Byggðaráð

Undir þessum lið komu á fund byggðaráðs fulltrúar í Öldungaráði þær Kolbrún Pálsdóttir og Helga Mattína Björnsdóttir frá eldri borgurum og Eyrún Rafnsdóttir, sviðsstjóri félagsmálasviðs, kl. 13:00.

Til umræðu ýmis mál er varða málefni íbúa 60 ára og eldri í Dalvíkurbyggð. Sveitarstjóri tekur saman minnispunkta af fundinum og sendir út fundargerð eftir fund.

Kolbrún, Helga Mattína og Eyrún viku af fundi kl. 14:20.

Tekið fyrir minnisblað innanhúss frá sviðsstjóra fjármála- og stjórnsýslusviðs er varðar vátryggingar sveitarfélagsins og vangaveltur um hvort leita á tilboða á árinu 2020 í tryggingaverndina.

Tekið fyrir bréf frá sviðsstjóra umhverfis- og tæknisviðs dagsett 12. júní 2020, ósk um viðauka vegna göngustígs frá Olís að Árgerði sunnan Dalvíkur.

Framkvæmdir vegna færslu lóðar við Ásgarð eru áætlaðar dýrari en gert var ráð fyrir við hönnun stígsins. Einnig var lægsta tilboð í verkið 11% yfir kostnaðaráætlun Vegagerðarinnar. Umhverfisráð fjallaði um málið og leggur til að beðið verði með framkvæmdir við gangstéttir upp á 3.000.000 kr til að mæta kostnaði en sótt verði um viðauka fyrir eftirstöðvunum, 7.812.400 kr.

Með fundarboði fylgdu upplýsingar úr bókhaldi sveitarfélagsins, aðalbók samanburður með samtölum m.v. 31.05.2020.

Katrín Dóra Þorsteinsdóttir frá fjármála- og stjórnsýslusviði kom inn á fundinn kl. 14:42.

Til umræðu fjárhagsrammar og forsendur fjárhagsáætlunar 2021 og 3ja ára fjárhagsáætlunar.

Ekki liggur enn fyrir þjóðhagsspá að sumri eða forsendur frá Sambandinu en stjórn Sambandsins bókaði á fundi sínum þann 12. júní að "hún telur það vera áhyggjuefni að vegna frestunar á framlagningu fjármálastefnu og fjármálaáætlunar 2021-2025 muni óvissa í forsendum fjárhagsáætlana verða meiri en ella. Leggja þarf sérstaka áherslu á nána samvinnu hlutaðeigandi ráðuneyta, Hagstofu Íslands og Sambandsins, þannig að tryggt verði með öllum ráðum að sveitarfélögin fái sem gleggstar upplýsingar, og í tæka tíð, fyrir gerð fjárhagsáætlana þeirra."

Launafulltrúi sendir út þarfagreiningu vegna launa til stjórnenda núna um mánaðarmótin.

Lagt fram til kynningar fyrsta prufuálagning fasteignagjalda 2021.

Einnig fór Katrín Dóra yfir samantekt sem hún gerði á samanburði á fasteignagjöldum Dalvíkurbyggðar við önnur sambærileg sveitarfélög.

Katrín Dóra vék af fundi kl. 15:14.

Til kynningar uppfærð gögn frá Vinnumálastofnun m.v. 15. júní 2020, um fjölda þeirra sem hafa nýtt sér heimild er varðar minnkandi starfshlutfall og þeirra sem eru í almenna bótakerfinu.

Börkur Þór Ottósson, sviðsstjóri umhverfis- og tæknisviðs kom inn á fundinn kl. 15:20.

Til umræðu útleiga á Rimum en félagsheimilið og tjaldsvæðið var núna í júní auglýst til leigu.
Eitt tilboð barst og fór Börkur yfir stöðu viðræðna.

Börkur vék af fundi kl. 15:34.

Tekið fyrir bréf dagsett 9. júní 2020 frá Atvinnuvega- og nýsköpunarráðuneytinu, sjávarútvegs- og landbúnaðarráðherra, þar sem kallað er eftir umsögn um hvort rétt sé að takmarka eða banna fiskeldi eða ákveðnar eldisaðferðir í sjókvíum í Eyjafirði.

Í niðurlagi er þess beint til sveitarfélaga í Eyjafirði að þau eigi viðræður sín á milli við undirbúning umsagna/umsagnar. Óskað er umsagnar fyrir 9. júlí n.k.

Farið yfir umsagnir sveitarstjórna við Eyjafjörð um málið.

Lagt fram fundarboð frá SSNE vegna upplýsingafundar í Bergi föstudaginn 26. júní, flutt verða erindi til kynningar á tækniframförum í fiskeldi.

Tekið til kynningar erindi dagsett 1. júní 2020 frá samtökunum TUFF sem eru að setja af stað herferðina #KIND20.

Herferðin hefur það markmið að beina athygli að því jákvæða sem á sér stað í brotnum heimi dagsins í dag. Herferðin mun vera gangsett á Íslandi og mun svo fara af stað um allan heim.

Lögð fram til kynningar fundargerð 885. fundar stjórnar Sambands íslenskra sveitarfélaga frá 12. júní 2020.