Byggðaráð

Til umræðu vinna við starfs- og fjárhagsáætlun Dalvíkurbyggðar 2026-2029, sbr. meðfylgjandi Samþykkt um fjárhagsáætlunarferli Dalvíkurbyggðar.Fyrstu skref eru:

a) Umræður um hugmyndir að verkefnum, framkvæmdum, áherslum, forgangsröðun og stefnu.
b) Umræður um tillögur að verklagi, fjárhagsleg markmið, áhættumat og tímaramma.
c) Ákvörðun um markmið fjárhagsáætlunar og stefna sett.
d) Tillaga að auglýsingu vegna erinda.
e) Rafrænar kannanir.
f) Tímarammi fjárhagsáætlunar.
g) Fundur sveitarstjóra og stjórnenda fagsviða með kjörnum fulltrúum til að fara yfir verkefni, stefnu og áherslur í fjárhagsáætlunarvinnunni.
h) Þjónustustefnan.

Til umræðu ofangreint.

Á 1145. fundi byggðaráðs þann 30. apríl sl. var eftirfarandi bókað:
Tekið fyrir erindi frá Innviðaráðuneytinu, dagsett þann 8. apríl sl., þar sem óskað er eftir upplýsingum frá sveitarfélögum um hver heildaráhrif kjarasamnings við Kennarasamband Íslands er í krónum talið eru umfram þær forsendur sem lagðar voru fram í fjárhagsáætlun. Jafnframt óskar nefndin eftir upplýsingum um hvort að sveitarfélögin ætli að bregðst sérstaklega við þessum kostnaðarauka og ef svo er, með hvaða ætti.
Niðurstaða : Heildarviðauki við launáætlun 2025 er í vinnslu og vonast er til að hægt verði að leggja hann fyrir byggðaráð á næsta fundi. Í þeim útreikningum munu koma fram áætluð heildaráhrif kjarasamnings við Kennarasamband Íslands vegna ársins 2025."

Heildarviðauki við launaáætlun 2025 var tekinn fyrir og samþykktur í sveitarstjórn á 380. fundi þann 13. maí sl. að upphæð kr. 27.946.449 nettó. Hækkunin brúttó vegna málaflokks 04, fræðslu- og uppeldismál, er 38.332.439.

Til umræðu ofangreint.

Sviðsstjóri fjármála- og stjórnsýslusviðs kynnti eftirfarandi skýrslur:
Samanburður bókhalds janúar - apríl vs. heimildir í fjárhagsáætlun 2025.
Samanburður launakostnaður per deildir janúar - apríl vs. heimildir í fjárhagsætlun 2025.
Samanburður stöðugildi per deildir janúar- apríl vs. heimildir í fjárhagsáætlun 2025.
Samanburður fjárfestinga og framkvæmda m.v. bókfærða stöðu 21.05.2025 vs. heimildir í fjárhagsáætlun 2025.
Samanburður á staðgreiðslu sveitarfélaga vs. Dalvíkurbyggðar janúar - apríl 2025 vs. 2024.

Á 379. fundi sveitarstjórnar þann 15. apríl sl. var eftirfarandi bókað:
"Á 377.fundi sveitarstjórnar þann 18.febrúar sl. var eftirfarandi bókað:
Sveitarstjórn samþykkir samhljóða með 7 atkvæðum ofangreinda afgreiðslu byggðaráðs og lokadrög vegna verðfyrirspurnar um rekstur tjaldsvæðis á Dalvík.
Á 1144.fundi byggðaráðs þann 10.apríl var eftirfarandi bókað:
Með fundarboði byggðaráðs fylgdi minnisblað deildarstjóra Eigna- og framkvæmdadeildar, dagsett þann 24. mars sl., þar sem gert er grein fyrir niðurstöðum úr verðfyrirspurn vegna tjaldsvæðisins á Dalvík. Tvö tilboð bárust; frá Draumablá ehf. og frá EB ehf. Eftir yfirferð og skoðun tilboða er lagt til að gengið verði til samninga við Draumablá ehf. um rekstur á tjaldsvæðinu á Dalvík frá 15. apríl 2025 til 1. október 2027.
Byggðaráð samþykkir samhljóða með 2 atkvæðum að gengið verði til samninga við Draumablá. Vísað til umfjöllunar og afgreiðslu í sveitarstjórn. Lilja Guðnadóttir tekur ekki þátt í atkvæðagreiðslu vegna vanhæfis."
Niðurstaða : Til máls tók:
Katrín Sif Ingvarsdóttir lýsir yfir vanhæfi sínu við umfjöllun og afgreiðslu málsins og vék af fundi kl. 16:58
Sveitarstjórn samþykkir með 5 atkvæðum ofangreinda afgreiðslu byggðaráðs að gengið verði til samninga við Draumablá ehf. frá 15.apríl 2025 til 1.október 2027, með möguleika á framlengingu tvisvar sinnum í eitt ár í senn.
Lilja Guðnadóttir og Katrín Sif Ingvarsdóttir komu aftur til fundar kl. 17:00."

Með fundarboði byggðaráðs fylgdu drög að samningi um rekstur og umsjón tjaldsvæðisins á Dalvík við Draumablá ehf.

Tekið fyrir erindi frá deildarstjóra Eigna- og framkvæmdadeildar, dagsett þann 12. maí sl., þar sem óskað er eftir að þjónustusamningur um snjómokstur og hálkuvarnir á Dalvík verði framlengdur. Lagt er til að samningurinn verði framlengdur um eitt ár eins og heimilt er, eða til 15. maí 2026. Fram kemur að fyrir liggur beiðni frá Steypustöðinni á Dalvík ehf. um aðra framlengingu.

Tekið fyrir erindi frá Umhverfis-,orku- og loftlagsráðuneytinu, dagsett þann 8.maí sl., þar sem fram kemur að Evrópsk Samgönguvika er haldin dagana 16. - 22. september ár hvert og hafa borgir, bæir, fyrirtæki og félagasamtök á Íslandi tekið þátt í þessu skemmtilega átaki frá árinu 2002. Markmið vikunnar er að kynna fyrir íbúum í þéttbýli fjölbreytta samgöngumáta sem eru vistvænir, hagkvæmir og bæta heilsu fólks um leið og þeir hafa jákvæð áhrif á umhverfið. Þema samgönguviku árið 2025 er Samgöngur fyrir öll þar sem m.a. er horft til aðgengismála ólíkra hópa og innan sveitarfélaga. Aðrar áherslur, til að mynda skemmtilegir viðburðir eins og hjólaleiðsögn, samhjól og önnur skemmtileg nálgun á vistvænar samgöngur er þó ekki síður velkomin.Síðustu ár hafa sveitafélög og félagasamtök staðið fyrir ýmsum viðburðum í tengslum við vikuna til að vekja athygli á málefninu.

Tekið fyrir erindi frá Sýslumanninum á Norðurlandi eystra, dagsett þann 19. maí sl., þar sem óskað er umsagnar vegna umsóknar um tímabundið áfengisleyfi frá K6 veitingum ehf. vegna Sjómannadagshátíðar á Dalvik í Íþróttamiðstöðinni 31. maí nk.
Fyrir liggur jákvæð umsögn frá Slökkviliðsstjóra Dalvíkurbyggðar.

Tekið fyrir erindi frá nefnda- og greiningarsviði Alþingis, dagsett þann 14. maí sl.,þar sem Atvinnuveganefnd Alþingis sendir til umsagnarfrumvarp til laga um veiðar í fiskveiðilandhelgi Íslands og stjórn fiskveiða (veiðistjórn grásleppu), 298. mál
Frestur til að senda inn umsögn ertil og með 28. maí nk.

Tekið fyrir erindi frá nefnda- og greiningarsviði Alþingis, dagsett þann 13. maí sl., þar sem Atvinnuveganefnd Alþingis sendir til umsagnar frumvarp til laga um veiðigjald (aflaverðmæti í reiknistofni), 351.mál.
Frestur til að senda inn umsögn ertil og með 26. maí nk.

Með fundarboði byggðaráðs fylgdu gögn frá Samtökum sjávarútvegssveitarfélaga varðandi ofangreint.

Tekinn fyrir rafpóstur frá Innviðaráðuneytinu, dagsettur þann 14. mai sl., þar sem fram kemur að Innviðaráðuneytið vekur athygli á því að áform um lagabreytingar sem innviðaráðherra hyggst leggja fram á næsta haustþingi hafa verið birt í samráðsgátt stjórnvalda.
Annars vegar er um að ræða frumvarp til laga um breytingu á lögum um tekjustofna sveitarfélaga (skattlagning orkumannvirkja) og hins vegar er um að ræða frumvarp til laga um breytingu á sveitarstjórnarlögum (endurskoðun sveitarstjórnarlaga).
Frestur til að veita umsögn um áformin er til 9. júní nl.

Tekið fyrir erindi frá Markaðsstofu Norðurlands, dagsett þann 19. mai sl., þar sem Markaðsstofa Norðurlands boðar til aðalfundar mánudaginn 2. júní 2025 kl. 13:00-15:00. Fundurinn verður haldinn á Múlabergi, Hótel Kea á Akureyri. Öll eru hvött til þess að mæta á fundinn og athygli er vakin á því að aðeins þau sem mæta á staðinn geta tekið þátt í kosningu til
stjórna

Lögð fram til kynningar fundargerð frá ársþingi SSNE þann 2. - 3. apríl sl.

Lögð fram til kynningar fundargerð stjórnar SSNE, nr. 73 frá 7. maí sl.

Lögð fram til kynningar fundargerð stjórnar Samtaka sjávarútvegssveitarfélaga, nr. 89 frá 7. maí sl.