Byggðaráð

Frestað.

Undir þessum lið koma á fund byggðaráðs Halla Dögg Káradóttir, veitustjóri, kl. 13:17.

a) Með fundarboði byggðaráðs fylgdi erindi þar sem fram kemur að í fjárhagsáætlun 2025 er heimild fyrir kaupum á vaktbíl fyrir veitur að upphæð kr. 11.900.000. Vinnuhópur tækjabúnaðar Dalvíkurbyggðar telur tvo kosti í stöðinni. Fyrri kosturinn er að kaupa nýjan, óbreyttan bíl og láta breyta honum eða kaupa notaðan breyttan bíl og bæta við búnaði sem þörf er á, en hvort heldur sem er þá nægir ekki sú upphæð sem gert er ráð fyrir á fjárfestingaáætlun. Veitustjóri óskar eftir að fá að selja núverandi vaktbíl og nota söluandvirðið í að breyta nýjum, tilvoandi vaktbíl eða kaupa notaðan breyttan bíl og nota hluta að sölu núverandi vaktbíls til breytinga. Áætlað söluandvirði eru kr. 5.000.000.

Einnig fylgdi með fundarboði byggðaráðs rökstuðningur starfsmanns veitna fyrir hönd vinnuhóps um tækjabúnað Dalvíkurbyggðar, dagsettur þann 5. apríl sl.

b) Með fundarboði byggðaráðs fylgdi beiðni frá vinnuhópi um tækjabúnað Dalvíkurbyggðar varðandi skráningu bifreiða, dagsett þann 3. apríl sl. Vinnuhópurinn óskar eftir heimild til að breyta skráningu á milli deilda á nýjum RAV4 og Outlander þannig að RAV4 bifreiðin verði skráð á og rekin af félagsmálasviði og Outlander verði skráð á og rekinn af fræðslu- og menningarsviði. Jafnframt er þess óskað að nýr vaktbíll veitna verði skráður á almenn skáningarnúmer en ekki á vsknúmer.

Með fundarboðii byggðaráðs fylgdi erindi frá veitustjóra, dagsett þann 7. apríl sl., þar sem óskað er eftir viðauka vegna kaupa á djúpdælu að upphæð kr. 12.578.855. Lagt er til að kr. 5.000.000 sem eru á áætlun ársins 2025 vegna dælunnar sé notað upp í lokagreiðsluna fyrir dælunni þannig að nettó viðauki verði kr. 7.578.855 á lið 48200-11606 og að niðursetning hennar verði færð til ársins 2026.

Halla Dögg vék af fundi kl. 13:38.

Tekið fyrir erindi frá Innviðaráðuneytinu, dagsett þann 8. apríl sl., þar sem óskað er eftir upplýsingum frá sveitarfélögum um hver heildaráhrif kjarasamnings við Kennarasamband Íslands er í krónum talið eru umfram þær forsendur sem lagðar voru fram í fjárhagsáætlun. Jafnframt óskar nefndin eftir upplýsingum um hvort að sveitarfélögin ætli að bregðst sérstaklega við þessum kostnaðarauka og ef svo er, með hvaða ætti.

Tekið fyrir erindi frá formanni stjórnar Dalbæjar, dagsett þann 21. apríl sl., þar sem óskað er eftir styrkveitingu vegna söfnunar fyrir nýju hljóðkerfi á Dalbæ.Fram kemur að ákveðið hefur verið að hrinda af stað söfnun fyrir umræddum búnaði og ætla Hollvinasamtök Dalbæjar að aðstoða Dalbæ með söfnunina.

a) Heildarlaunaviðauka 2025 frestað til næsta fundar.

b) Sviðsstjóri fjármála- og stjórnsýslusviðs upplýsti að uppfært skjal er komið á heimasíðuna varðandi launakjör kjörinna fulltrúa Dalvíkurbyggðar fyrir árið 2025; https://www.dalvikurbyggd.is/static/files/240815.samthykkt-um-starfsljor.-laun-og-thoknanir-kjorinna-fulltrua2222-merged.pdf

Sviðsstjóri fjármála- og stjórnsýslusviðs kynnti tillögur að breytingum á Samþykkt um fjárhagsáætlunarferli Dalvíkurbyggðar. Í grunninn er ekki um efnislegar breytingar að ræða á ferlinu heldur tæknilegar breytingar.

Undir þessum lið kom á fund byggðaráðs íþróttafulltrúi, kl. 14:28.
Freyr Antonsson kom á fundinn undir þessum lið kl. 14:29.
´
Á 172. fundi sveitarstjórnar þann 15. apríl sl. var eftirfarandi bókað:
"Á 1144.fundi byggðaráðs þann 10.apríl sl. var eftirfarandi bókað:
Á 172. fundi íþrótta- og æskulýðsráðs þann 1. apríl sl. var eftirfarandi bókað:
Íþróttafulltrúi fer yfir greinagerð sína um stöðu knattspyrnudeildar UMFS vegna ÍB korta.
Niðurstaða : Íþrótta- og æskulýðsráðs leggur til að breytingar verði gerðar á gjaldskrá. Boðið verði upp á ÍB-kort til þriggja mánaða, sex mánaða og tólf mánaða.
Í greinargerð íþróttafulltrúa, dagsett þann 19. mars sl., kemur m.a. fram að nú um áramót tóku í gildi svokölluð ÍB- kort í Íþróttamiðstöðina, sem í rauninni eru sérstök kort en byggð á 65% afslætti af árskorti. Slíkt sé auðvitað mikil búbót fyrir flest íþróttafélög í plássinu en þó er því öfugt farið með Knattspyrnudeild UMFS sem sér nú fram á aukin fjárútlát (þar sem deildin hefur undanfarin ár haft frían aðgang að aðstöðunni). Fram kemur í greinargerðinni að athugasemdir hafa borist frá forsvarsmönnum meistraraflokka kvenna og karla í knattspyrnu vegna þessara breytinga.
Byggðaráð samþykkir samhljóða með 3 atkvæðum ofangreinda tillögu að boðið verði einnig upp á ÍB-kort til þriggja mánaða og sex mánaða.
Vísað til umfjöllunar og afgreiðslu sveitarstjórnar."
Niðurstaða : Enginn tók til máls.
Sveitarstjórn samþykkir samhljóða með 7 atkvæðum ofangreinda afgreiðslu byggðaráðs að boðið verði upp á ÍB-kort til þriggja og sex mánaða."

Með fundarboði byggðaráðs fylgdi minnisblað íþróttafulltrúa, dagsett þann 23. apríl 2024, þar sem kemur fram að til að loka ÍB-korta málinu endanlega og koma enn frekar til móts við sérstöðu knattspyrnu umfram önnur íþróttafélög í Dalvíkurbyggð leggur íþróttafulltrúi til að sökum þess að knattspyrna er hópíþrótt væri góður kostur að ÍB-kort verði í boði sem 10 skipta klippikort í nafni félags. (Nú þegar eru til 10 skipta klippikort í gjaldskrá íþróttamiðstöðvar). Tekið er fram að öll félög gætu nýtt sér klippikort.

Með fundarboði fylgdi einnig gjaldskrá Íþróttamiðstöðvar þar sem búið er að bæta við ofangreindri tillögu.

Jón Stefán vék af fundi kl. 15:07.

Undir þessum lið kom á fund byggðaráðs Óðinn Steinsson, verkefnastjóri þvert á svið kl. 15:10.

Á 1144. fundi byggðaráðs þann 10. apríl sl. var eftirfarandi bókað:
Undir þessum lið kom á fund byggðaráðs Óðinn Steinsson, verkefnastjóri þvert á svið, kl. 15:12.
Á 1143. fundi byggðaráðs þann 27. mars sl. var m.a. eftirfarandi bókað:
"Með fundarboði byggðaráðs fylgdi rafpóstur dagsettur þann 17. mars sl., þar sem fram kemur að Stjórn Leigufélagsins Bríetar hefur samþykkt að gagna til samninga við Dalvíkurbyggð vegna þeirra 9 eigna sem Bríet hefur skoðað með sveitarfélaginu.
Niðurstaða : a) Byggðaráð samþykkir samhljóða með 3 atkvæðum að fá fasteignasala til að sjá um skjalagerð og frágang, sbr. tölvupóstur Leigufélagsins Bríetar frá 17. mars sl.
b) Með vísan í mál 202411101 samþykkir byggðaráð samhljóða með 3 atkvæðum að fela verkefnastjóra þvert á svið að upplýsa leigjendur í Lokastíg 2 um ofangreint."
Verkefnastjóri og sveitarstjóri gerðu grein fyrir stöðu málsins og vinnu á milli funda.
Niðurstaða : Afgreiðslu frestað þar sem tilboð frá Leigufélaginu Bríet vantar."

Með fundarboði byggðaráðs fylgdi uppfærð vinnuskjal yfir íbúðir Dalvíkurbyggðar frá Leigufélaginu Bríeti þar sem fram kemur að með sölu leiguíbúða sveitarfélagsins þá eignast Dalvíkurbyggð kr. 115.958.378 í félaginu sem er nettó verð að teknu tilliti til uppgreiðslu áhvílandi lána og viðhaldsþörf út frá matsvirði eignanna. Matsverðið er byggt á fasteignamati og leiguverði. Kaupverðið samtals er kr. 174.166.772.
Í rafpósti frá fjármálastjóra Leigufélagsins Bríet frá 23. apríl sl. þá er gert ráð fyrir að félagið kaupi eignir af sveitarfélögum og greiði fyrir það með hlutfé.

Bókað í trúnaðarmálabók

Á 284. fundi félagsmálaráðs þann 10. desember 2024 var eftifarandi bókað:
"Lagt fram til upplýsingar staðan á samningi við Akureyrarbæ vegna Barnaverndarþjónustu. Akureyrarbær hefur sagt upp samningi við Dalvíkurbyggð mun sú uppsögn taka gildi 30.nóvember 2025."

Með fundarboði fylgdi tillaga sveitarstjóra að erindi til Akureyrarbæjar þar sem óskað er eftir þvi við Barnaverndarþjónustu Norðurlands að hefja samningaviðræður þess efnis að Dalvíkurbyggð gangi inn í Barnaverndarþjónustu Norðurlands eystra.

Tekið fyrir erindi frá Sambandi íslenskra sveitarfélaga, dagsett þann 22. apríl sl., þar sem fram kemur að Sambandið leggur í vor og sumar land undir fót og hyggst heimsækja öll sveitarfélög landsins fyrir lok kjörtímabilsins. Sambandið óskar eftir því að hitta sveitarstjórnir og sveitarstjóra hvers sveitarfélags. Markmið hringferðarinnar er að efla tengsl og samskipti milli sveitarfélaga og Sambandsins,
kynnast betur því góða starfi sem fram fer víða um land og ræða saman um framtíð sveitarstjórnarstigsins. Hver fundur er áætlaður um 90 mínútur.

Tekið fyrir erindi frá Markaðsstofu Norðurlands, dagsett þann 28. apríl sl., þar sem fram kemur að Markaðsstofan átti nýverið fundi um málefni Flugklasans með fulltrúum sveitarfélaga á Norðurlandi vestra annar vegar og Norðurlandi eystra hins vegar.
Á fundunum kom fram vilji sveitarfélaganna til að þrýsta á stjórnvöld að standa betur að uppbyggingu og markaðssetningu millilandaflugs um Akureyrarflugvöll. Rætt var um að öll sveitarfélögin myndu setja fram sameiginlega áskorun til stjórnvalda um þessi mál.
Í viðhengi eru drög að áskorun frá sveitarfélögum á Norðurlandi til stjórnvalda, byggð á umræðum á áðurnefndum fundum og ýmsum staðreyndum málsins. Markaðsstofa óskar eftir viðbrögðum frá öllum sveitarfélögum við þessum drögum.

Tekinn fyrir rafpóstur frá nefnda- og greiningarsviði Alþingis, dagsettur þann 10. apríl sl., þar sem Umhverfis- og samgöngunefnd Alþingis sendir til umsagnar271. mál ? Stefnur og aðgerðaáætlanir á sviði húsnæðis- og skipulagsmála, samgöngu og byggðamála (stefnumörkun)..
Frestur til að senda inn umsögn var til og með 25. apríl sl.

Tekinn fyrir rafpóstur frá nefnda- og greiningarsviði Alþingis, dagsettur þann 14. apríl sl., þar sem Umhverfis- og samgöngunefnd Alþingis sendir til umsagnar 272. mál ? Sveitarstjórnarlög (mat á fjárhagslegum áhrifum)
Frestur til að senda inn umsögn var til og með 28. apríl sl.

Tekinn fyrir rafpoóstur frá Náttúruhamfaratryggingum Íslands, dagsettur þann 10. apríl sl, þar sem sveitarstjórnarmönnum er boðið að mæta á ársfund Náttúruhamfaratryggingar Íslands (NTÍ) fimmtudaginn 22. maí frá kl. 11.30 til 13.00 á Grand hótel.Þess er óskað að pósti þessum verði komið til allra kjörinna fulltrúa í sveitarfélaginu. Hægt er líka að horfa á fundinn í streymi.

Lögð fram til kynningar fundargerð stjórnar SSNE nr. 72 frá 31. mars sl.

Lagðar fram til kynningar fundargerðir stjórnar Sambands íslenskra sveitarfélaga nr. 973-975.

Lagt fram til kynningar fréttatilkynning frá Samtökum fyrirtækja í sjávarútvegi undir yfirskriftinni "Verðmætasköpun á Íslandi stefnt í óvissu", sbr. rafpóstur upplýsingafulltrúa samtakanna frá 15. apríl sl.

Lagðar fram til kynningar fundargerðir stjórnar Samtaka sjávarútvegssveitarfélaga nr. 85- nr. 88.