Byggðaráð

Undir þessum lið kom á fund byggðaráðs Almar Eggertsson, frá Faglausn, kl. 13:17 í gegnum TEAMS.


Á 1178. fundi byggðaráðs þann 24. mars sl. var eftirfarandi bókað:
"Á 1175. fundi byggðaráðs þann 19. febrúar sl. var eftirfarandi bókað:
Undir þessum lið komu á fund byggðaráðs Helga Íris Ingólfsdóttir, deildarstjóri Eigna- og framkvæmdadeildar, kl. 13:15 og frá Faglausn í gegnum TEAMS Almar Eggertsson, kl. 13:15.
Á fundi sveitarstjórnar þann 17. febrúar sl. var samþykkt að leggja niður vinnuhóp í tengslum við húsnæðismál Slökkviliðs Dalvíkur og málið unnið áfram í gegnum byggðaráð.
Með fundarboði byggðaráðs fylgdi tillöguteikning; grunnmynd af Slökkvistöð, dagsett þann 17.02.2026.
Almar vék af fundi kl. 13:51.
Helga Íris vék af fundi kl. 14:08.
Niðurstaða : Byggðaráð felur sveitarstjóra að vinna áfram að málinu.
Sveitarstjóri gerði grein fyrir stöðu mála."
Niðurstaða : Lagt fram


Á fundinum var farið yfir nýjustu samskipti sveitarstjóra við Faglausn um verkefnið ásamt teikningum frá Faglausn, sbr. rafpóstur dagsettur þann 30.04.2026, miðað við staðsetningu við Ólafsfjarðarveg.

Almar vék af fundi kl. 14:02.

Undir þessum lið kom á fund byggðaráðs Helga Íris Ingólfsdóttir, deildarstjóri Eigna- og framkvæmdadeildar, kl. 14:01.


Á 1177. fundi byggðaráðs þann 12. mars sl. var m.a. eftirfarandi bókað:
"Byggðaráð samþykkir samhljóða með 3 atkvæðum að rekstur tjaldsvæðisins á Dalvík verði auglýstur sem fyrst og til grundvallar verði verðfyrirspurnargögnin frá 2025."

Dalvíkurbyggð óskaði eftir verðtilboði í rekstur á tjaldsvæðinu á Dalvík, sbr. auglýsing er birtist þann 19. mars sl.
https://www.dalvikurbyggd.is/is/frettir-og-tilkynningar/verdtilbod-oskast-i-rekstur-a-tjaldstaedinu-a-dalvik

Tvö tilboð bárust en hvorug uppfylla þær kröfur sem gerðar voru um skil á fylgigögnum. Með fundarboði byggðaráðs fylgdi minnisblað deildarstjóra, dagsett þann 30. apríl 2026, þar sem gert er grein fyrir málinu. Fram kemur að taka þarf afstöðu til þess hvort ganga eigi til samninga við annan hvorn tilboðsgjafanna eða auglýsa reksturinn aftur.

Á 1178. fundi byggðaráðs þann 24. mars sl. var m.a. eftirfarandi bókað:
"Undir þessum lið komu á fund byggðaráðs Fanney Hauksdóttir, arkitekt, og fulltrúar í vinnuhópi um húsnæði byggðasafns, Helga Íris Ingólfsdóttir, deildarstjóri Eigna- og framkvæmdadeildar, Emil J. Einarsson, Lovísa María
Sigurgeirsdóttir, formaður menningarráðs, Björk Eldjárn Kristjánsdóttir, kl. 14:00.
Til umræðu fyrirliggjandi tillögur og hugmyndir að nýbyggingu byggðasafns við Menningarhúsið Berg.
Fanney, Helga Íris, Emil, Lovísa María, Björk og Gísli viku af fundi kl. 14:40.
Niðurstaða : Lagt fram til kynningar."

Með fundarboði byggðaráðs fylgdu uppfærðar tillögur að hugmyndum að nýbyggingunni þar sem búið er að setja inn breytingar frá fundi vinnuhópsins þann 10. mars sl.

Helga íris vék af fundi kl. 14:36.

Á 389. fundi sveitarstjórnar þann 21. apríl sl. var m.a. eftirfarandi bókað:
"Freyr Antonsson, sem leggur fram eftirfarandi tillögu:
"Verbúðir hafa verið auglýstar til sölu. Tekin verður afstaða til tilboða í fyrsta sinn á byggðaráðsfundi 30. apríl. Eftir það þegar tilboð berast.
Sveitarstjórn óskar eftir því að tilboðsgjafar tilgreini í hverju framtíðarnot á húsnæðinu verða og hvernig viðhaldi þeirra verður háttað.
Byggðaráði og hafnastjóra er hér með falið að annast söluferlið og koma með tillögu til sveitarstjórnar. "
Fleiri tóku ekki til máls.
Sveitarstjórn samþykkir samhljóða með 7 atkvæðum ofangreinda tillögu forseta sveitarstjórnar."

Á 1. fundi fjölskylduráðs Dalvíkurbyggðar þann 14. apríl sl. var eftirfarandi bókað:
"Tekið fyrir erindi frá Golfklúppnum Hamri. Varðandi ráðningu á vallarstjóra- rekstrarstjóra.
Niðurstaða : Fjölskylduráð samþykkir með fimm atkvæðum að veita GHD 3.000.000 kr. Íþróttafulltrúa falið að óska eftir viðauka til Byggðaráðs og að endurskoða rekstrarsamning GHD eftir sumarið."

Með fundarboði byggðaráðs fylgdi minnisblað íþróttafulltrúa og sviðsstjóra fræðslu- og menningarsviðs, dagsett þann 10. apríl sl., þar sem þróttafulltrúi leggur til að GHD fái styrk til þess að ráða vallar- og rekstrarstjóra til frambúðar. Gerður verði viðauki upp á kr.3.000.000 til að mæta auka fjárþörf GHD vegna ráðningarinnar út árið. Í tengslum við fjárhagsáætlunarvinnu næstu ára verði íþróttafulltrúa falið að endurskoða rekstrarsamning GHD við Dalvíkurbyggð þar sem gert verði ráð fyrir vallarstjóra og rekstrarstjóra í fullu starfi. Ljóst sé að ekki er hægt að sjá um golfvöll í sjálfboðaliðavinnu nú á tímum, auk þess í starfi vallarstjóra golfvalla felst mikil sérþekking. Með því að samtvinna vallar- og rekstarstjóra störf hjá GHD væri hægt að eyða óvissu um umsjón golfvallarins.

Með fundarboði byggðaráðs fylgdi einnig viðaukabeiðni íþróttafulltrúa, dagsett þann 20. apríl sl., þar óskað er eftir viðauka að upphæð kr. 3.000.000 á lið 06800-9145 vegna þessa viðbótarstyrks.

Bókað í trúnaðarmálabók.

Byggðaráð samþykkir samhljóða með 3 atkvæðum viðaukabeiðni, viðauki nr. 12 við fjárhagsáætlun 2026, að upphæð kr. 4.031.052, þ.e. kr. 1.995.831 á deild 04140 og kr.2.035.321 á deild 04240. Byggðaráð samþykkir samhljóða með 3 atkvæðum að viðaukanum verði mætt með lækkun á handbæru fé.
Vísað til umfjöllunar og afgreiðslu í sveitarstjórn.

Sviðsstjóri fjármála- og stjórnsýslusviðs kynnti eftirfarandi skýrslur:
Staða bókhalds janúar - mars 2026 í samanburði við heimildir í fjárhagsáætlun.
Staða launakostnaðar janúar - mars 2026 í samanburði við heimildir í fjárhagsáætlun.

Með fundarboði byggðaráðs fylgdu gögn varðandi ársfund Brákar íbúðafélags hses. sem haldinn var 28. apríl sl. Fram kemur að stjórn og fulltrúaráð Brákar hafa á undanförnum mánuðum unnið að því að greina rekstrargrundvöll félagsins til framtíðar, þar með talið mögulega samlegð við rekstur Leigufélagsins Bríetar ehf. Meðfylgjandi er sameiginleg bókun sem var til umræðu undir dagskrárliðnum önnur mál á ársfundi félagsins, þar sem lýst er yfir vilja stjórnar og fulltrúaráðs Brákar til þess að ganga til viðræðna við Leigufélagið Bríeti um mögulega sameiningu félaganna tveggja. Tillagan var ekki til afgreiðslu heldur var gert grein fyrir henni á fundinum.
Komi til þess að stjórnir félaganna tveggja nái samkomulagi um sameiningu verður boðað til aukaársfundar og tillaga þá lögð fyrir stofnaðila til afgreiðslu.

Sveitarstjóri sat ofangreindan fund fyrir hönd Dalvíkurbyggðar.

Tekinn fyrir rafpóstur frá Leigufélaginu Bríet ehf., dagsettur þann 8. apríl sl. þar sem boðað var til aðalfundar þann 21. apríl sl. Þann 14. apríl sl. var tilkynnt í rafpósti um frestun á þeim fundi.
Boðað var svo til auka hluthafafundar samkvæmt rafpósti þann 20. apríl sl., en sá fundur fór fram 28. apríl sl. Á fundinum var lögð fram tillaga að breytingum á 5. gr. samþykkta.

Tekinn fyrir rafpóstur frá SSNE, dagsettur þann 10. apríl sl. þar sem sveitarfélögin innan SSNE eru hvött til að taka meðfylgjandi vinnuskjal aðgerðaáætlunar Byggðaáætlunar til skoðunar með sveitarstjórnum :https://www.byggdastofnun.is/static/files/Byggdaaetlun2022- 2036/hvitbok_vinnuskjal_31.03.2026.pdf

Tekið fyrir erindi frá Sýslumanninum á Norðurlandi eystra, dagsett þann 27. apríl sl, þar sem óskað er umsagnar um tækifærisleyfi frá Styrká Baldurssyni vegna tónleika MA í Rimum þann 9. maí nk.

Tekið fyrir erindi frá SSNE, rafpóstur dagsettur þann 21. apríl sl., þar sem bent er á beiðni um umsögn frá nefnda- og greiningarsviði Alþingis vegna fjármálaáætlunar fyrir árin 2027-2031. Frestur til að skila inn umsögn er til og með 4. maí nk.