Sveitarstjórn

Fundargerðin er í 9 liðum.
Liður 1 er sér liður; 202208067
Liður 5 er sér liður; 202209014
Liður 6 er sér liður; 202204134

Fundargerðin er í 11 liðum.
Liður 6 er sér liður; 202209046.
Liður 9 er sér liður; 202209059.

Fundargerðin er í 19 liðum.
Liður 7 er sér liður á dagskrá; 202209028
Liður 19 er sér liður á dagskrá; 202109128.

Fundargerðin er í 7 liðum.
Ekkert þarfnast afgreiðslu.

Fundargerðin er í 9 liðum.
Liður 1 er sér liður; 202209037
Liður 3 er sér liður; 202209054.

Fundargerðin er í 20 liðum.
Liður 11 er sér liður; 202206130.

Fundargerðin er í 10 liðum.
Liður 2 er sér liður; 202208113.
Liður 3 er sér liður; 202208073.
Liður 4 er sér liður; 202208106.
Liður 5 er sér liður; 202206084; 8 tl. hönnun og tilboð í nýjan stiga er sér liður,

Á 1037. fundi byggðaráðs þann 8. september sl. var eftirfarandi bókað:
"Með fundarboði byggðaráðs fylgdi tillaga að heildarviðauka II við fjárhagsáætlun 2022 ásamt minnisblaði sviðsstjóra fjármála- og stjórnsýslusviðs, dagsett þann 6. september sl. Fram kemur að búið er að setja inn alla viðauka sem gerðar hafa verið og/eða samþykktir á árinu 2022 samkvæmt töflu í minnisblaðinu. Íbúatala í Dalvíkurbyggð er sett inn miðað við stöðuna 05.09.2022 sem er 1899. Áætluð verðbólga árið 2022 er hækkuð úr 5,9% í 7,5% samkvæmt Þjóðhagsspá. Áætluð rekstrarniðurstaða A- og B- hluta er tap kr. -77.958.000. Áætluð rekstrarniðurstaða A- hluta (Aðalsjóðs og Eignasjóðs) er tap kr. -74.110.000. Upprunaleg áætlun 2022 fyrir A- og B- hluta gerði ráð fyrir tapi kr. -9.068.000. Heildarviðauki I 2022 gerði ráð fyrir tapi að upphæð kr. -35.123.000. Byggðaráð samþykkir samhljóða með 3 atkvæðum fyrirliggjandi tillögu að heildarviðauka II við fjárhagsáætlun 2022 og vísar honum til umfjöllunar og afgreiðslu sveitarstjórnar."

Á 1038. fundi byggðaráðs þann 15. september sl. var eftirfarandi bókað:
"Tekið fyrir erindi frá sviðsstjóra fræðslu- og menningarsviðs, dagsett þann 12. september sl. þar sem óskað er eftir viðauka að upphæð kr. -354.723 til lækkunar á lið 04580-4410 vegna húsaleigu til Menntaskólans á Tröllaskaga þar sem ekki er lengur verið að innheimta fyrir húsaleigu. Byggðaráð samþykkir samhljóða með 3 atkvæðum ofangreinda beiðni um viðauka nr. 21 við fjárhagsáætlun 2022, lækkun á lið 04580-4410 um kr. -354.723, þannig að hann verður kr. 0. Byggðaráð samþykkir að viðaukanum verði mætt með hækkun á handbæru fé. Vísað til umfjöllunar og afgreiðslu sveitarstjórnar."

Á 1037. fundi byggðaráðs þann 8. september sl. var eftirfarandi bókað:

a) Forsendur með fjárhagsáætlun 2023 Á fundi byggðaráðs þann 1. september sl. voru kynnt fyrstu drög að forsendum Dalvíkurbyggðar með fjárhagsáætlun 2023. Drögin voru lögð fram til kynningar og vísað til umfjöllunar og afgreiðslu á næsta fundi byggðaráðs. Meðfylgjandi eru uppfærð drög að forsendum frá síðasta fundi.

b) Tillaga að fjárhagsramma 2023 #2 Á fundi byggðaráðs þann 1. september sl. voru kynnt fyrstu drög að fjárhagsramma fyrir árið 2023 vegna vinnu við fjárhagsáætlun. Drögin voru lögð fram og næstu drögum vísað til umfjöllunar og afgreiðslu byggðaráðs. Með fundarboði byggðaráðs fylgdi tillaga #2 að fjárhagsramma 2023. Drögin byggja á fyrirliggjandi fjárhagsgáætlun 2022 með viðaukum en búið er að taka út þá viðauka er varða eingöngu árið 2022 sem og að taka inn eða út einskiptisaðgerðir sem vitað er um. Afskriftir og vextir hafa verið uppfærðir í grunninn þannig að ramminn 2023 byggi sem best á réttum áætlunargrunni 2022. Jafnframt fylgja með til upplýsingar fyrsta keyrsla að launaáætlun 2023 niður á deildir, rekstrarreikningur 2023 skv. fjárhagsramma og yfirlit yfir viðauka 2022 og breytingar á áætlunargrunni.

Byggðaráð samþykkir samhljóða með 3 atkvæðum fyrirliggjandi drög að forsendum við fjárhagsáætlun 2023; drög #2
Byggðaráð samþykkir samhljóða með 3 atkvæðum fyrirliggjandi tillögu #2 að fjárhagsaramma 2023 með þeirri breytingu að bætt verði við rammann 20 m.kr. í málaflokk 09 vegna gerðar aðalskipulags og deiliskipulaga.

Á 116. fundi veitu- og hafnaráðs þann 26. ágúst sl. var eftirfarandi bókað:
"Tekið fyrir erindi frá íbúasamtökunum á Árskógssandi, móttekið þann 20. júní 2022, þar sem komið er á framfæri óskum um ýmis mál í 22 liðum. Um er að ræða m.a. ljósastaura, göngustíga, hreinsistöð, bakkinn við Ægisgötu, leikvöll, lýsingu, stiga við Hríseyjarbryggju, krana og dekk á bryggjunni, lausagöngu dýra, malbikun, þjóðveginn, öryggismál, lýsingu og hreyfingu í höfninni, flotbryggju, hraðahrindanir, vegstubbinn frá Sjávargötu, bætt ásýnd fjörunnar, göngusvæði, torg og matjurtagarða. Ekki er um tæmandi lista að ræða. Byggðaráð samþykkir samhljóða með 2 atkvæðum að vísa erindinu áfram sem hér segir; Veitu- og hafnaráð; liður 3, 8,9,10, 14,15 og 16.Niðurstaða:Veitu- og hafnaráð samþykkir að vísa liðum 3, 8,9,10, 14,15 og 16 úr framkomnu erindi frá íbúaráði Árskógssands til fjárhagsáætlunargerðar næsta árs. Sviðsstjóra er falið að hanna og fá tilboð í nýjan stiga sbr. lið 8. Samþykkt samhljóða með fjórum atkvæðum. "

Á 1037. fundi byggðaráðs þann 8. september sl. var eftirfarandi bókað:
"Undir þessum lið komu á fund byggðaráðs Gisli Bjarnason, sviðsstjóri fræðslu- og menningarsviðs, Bjarni Daníel Daníelsson, sviðsstjóri framkvæmdasviðs, Friðrik Arnarsson, skólastjóri Dalvíkurskóla, og Helga Íris Ingólfsdóttir, deildarstjóri Eigna- og framkvæmdadeildar, kl. 13:15. Á 1036. fundi byggðaráðs þann 1. september sl. var m.a. eftirfarandi bókað: " Með fundarboði byggðaráðs fylgdi tillögur frá sviðsstjórum fræðslu- og menningarsviðs og framkvæmdaviðs: Minnisblað með tillögu að 100% starfi í Dalvíkurskóla. Drög að starfslýsingu, byggt á tillögu frá skólastjóra Dalvíkurskóla. Þarfagreining verkefna. Friðrik, Helga Íris, Gísli og Bjarni Daníel viku af fundi kl. 15:09. Byggðaráð samþykkir samhljóða með 3 atkvæðum að óska eftir að fá eftirtaldar upplýsingar og gögn fyrir næsta fund byggðaráðs: Kostnaðargreiningu; launakostnaður, akstur, rekstur bifreiðar, viðbótarkostnað miðað við 100% starf. Starfslýsing; sundurliðun á verkefnum í Dalvíkurskóla, Árskógarskóla og félagsheimilinu Árskógi. Byggðaráð óskar eftir að fá lokatillögur frá framkvæmdasviði og fræðslu- og menningarsviði hvað varðar ofangreint inn á næsta fund." Með fundarboði byggðaráðs fylgdu eftirtalin gögn: Minnisblað, dagsett þann 7. septmber sl.- framhald á eldra minnisblaði. Útreikningar launafulltrúa varðandi launakostnað. Samantekt og greining sviðsstjóra á kostnaði vegna launa og bifreiðar. Yfirfarin starfslýsing; þar sem fram kemur sundurgreining hvaða verkefni á að vinna a) í Dalvíkurskóla, b) í Árskógarskóla, c) í félagsheimilinu Árskógi, d) sem sameiginleg verkefni á starfsstövðum Árskógar- og Dalvíkurskóla og e) sérstaklega í Dalvíkurskóla. Til umræðu ofangreint. Gísli og Friðrik viku af fundi kl. 13:53. Byggðaráð samþykkir með 2 atkvæðum að samþykkja ofangreinda tillögu um nýtt 100% starf húsvarðar við Dalvíkurskóla, Árskógarskóla og félagsheimilið Árskóg, Felix Rafn greiðir atkvæði á móti. Felix Rafn Felixson leggur fram eftirfarandi bókun fyrir hönd lista Framsóknar og félagshyggjufólks: Við viljum benda á að tvær þarfagreiningar liggja fyrir á störfum sem áður voru á höndum húsvarðar í Dalvíkurskóla. Önnur var gerð 2019 og sú seinni var gerð haustið 2021, í samráði við stjórnendur, kennara og starfsfólk Dalvíkurskóla. Heimild var frá upphafi fyrir hálfu stöðugildi til að vinna afmörkuð störf til að létta undir daglegri starfsemi skólans en var ekki nýtt. Eftir seinni þarfagreininguna var sett í fjárhagsáætlun fjármagn fyrir 63% starf sem ráðið var í síðasta haust. Sú fjárheimild er enn í gildi en ekki var ráðið aftur í stöðuna þegar starfsmaður sem ráðinn var síðasta haust sagði upp í apríl á þessum ári og lét af störfum við skólalok í vor. Við hvetjum skólastjóra til að ráða í þá stöðu sem nú þegar er í fjárhagsáætlun sem allra fyrst til að leysa þau störf sem þarf að vinna samkvæmt starfslýsingu. Brýnum verkefnum sem vinna þarf þangað til að starfsmaður verði ráðinn er hægt að útvista til að þetta mál tefji ekki fyrir eða hindri almennt skólastarf. Framundan er vinna við fjárhagsáætlun næsta árs og því telur listi Framsóknar og félagshyggjufólks ekki tímabært að auka við fjármagn í eina stofnun á þessum tímapunkti þegar vitað er að stofnanir sveitarfélagins þurfa að horfa í hverja krónu við fjárhagsáætlungerðina. "

Á 1038. fundi byggðaráðs þann 15. september sl. var eftirfarandi bókað:
"Tekið fyrir erindi frá Sýslumanningum á Norðurlandi eystra, dagsett þann 12. september 2022, þar sem óskað er umsagnar um umsókn um tækifærisleyfi vegna dansleiks á Rimum 1. október nk. Fyrir liggur jákvæð umsögn frá slökkviliðsstjóra Dalvíkurbyggðar. Byggðaráð gerir ekki athugasemdir við ofangreinda umsókn."

Á 260. fundi félagsmálaráðs þann 8. september sl. var eftirfarandi bókað:
"Tekið fyrir erindi dags. 26.08.2022 frá styrktarfélagi lamaðra og fatlaðra. Send er beiðni til sveitarfélaga um þátttöku í kostnaði við rekstur sumarbúða Styrktarfélags lamaðra og fatlaðra. Miðað er við að sveitarfélagið taki þátt í kostnaði til jafns við einstaklinga frá viðkomandi svæði. Sumarið 2022 dvöldu 220 einstaklingar frá 30 sveitarfélögum í sumarbúðum Styrktarfélags lamaðra og fatlaðra í Reykjadal. Alls voru í sumarbúðum í Skagafirði 70 einstaklingar. Félagsmálaráð samþykkir samhljóða að greiða niður sumarbúðir í Reykjadal. "

Á 260. fundi félagsmálaráðs þann 8. september sl. var eftirfarandi bókað:
"Tekið fyrir erindi frá Öryrkjabandalagi Íslands dags. mars 2022 þar sem vakin er athygli á að samgöngu- og sveitarstjórnarráðuneyti vegna jöfnunarsjóðs sveitarfélaga, félagsmálaráðuneytið, Samband íslenskra sveitarfélaga og Öryrkjabandalag Íslands gera með sér samkomulag um samstarf. Um er að ræða átak sem felur í sér hvatningu ti sveitarfélaga um að vinna markvisst að úrbótum í aðgengismálum í samræmi við stefnu og framkvæmdaáætlun í málefnum fatlaðs fólks fyrir árin 2017-2021. Mikilvægt er að fatlað fólk hafi aðgengi að samfélaginu til jafns við aðra og sveitarfélögin á Íslandi gegna lykilhlutverki við að ná því markmiði. Lagt fram til kynningar."

Á 1. fundi skipulagsráðs þann 14. september sl. var eftirfarandi bókað:
"Í umsókn, dagsettri 7. september 2022, óskar Tomasz Rafal Motyl eftir því að fá úthlutaðri lóð við Ásholt 7 á Hauganesi. Skipulagsráð samþykkir umsóknina og felur Framkvæmdasviði að úthluta lóðinni. Samþykkt samhljóða með fimm atkvæðum."

Á 1. fundi skipulagsráðs þann 14. september 2022 var eftirfarandi bókað:
"Lögð fram drög Teiknistofu Arkitekta að vinnslutillögu að breytingu á Aðalskipulagi Dalvíkurbyggðar 2008-2020 vegna lagningar á Dalvíkurlínu 2. Kynningu skipulagslýsingar í samræmi við 1. mgr. 30. gr. skipulagslaga nr. 123/2010 lauk þann 19. janúar sl. Engar athugasemdir bárust. Umsagnir bárust frá Náttúrufræðistofnun Íslands, Vegagerðinni, Rarik, Tengi hf, Minjastofnun Íslands og Skipulagsstofnun. Skipulagsráð leggur til við sveitarstjórn að hún samþykki framlögð drög að vinnslutillögu, og að tillagan verði verði kynnt skv. 2. mgr. 30. gr. skipulagslaga nr. 123/2010 þegar fyrir liggur samþykki Akureyrarbæjar og Hörgársveitar á sambærilegum tillögum að breytingum á aðalskipulagi sveitarfélaganna. Samþykkt samhljóða með fimm atkvæðum."

Á 374. fundi umhverfisráðs 2022 þann 5. september 2022 var eftirfarandi bókað:
"Í bréfi, dagsettu 24. júní 2022, óskar Hulda Soffía Jónasdóttir fyrir hönd Umhverfisstofnunar eftir umsögn Dalvíkurbyggðar um það hvort að sveitafélagið telji að áætluð starfsemi Laxóss ehf. við Öldugötu 31 Árskógssandi samræmist gildandi aðalskipulag sveitafélagsins hvað varðar landnotkun og byggðaþróun og/eða hvort setja þurfi sér ákvæði í aðalskipulag vegna fyrirhugaðrar starfsemi og tengdra framkvæmda. Einnig óskar stofnunin eftir upplýsingum um hvort sveitafélagið telji að áformaðar breytingar á deiliskipulagi vegna starfseminnar geti fallið undir óverulegar breytingar sbr. 2. mgr. 43. gr. skipulagslaga nr. 123/2010 eða hvort hún falli undir 1. mgr. 43. gr. Þessi lóð, Öldugata 31, er á landnotkunarreit 703-A fyrir athafnasvæði og í gildi er deiliskipulag þar sem koma fram skilyrði um hámarksbyggingarmagn og stærð lóðar. Ekki hefur borist formleg beiðni um aðal- eða deiliskipulagsbreytingu og umhverfisráð getur því ekki tekið afstöðu að svo stöddu. Samþykkt samhljóða með fimm atkvæðum."

Á 116. fundi veitu- og hafnaráðs þann 26. ágúst sl. var eftirfarandi bókað:
"Veitu- og hafnaráð samþykkir framlagða umsókn. Samþykkt samhljóða með fjórum atkvæðum."

Á 116. fundi veitu- og hafnaráðs þann 26. ágúst sl. var eftirfarandi bókað:
"Golfklúbburinn sækir um rotþró til að tengja við áhaldahús sem er í smíðum. Veitu- og hafnaráð samþykkir framlagða umsókn. Samþykkt samhljóða með fjórum atkvæðum."

Á 116. fundi veitu- og hafnaráðs þann 26. ágúst sl. var eftirfarandi bókað:
"Erindi um að færa vatnsbrunn nær smábátahöfninni. Veitu- og hafnaráð þakkar fyrir erindið og samþykkir að fela sviðsstjóra að framkvæma færslu á vatnsbrunni."

Freyr Antonsson kom inn á fundinn að nýju og tók við fundarstjórn kl. 17:10.

Lögð fram til kynningar fundargerð stjórnar Leiguíbúða Dalvíkurbyggðar hses frá 7. september sl. - fundur nr. 61.