Sveitarstjórn

Liður 3 er sér liður á dagskrá.
Annað í fundargerðinni þarfnast ekki afgreiðslu.

Liðir 2, 3, 4, 5, 8, 9 og 10 eru sér liðir á dagskrá.
Annað þarfnast ekki afgreiðslu sveitarstjórnar.

Til máls tóku:
Katrín Sigurjónsdóttir vegna 1. liðar.
Guðmundur St. Jónsson vegna 1. liðar.

Ekkert í fundargerðinni þarfnast afgreiðslu sveitarstjórnar.

Til máls tók:
Katrín Sigurjónsdóttir undir 2.lið.

Liðir 6 og 7 eru sér liðir á dagskrá.
Annað í fundargerðinni þarfnast ekki afgreiðslu sveitarstjórnar.

Ekkert í fundargerðinni þarfnast afgreiðslu sveitarstjórnar.

Liður 1 er sér liður á dagskrá.
Annað í fundargerðinni þarfnast ekki afgreiðslu sveitarstjórnar.

Liðir 1, 2 og 4 eru sér liðir á dagskrá.
Annað í fundargerðinni þarfnast ekki afgreiðslu sveitarstjórnar.

Liður 6 er sér liður á dagskrá.
Annað í fundargerðinni þarfnast ekki afgreiðslu.

Frá 235. fundi félagsmálaráðs þann 10. desember 2019.

"Tekið fyrir erindi dags. 14. nóvember 2019 frá Mæðrastyrksnefnd Akureyrar, Hjálpræðishersins á Akureyri, Hjálparstarfi kirkjunnar og Rauða krossinum við Eyjafjörð. Óskað er eftir fjárstyrk sem nýttur er í jólaaðstoð fyrir einstaklinga í Eyjafirði. Söfnunarfé er nýtt til kaupa á gjafakortum í verslanir á svæðinu. Samtals fengu 300 fjölskyldur og einstaklingar aðstoð á síðasta ári í Eyjafirði.

Félagsmálaráð samþykkir að veita styrk að upphæð 100.000,- kr tekið af lið 02-11-9110."

Til máls tóku:
Þórhalla Karlsdóttir
Gunnþór E. Gunnþórsson

Frá 235. fundi félagsmálaráðs þann 10. desember 2019.

"Tekið var fyrir erindi frá Aflinu dags. 6. desember 2019 þar sem óskað er eftir styrk vegna reksturs Aflsins fyrir árið 2020. Aflið er samtök gegn kynferðis- og heimilisofbeldi og hefur verið starfandi frá árinu 2002. Þjónusta Aflsins er fyrir alla þá sem beittir hafa verið kynferðis- og/eða heimilisofbeldi í sinni víðustu mynd. Starfsemi Aflsins gagnvart skjólstæðingum byggir á einstaklingsviðtölum og sjálfshjálparhópum sem sýnt hefur verið fram á að er mikilvægur þáttur í því ferli að takast á við afleiðingar ofbeldis. Aflið hefur verið fjármagnað að hluta til með framlögum ríkisins en án framlaga sveitarfélaga, félagasamtaka, fyrirtækja og einstaklinga gæti Aflið ekki sinnt þeim fjölda sem til þeirra leitar ár hvert.

Félagsmálaráð samþykkir að veita styrk að upphæð 100.000,- kr tekið af lið 02-80-9145."

Frá 330. fundi umhverfisráðs þann 6. desember 2019.

"Með innsendu erindi dags. 11. september 2019 óskar Kristján E. Hjartarsson eftir byggingarleyfi fyrir hönd Steypustöðvarinnar Dalvík ehf. samkvæmt meðfylgjandi gögnum.
Einnig fylgir framkvæmdaáætlun til tveggja ára þar sem umsækjandi ætlar að uppfylla gildandi lög og reglugerðir er varðar starfsemi Steypustöðvar Dalvíkur ehf.

Umhverfisráð gerir ekki athugasemdir við umbeðið byggingarleyfi og felur sviðsstjóra að afgreiða það.
Umhverfisráð felur sviðsstjóra að fylgja eftir framlagðri framkvæmdaáætlun umsækjanda.
Samþykkt samhljóða með fimm atkvæðum."

Til máls tóku:
Guðmundur St. Jónsson
Gunnþór E. Gunnþórsson
Katrín Sigurjónsdóttir

Frá 331. fundi umhverfisráðs þann 14. desember 2019.

"Til umsagnar tillaga að breytingu á aðalskipulagi Hörgársveitar 2012 - 2024 á grundvelli 2. mgr. 30. gr. skipulagslaga nr. 123/2010. Breytingin lýtur að íbúðarsvæði, efnistökusvæði og verslunar- og þjónustusvæði sem skilgreind verða í landi Glæsibæjar. Alls nær skipulagsbreytingin til 33,2 ha lands.

Umhverfisráð Dalvíkurbyggðar gerir ekki athugasemdir við framlögð gögn. Samþykkt samhljóða með fimm atkvæðum."

Frá 331. fundi umhverfisráðs þann 14. desember 2019.

"Lögð fram til umsagnar skipulagslýsing vegna endurskoðunar á aðalskipulagi sveitarfélagsins Skagafjarðar 2020-2035.

Umhverfisráð Dalvíkurbyggðar gerir ekki athugasemdir við framlögð gögn. Samþykkt samhljóða með fimm atkvæðum."

Frá 331. fundi umhverfisráðs þann 14. desember 2019.

"Til kynningar og afgreiðslu útboðsgögn vegna snjómoksturs 2020-2023.

Umhverfisráð gerir ekki athugasemdir við framlögð gögn og leggur til að snjómokstur 2020-2023 verði boðin út sem fyrst.
Samþykkt með fjórum atkvæðum
Friðrik Vilhelmsson situr hjá."

Til máls tók:
Þórhalla Karlsdóttir sem lýsti yfir vanhæfi sínu og vék af fundi kl. 13:29.

Þórhalla kom aftur inn á fundinn kl. 13:30.

Frá 91. fundi veitu- og hafnaráðs þann 4. desember 2019.

"Fyrir fundinum liggur útreikningur á jöfnun húshitunarkostnaðar fyrir árið 2019. Í honum er tekið tillit til breytinga á gjaldskrám veitufyrirtækja og er gjaldið nú 248,30 kr/m3 húss. Heildarkostnaður Hitaveitu Dalvíkur er því um kr. 2.889.863,-.

Veitu- og hafnaráð samþykkir samhljóða með fimm atkvæðum framlagðan útreikning."

Frá 928. fundi byggðaráðs þann 5. desember 2019.

"Þann 20. nóvember sl. komu stjórnarformaður og framkvæmdastjóri Menningarfélagsins Bergs til viðræðna við sveitarstjóra um Menningarhúsið Berg og þá samninga sem gilda um starfsemi hússins og á milli félagsins og Dalvíkurbyggðar.
Hugmyndir eru uppi hjá stjórn Menningarfélagsins Bergs að setja af stað þróunarvinnu fyrir Menningarhúsið Berg en nú eru liðin 10 ár frá því húsið var tekið í notkun.

Rætt um starfsemina í Menningarhúsinu og þá möguleika sem húsið býður upp á.

Gísli Bjarnason vék af fundi kl. 12:07.

Byggðaráð samþykkir samhljóða með 3 atkvæðum að skipa Gísla Bjarnason, sviðsstjóra fræðslu- og menningarsviðs og Ellu Völu Ármannsdóttur, formann menningarráðs, í vinnuhóp um þróunarvinnu fyrir Menningarhúsið Berg. Stjórn Menningarfélagsins skipi tvo aðila í vinnuhópinn. Áætlað er að vinnuhópurinn skili af sér hugmyndum fyrir lok janúar 2020."

Til máls tók:
Gunnþór E. Gunnþórsson

Frá 929. fundi byggðaráðs þann 16. desember 2019.

"Knattspyrnudeild UMFS hefur óskað eftir auknu framlagi vegna rekstrarkostnaðar við gervigrasvöll á árinu 2019. Ekki hafði verið gert ráð fyrir framlagi vegna reksturs vallarins á þessu ári, en búið er að gera ráð fyrir því árið 2020.

Íþrótta- og æskulýðsfulltrúi fór yfir ofangreint og leggur til að UMFS fái greiddar kr. 866.590 sem er óráðstafað af lyklum 06800-9145 og 06800-9110 á fjárhagsáætlun ársins 2019 til að mæta kostnaði við upphitun á gervigrasvellinum fyrir árið 2019.

Gísli Rúnar vék af fundi kl. 16:32.

Byggðaráð samþykkir samhljóða með 3 atkvæðum ofangreinda tillögu íþrótta- og æskulýðsfulltrúa."

Frá 929. fundi byggðaráðs þann 16. desember 2019.

"Tekið fyrir erindi frá sveitarstjóra dagsett 10. desember 2019, beiðni um að nýta eftirstöðvar á fjárhagsáætlun af liðum 21400-2810 og 21400-2850 til að bæta fjarfundabúnað í fundarsalnum Upsa í Ráðhúsi.

Samkvæmt bókhaldi er rúmlega 600.000 kr eftirstöðvar af þessum tveimur liðum samtals og samkvæmt upplýsingum frá tölvuumsjónarmanni er áætlaður kostnaður við búnaðinn um 600.000 kr m.v. þann búnað sem hann leggur til.

Byggðaráð samþykkir samhljóða með 3 atkvæðum ofangreinda tillögu sveitarstjóra. Tölvuumsjónarmanni falið að uppfæra fjarfundabúnað í Upsa og bæta fundaaðbúnað í Múla samkvæmt umræðum á fundinum."

Til máls tóku:
Katrín Sigurjónsdóttir
Guðmundur St. Jónsson
Gunnþór E. Gunnþórsson

Frá 929. fundi byggðaráðs þann 16. desember 2019.

"Tekið fyrir erindi frá sviðsstjóra umhverfis- og tæknisviðs dagsett 5. desember 2019, beiðni um viðauka við fjárhagsáætlun 2019 vegna fjárfestinga sem hefur verið frestað til ársins 2020.

Hlutdeild Dalvíkurbyggðar í sjóvörnum kr. 3.000.000 og strætóskýli kr. 3.500.000. Samtals kr. 6.500.000 lækkun fjárfestingar í málaflokki 32200 og kemur til hækkunar á handbæru fé, viðauki nr. 34/2019.

Byggðaráð samþykkir samhljóða með 3 atkvæðum viðauka nr. 34/2019. Lækkun fjárfestinga í málaflokki 32200 um 6.500.000 kr, til hækkunar á eigin fé."

Frá 929. fundi byggðaráðs þann 16. desember 2019.

"Tekið fyrir erindi frá sviðsstjóra umhverfis- og tæknisviðs dagsett 10. desember 2019, ósk um tilflutning á fjármagni vegna snjómoksturs.

Óskað er eftir að flytja 2.000.000 kr af deild 09220 og 2.500.000 af deild 08210, samtals 4.500.000 kr. og auka framlag til snjómoksturs á deild 10600 um sömu upphæð, 4.500.000 kr. Viðauki nr. 35/2019.

Byggðaráð samþykkir samhljóða með 3 atkvæðum ofangreindan viðauka nr. 35/2019 og hækkar hann um 3.000.000 kr. til snjómoksturs. Þannig komi 4.500.000 kr til millifærslu á milli deilda á umhverfis- og tæknisviði skv. tillögu sviðsstjóra og 3.000.000 til lækkunar á handbæru fé."

Til máls tóku:
Guðmundur St. Jónsson
Gunnþór E. Gunnþórsson

Frá 929. fundi byggðaráðs þann 16. desember 2019.

"Erindi frá Tækifæri hf. dagsett 3. desember 2019, þar sem stjórn Tækifæris hefur ákveðið að bjóða núverandi hluthöfum félagsins að kaupa nýtt hlutafé í hlutfalli við eign sína.

Í samþykktunum félagsins kemur fram að stjórn sé heimilt að hækka hlutafé í einu lagi eða í áföngum um allt að 300 m.kr. að nafnverði með áskrift nýrra hluta og á stjórnarfundi þann 31. október tók stjórn Tækifæris ákvörðun um að nýta þá heimild samkvæmt 2. grein samþykkta félagsins.

Hluthafar skulu tilkynna til félagsins hvort þeir ætla að taka þátt í hlutafjáraukningunni í síðasta lagi þann 20. desember 2019.

Byggðaráð samþykkir samhljóða með 3 atkvæðum að taka ekki þátt í hlutafjáraukningunni."

Til máls tók:
Guðmundur St. Jónsson

Frá 929. fundi byggðaráðs þann 16. desember 2019.

"Sveitarstjóri lagði fram drög að tilboði til Ríkisins í Selárlandið, með rökstuðningi, skv. bókun byggðaráðs á 928. fundi þann 5. desember sl.

Byggðaráð samþykkir samhljóða með 3 atkvæðum framlögð drög og felur sveitarstjóra að senda inn formlegt tilboð til Ríkisins í Selárlandið."

Frá 929. fundi byggðaráðs þann 16. desember 2019.

"Farið yfir stöðu mála eftir hamfaraveðrið í vikunni og framhaldið. Rætt um stöðu íbúa, atvinnulífs, aðkoma björgunarsveitar, álag á veitukerfi o.fl.

Ekki sér ennþá fyrir endann á málum þar sem Landsnet hefur ekki náð að klára uppbyggingu á Dalvíkurlínu en áætlanir eru um að því ljúki í fyrsta lagi á miðvikudag. Enn er rafmagn á Dalvík, Upsaströnd, Skíðadal og Svarfaðardal keyrt á varaafli úr varðskipinu Þór og frá díesel rafstöðvum. Á mánudag var atvinnulífinu hleypt af stað en ekki er hægt að keyra það að fullu vegna orkuálags.

Í kvöld munu sjálfboðaliðar úr hópi íbúa Dalvíkurbyggðar standa fyrir samverustund í þakklæti í Menningarhúsinu Bergi og eru þeim færðar bestu þakkir fyrir framtakið.
Málið verður áfram til umræðu á næstu fundum byggðaráðs þegar sér til loka hamfaranna.

Á óformlegum fundi sveitarstjórnar í síðustu viku var eftirfarandi bókun samþykkt:

Sveitarstjórn Dalvíkurbyggðar vill koma á framfæri innilegu þakklæti til þeirra fjölmörgu sem standa nú í ströngu við að létta neyð af samfélaginu. Björgunarsveit, landhelgisgæsla, starfsmenn Landsnets, Rarik, verktaka og veitna ásamt svo fjölmörgum öðrum sem leggja nú dag við nótt í hjálparstarfi. Miklar þakkir eru færðar til þeirra sem hafa komið um langan veg til aðstoðar í Dalvíkurbyggð. Þá þakkar sveitarstjórn íbúum fyrir æðruleysi og nágrönnum og ráðamönnum landsins fyrir samhug á erfiðum tímum. Forgangsröðin þar til Dalvíkurlína kemst í gagnið er að tryggja íbúum í dölunum á köldu svæði bráðabirgðaorku.

Slíkar hamfarir eru sem betur fer fátíðar og því hefur ýmislegt betur mátt fara í sambandi við upplýsingaflæði og viðbrögð. Mikilvægt er að draga lærdóm af þessum hamförum og mun verða sest yfir verkferla þegar eðlilegt ástand kemst á á ný.

Sveitarstjórn hvetur íbúa til að deila upplýsingum til ættingja sinna í byggðarlaginu. Þá hugi íbúar að eldra fólki og einstæðingum í sínu nánasta umhverfi. Sveitarstjórn ítrekar að þeir sem hafa aðgang að rafmagni spari það eins og kostur er."

Til máls tóku:
Katrín Sigurjónsdóttir
Gunnþór E. Gunnþórsson
Guðmundur St. Jónsson
Felix Rafn Felixson

Með fundarboði sveitarstjórnar fylgdi tillaga að heildarviðauka IV við fjárhagsáætlun 2019. Helstu niðurstöður eru:

Rekstrarniðurstaða A-hluta er jákvæð um 33,2 m.kr. (var 65,7 m.kr.) en þar af er Aðalsjóður neikvæður um 38.8 m.kr (var 12,7 m.kr.).
Rekstrarniðurstaða B-hluta er jákvæð um 53,9 m.kr. (var 70 m.kr.).
Rekstrarniðurstaða A- og B- hluta samtals er jákvæð um 70 m.kr. (var 118,6 m.kr.).
Áætlaðar fjárfestingar eru samtals um 324,4 m.kr (voru 346,9 m.kr.).

Til máls tók:
Katrín Sigurjónsdóttir