Byggðaráð

Gísli Rúnar Gylfason, íþrótta- og æskulýðsfulltrúi og Gísli Bjarnason, sviðsstjóri fræðslu- og menningarsviðs, komu inn á fundinn kl. 08:02.

Til umræðu staða á vinnuskólanum í upphafi sumars. Með fundarboði fylgdi minnisblað frá íþrótta- og æskulýðsfulltrúa vegna vinnu 17 ára ungmenna í vinnuskóla 2020 en alls hafa 8 ungmenni sótt um sumarvinnu. Fyrir liggja drög að samkomulagi við Kjöl stéttarfélag um launagreiðslur á grundvelli greinar 1.3.4 í kjarasamningi og að laun verði 82% af launaflokki 117. Áætlaður heildarkostnaður Dalvíkurbyggðar af verkefninu miðað við 8 manns í 10 vikur eru 5.261.377 kr.

Á 944. fundi byggðaráðs þann 14. maí samþykkti byggðaráð að fela starfsmönnum að vinna áfram að tillögu sem felur í sér að Dalvíkurbyggð leggi til 5 sumarstörf til viðbótar við þau 8 sem eru styrkt af Vinnumálastofnun. Þannig verði 13 sumarstörf auglýst á næstu dögum fyrir námsmenn í aldurshópnum 18 ára og eldri.

Gísli Rúnar fór yfir stöðuna á átaksverkefninu sumarstörf 18-25 ára. Alls sóttu 13 manns um störf, 8 sóttu um í umhverfishóp og 5 í lista og leikjanámskeiðshóp. Búið er að móta verkefnin og ungmennin hafa hafið störf. Yfirumsjón með vinnuhópunum er í höndum deildarstjóra EF-deildar, íþrótta- og æskulýðsfulltrúa og forstöðumanns safna.

Gísli Rúnar vék af fundi kl. 08:28.

Freyr Antonsson, nýr formaður stjórnar Menningarfélagsins Bergs kom inn á fundinn kl. 08:33.

Freyr fór yfir stöðu mála í Bergi en Blágrýti ehf. hefur sagt upp samningi um veitingareksturinn í Bergi. Einnig kynnti hann þær hugmyndir sem eru í gangi varðandi framhald reksturs eða rekstrarfyrirkomulag til framtíðar.

Freyr vék af fundi kl. 09:15.

Samningur við Gísla, Eirík, Helga ehf. um afnot, umráð og útleigu á Ungó rann út þann 31.05.2020.

Með fundarboði fylgdi minnisblað frá sviðsstjóra fræðslu- og menningarsviðs þar sem dregnir eru fram kostir í stöðunni.

Gísli Bjarnason vék af fundi kl. 09:22.

Börkur Þór Ottósson, sviðsstjóri umhverfis- og tæknisviðs og Steinþór Björnsson deildarstjóri EF-deildar komu inn á fundinn kl. 09:38.

Á 944. fundi byggðaráðs þann 14. maí 2020 fól byggðaráð starfsmönnum að vinna áfram tillögur sem falla undir samþykkt sveitarstjórnar frá 31.03.2020 um 12 milljónir í atvinnuskapandi verkefni og átaksverkefni og miða við að þær séu meira atvinnuskapandi.
Lögð fram ný tillaga til umræðu, listi yfir átaksverkefni sumarsins.

Börkur og Steinþór viku af fundi kl. 10:22.

Lagður fram til samþykktar viðauki frá aðalbókara, nr. 18 við fjárhagsáætlun 2020 vegna sölu á fasteigninni Brimnesbraut 35.
Fasteignir deild 58200, lækkun um kr 6.408.380. Hækkun söluhagnaðar deild 57880 um kr 23.216.620. Lækkun á langtímalánum deild 58500 kr. 17.898.890. Hækkun á handbæru fé, deild 29200 kr 11.726.110.

Með fundarboði byggðaráðs fylgdi samantekt aðalbókara sveitarfélagsins yfir helstu birgja ársins 2019.

Jón Ingi Sveinsson vék af fundi kl. 10:26 vegna vanhæfis.

Jón Ingi Sveinsson kom aftur inn á fundinn kl. 10:29.

Á 938. fundi byggðaráðs þann 19. mars 2020 var tekinn fyrir rafpóstur frá Unicef á Íslandi, tilboð um þátttöku í verkefninu barnvæn sveitarfélög. Um er að ræða verkefni sem styður sveitarfélög í innleiðingu Barnasáttmála Sameinuðu þjóðanna, sem var lögfestur hér á landi árið 2013.
Byggðaráð vísaði erindinu til umsagnar í fræðsluráði, ungmennaráði og félagsmálaráði.

Ofangreind ráð hafa öll tekið erindið fyrir á fundum sínum í apríl og maí og leggja til að Dalvíkurbyggð taki þátt í verkefninu um barnvæn samfélög.

Samkvæmt upplýsingum frá Unicef er orðið fullbókað hjá þeim í verkefnið árið 2020 en möguleiki fyrir Dalvíkurbyggð að komast inn á árinu 2021.

Tekið fyrir bréf frá samgöngu- og sveitarstjórnaráðherra dagsett 25. maí 2020 þar sem m.a. er tilkynnt um vinnu starfshóps ríkisstjórnar og Sambands íslenskra sveitarfélaga en hlutverk hans er að safna saman samtímaupplýsingum um fjárhagsstöðu einstakra sveitarfélaga á árinu 2020 í kjölfar Covid-19 faraldursins.

Einnig tekinn fyrir tölvupóstur frá starfshópnum dagsettur 28. maí þar sem óskað er eftir fjárhagsupplýsingum vegna þessarar greiningarvinnu. Óskað er eftir því að gögn berist eigi síðar en 9. júní nk.

Tekið fyrir bréf frá Tækifæri hf. dagsett 22. maí 2020 þar sem boðað er til aðalfundar félagsins þriðjudaginn 9. júní kl. 14:00 á Akureyri.

Tekið fyrir bréf frá Lánasjóði sveitarfélaga ohf. dagsett 26. maí 2020 þar sem boðað er til aðalfundar sjóðsins föstudaginn 12. júní 2020 kl. 15:00 í Reykjavík.

Tekinn fyrir tölvupóstur frá Landskerfi bókasafna hf. dagsettur 29. maí 2020 þar sem boðað er til aðalfundar félagsins fimmtudaginn 11. júní nk. kl. 14:00 í Reykjavík.

Til kynningar fundargerð 884. fundar stjórnar Sambands íslenskra sveitarfélaga frá 20. maí 2020.