Veitu- og hafnaráð

Til upplýsinga staða bókhalds og samanburður við fjárhagsáætlun fyrir tímabilið janúar-júní 2021.

Tekið fyrir erindi frá skipulags- og tæknifulltrúa Dalvíkurbyggðar, dagsett 23. ágúst 2021, beiðni um umsögn vegna skipulagslýsingar fyrir aðalskipulagsbreytingar á Hauganesi.

Meginatriði áformaðra breytinga eru sérstaklega tilgreind í erindinu.

Umsókn um heimlögn á heitu- og köldu vatni sem og fráveitutengingu, nýtt hús á Árskógssandi.

Óskað er eftir heimlögn á köldu og heitu vatni.
Stofnæðar hitaveitunnar eru aðgengilegar og hægt að verða við þeirri ósk, kostnaður liggur ekki fyrir.

Sótt er um kalt og heitt vatn. Heita vatnið er tiltölulega aðgengilegt en kaldavatnið er hinsvegar í töluvert meiri fjarlægð.

Kristján Hjartarson vék af fundi undir þessum lið vegna vanhæfis kl. 09:46.

Sótt er um nýja tengingu Reiðholts við kaldavatnsstofninn en þessi framkvæmd tengist umsókn Sörlaskjóls á köldu og heitu vatni í maí 2021.
Sörlaskjól er sumarhús fyrir ofan Reiðholt. Verið er að ganga frá tengingu Sörlaskjóls.

Kristján kom aftur inn á fundinn kl. 09:52.

Farið yfir stöðu á verkefninu Brimnesárvirkjun en rafrænn kynningarfundur var haldinn þann 31. ágúst til upplýsinga fyrir íbúa.

Staðan núna er sú að matskyldufyrirspurn er lokið, fornleifastofnun hefur skoðað fornminjar, rennslismælingar og úrvinnsla rennslisgagna er langt komin og einnig er GPS mælingum lokið að mestu.

Næsta skref er að hefja jarðgrunnsathugun og leggja mat á aðstæður. Samhliða þessu er hugmyndin að senda rennslisgögn til Vatnaskila, sem munu stilla upp vatnafarslíkani af Brimnesá en með hliðsjón af því verður endanlegt mat lagt á virkjað rennsli.

Það er Mannvit sem heldur utan um framgang verkefnisins skv. samningi við Dalvíkurbyggð.

Sviðsstjóri kynnti stöðu á vinnu við fjárhagsáætlun 2022 og þriggja ára áætlun.

Með fundarboði fylgdi samantekt sviðsstjóra framkvæmdasviðs og sveitarstjóra á stöðu B-hluta fyrirtækja og mat á gjaldskrárhækkunum m.t.t. eiginfjárstöðu og fjárfestingaáætlunar til lengri tíma.

Lagðar fram til kynningar fundargerðir Hafnasambands Íslands frá 435. fundi þann 4. júní og 436. fundi þann 20. ágúst 2021.