþykkir samhljóða með 7 atkvæðum að taka undir bókun félagsmálaráðs og lýsir sveitarstjórn yfir mikilli óánægju sinni með ákvörðun Félags- og húsnæðismálaráðuneytisins um að hætta að veita fjárstyrk í störf tengiráðgjafa í verkefninu Gott að eldast. Sveitarstjórn skorar á ráðuneytið að staðið verði við nýgerða samninga á meðan tilraunaverkefninu Gott að eldast stendur. Mjög mikil vinna og metnaður hefur farið í þetta verkefni. Gott að eldast verkefnið hefur gengið mjög vel en er á mjög viðkvæmum stað og mikilvægt að sú vinna sem er í gangi fái að halda áfram óáreitt. Sveitarstjórn jafnframt fer fram á fund um málið með ráðherra/ráðuneytinu sem fyrst."

Með fundarboði byggðaráðs fylgdi erindi sveitarstjóra til Verkefnastjórnar verkefnisins Gott að eldast, dagsett þann 13. apríl sl.
Fram kemur m.a. að í ljósi þess árangurs sem náðst hefur hér í Dalvíkurbyggð þá er óskað eftir því að halda því fjármagni sem verkefnið hefur fengið vegna tengiráðgjafa sem og að aukið verði við greiðslur til HSN
vegna verkefnisins.

Á 1178. fundi byggðaráðs þann 24. mars sl. voru samþykkt fyrirliggjandi samningsdrög vegna framlengingu á verktakasamningi vegna embættis byggingarfulltrúa á milli Dalvíkurbyggðar og Akureyrarbæjar um 6 mánuði eða til og með 30. september.
Með fundarboði byggðaráðs fylgdu uppfærð samningsdrög þar sem fram kemur breytingartillaga frá Akureyrarbæ varðandi skoðun á áframhaldandi samstarfi og því að gerður verði nýr heildarsamningur um verkefnið með gildistöku 1. október 2026.

Með fundarboði byggðaráðs fylgdu einnig upplýsingar um þau áform að byggingarfulltrúi muni hafa ákveðna fasta viðveru í Dalvíkurbyggð.

Undir þessum lið kom á fund byggðaráðs Óðinn Steinsson, verkefnastjóri þvert á svið kl.15:06.

Með fundarboði byggðaráðs fylgdi viðaukabeiðni frá Framkvæmdasviði vegna veitna:
Vatnsveita liður 44200-11606 hækki nettó um kr. 9.500.000 með eftirfarandi sundurliðun:
Nýtt verkefni; Ljóstæki vatnstankur Upsa, kr. 4.000.000.
Hækkun á verkefni; Hönnun og nýlagnir Hamar, kr. 2.000.000.
Tekið út verkefni; Brattavellir - ljóstæki, kr. -3.000.000.
Nýtt verkefni; Bakkavarnir í landi Bakka, kr. 3.500.000.
Nýtt verkefni; Vatnsöflun Árskógsströnd, kr. 7.000.000.
Tekið út verkefni; Tenging við Engihlíð, Sólvelli og Vallholt, kr. -4.000.000.

Hitaveita liður 48200-11607, nettó breyting lækkun um kr. -29.289.000.
Tekið út verkefni; Djúpdæla HA 11 niðursetning, kr. -16.000.000.
Lækkun á verkefni; Endurnýjun dæli í ÁRS32, kr -4.200.000.
Hækkun á verkefni; Þorvaldsdalur uppgjör v. 2025, kr. 12.411.000.
Hækkun á verkefni; Þorvaldsdalur áætlun 2026, kr. 9.000.000.
Nýtt verkefni; Endurnýjun á dælu í ÁRS29, kr. 15.000.000.
Tekið út verkefni; Sameining borholuskúra; kr. -15.000.000.
Tekið út verkefni; Þak á hitaveitutanki Hamri; kr. -13.900.000.
Tekið út verkefni; Loftræsting á dælustöðvar; kr. - 8.000.000.
Lækkun á verkefni; Kaup á mælum; kr. - 8.000.000.

Búnaðarbeiðni á lið 47310-2810, kaup á Leica GPS staf kr. 3.950.000.
Alls breyting til lækkunar kr. -25.339.000.


Fráveita, liður 74200-11503; nettó breyting hækkun um kr. 19.500.000.
Lækkun á verkefni; Nýlagnir og endurnýjun lagana, kr. -1.000.000.
Nýtt verkefni; Framlenging útrásar á Hauganesi, kr. 18.000.000.
Nýtt verkefni; Endurnýjun stjórnbúnaðar, kr. 2.500.000.

Óðinn gerði grein fyrir ofangreindum viðaukabeiðnum veitna.

Óðinn vék af fundi kl. 15:57.

Tekið fyrir erindi frá deildarstjóra Eigna- og framkvæmdadeildar, dagsett þann 13. apríl sl., þar sem óskað er eftir viðauka við fjárhagsáætlun 2026 vegna innviðauppbyggingar fyrir frístundalóðir á Hamri.Fram kemur að ekki var gert ráð fyrir innviðauppbyggingu á Hamri í fjarhagsáætlun 2026, en mikill vilji er til þess að ná að auglýsa lausar fleiri lóðir á svæðinu sem fyrst. Gert er ráð fyrir að hægt verði að auglýsa og úthluta 10 lóðum til viðbótar vestast á svæðinu auk þess að bæta aðkomu að tveimur lóðum sem nú þegar er búið að úthluta ef fjárheimild fæst.


Óskað er eftir viðauka að upphæð kr. 4.500.000 á lið 32200-11900 vegna gatnagerðar á svæðinu og kr. 9.000.000 á lið 48200-11607 vegna lagningu á nýrri stofnæð hitaveitu frá borholunum að Hamri niður í nýja hverfið.

Tekinn fyrir rafpóstur frá Sambandi íslenskra sveitarfélaga, dagsettur þann 10. mars sl., er varðar boð um þátttöku í rammasamningi vegna kaupa á hugbúnaðarleyfum frá Microsoft.Stafræna teymið kannar áhuga sveitarfélaga á að taka þátt í rammasamningi vegna Microsoft hugbúnaðarleyfa. Forsaga málsins er að rammasamningur ríkisins rennur út síðar í mánuðinum og sveitarfélögunum er boðið að taka þátt í nýjum samningi. Sveitarfélögum stendur til boða að fá rammasamning sem á að tryggja hagstæðari kjör til næstu 3-5 ára. Mörg sveitarfélög þurfi þessar vikurnar að taka ákvörðun um endurnýjun leyfa.

Þau sveitarfélög sem hafa áhuga á að taka þátt voru beðin að senda upplýsingar þess efnis eigi síðar en 17. mars sl.

Með fundarboði byggðaráðs fylgdi minnisblað innanhúss frá kerfisstjóra Dalvíkurbyggðar fyrir hönd UT-teymis þar sem fram kemur rökstuðningur fyrir því að UT-teymi samþykkti ekki að taka þátt.

Bókað í trúnaðarmálabók.

Byggðaráð samþykkir samhljóða með 3 atkvæðum viðaukabeiðni nr. 21 við fjárhagsáætlun 2026 þannig að deild 04210 hækki um kr. 1.098.805, deild 04240 hækki um kr. 291.626 og deild 05620 hækki um kr. 1454.805. Alls viðauki að upphæð kr. 1.536.236. Byggðaráð samþykkir samhljóða að viðaukanum verði mætt með lækkun á handbæru fé.
Vísað til umfjöllunar og afgreiðslu sveitarstjórnar.

Bókað í trúnaðarmálabók.

Bókað í trúnaðarmálabók.

Tekið fyrir erindi frá Sýslumanninum á Norðurlandi eystra, dagsett þann 7. apríl sl., þar sem óskað er eftir umsögn um umsókn um tækifærileyfi frá Jóni S. Hreinssyni vegna dansleikjar þar sem dansaður verður Svarfdælskur Mars. Staðsetning: Rimar í Svarfaðardal, þann 18. apríl nk.
Fyrir liggur jákvæð umsögn frá slökkviliðsstjóra Dalvíkurbyggðar, dagsett þann 7. apríl sl.

Tekið fyrir erindi frá Umboðsmanni barna, dagsett þann 13. apríl sl., þar sem fram kemur að Umboðsmaður hvetur sveitarstjórnir og ungmennaráð sveitarfélaga til þess að standa fyrir krakkakosningum í sínu sveitarfélagi í samstarfi við nemendaráð og grunnskóla sveitarfélagsins. Umboðsmaður barna óskar eftir að fá upplýsingar um það hvort og með hvaða hætti sveitarfélagið muni bregðast við þessari hvatningu.