Byggðaráð

Undir þessum lið komu á fundinn Börkur Þór Ottósson, sviðsstjóri umhverfis- og tæknisviðs, Steinþór Björnsson, deildarstjóri Eigna- og framkvæmdadeildar, og Katrín Dóra Þorsteinsdóttir, ráðgjafi frá Projects í gegnum fjarfund, kl. 8:15.

Tekið fyrir minnisblað frá sviðsstjóra umhverfis- og tæknisviðs og deildarstjóra Eigna- og framkvæmdadeildar, dagsett þann 20. ágúst 2020, er varðar uppfærðar leiðbeiningar vegna Eignasjóðs og Félagslegra íbúða. Með fundarboði fylgdi tillaga að endurskoðun reglna um Eignasjóð og Félagslegar íbúðir. Tillögurnar eru unnar með ráðgjafa frá Projects.

Til umræðu ofangreint.

Katrín Dóra vék af fundi kl. 9:00.
Steinþór vék á fundi kl. 9:20.

Tekið fyrir erindi frá sviðsstjóra umhverfis- og tæknisviðs, dagsett þann 1. september 2020, er varðar viðaukabeiðni vegna tímabundinnar ráðningar skrifstofumanns á tæknideild áætlað frá 15. september til 31. desember 2020. Aðalverkefnið sem um ræðir er innfærsla á upplýsingum í viðhaldskerfi Hannarrs, en það verkefni hefur setið á hakanum í nokkur ár. Einnig er töluvert af teikningum sem þarf að skanna ásamt gjaldskráruppfærslum og innheimtu ýmis konar sem fylgir haustinu.

Um er að ræða viðaukabeiðni að upphæð kr. 2.511.954 á deild 09210.

Til umræðu ofangreint.

Börkur vék af fundi kl.09:42

Á 325. fundi sveitarstjórnar þann 12. maí 2020 var eftirfarandi bókað:
"Á 942. fundi byggðaráðs þann 30. apríl 2020 var eftirfarandi bókað: "Teknir fyrir tölvupóstar frá Fjármála- og efnahagsráðuneytinu dagsettir 20. og 29. apríl 2020, svar við tilboði Dalvíkurbyggðar í Selárlandið. Byggðaráð samþykkir samhljóða gagntilboð Ríkisins í Selárlandið og felur sveitarstjóra að ganga frá samningum þar um. Byggðaráð samþykkir samhljóða viðauka nr. 16 við fjáhagsáætlun 2020, 10 miljónir króna, hækkun á fjárfestingu í eignasjóði 32200-11500 vegna kaupa á Selárlandinu. Fjárhæðin komi til lækkunar á handbæru fé."
Sveitarstjórn samþykkir samhljóða með 7 atkvæðum ofangreinda afgreiðslu byggðaráðs, gagntilboð í Selárlandið. Sveitarstjórn samþykkir samhljóða með 7 atkvæðum ofangreinda afgreiðslu byggðaráðs, viðauka nr. 16 við fjárhagsáætlun 2020."

Með fundarboði fylgdi drög að kaupsamingi / afsali til um jörðina Selá, Dalvíkurbyggð til yfirferðar.

Til umræðu ofangreint.

Á 930. fundi byggðaráðs þann 9. janúar 2020 var sveitarstjóra falið að senda hugmynd um breyttar áherslur vinabæjarmótanna til hinna vinabæjanna í samstarfinu.

Með fundarboði byggðaráðs fylgdi rafpóstur, dagsettur þann 31. ágúst 2020, frá Borga (Porvoo) sem er svar við rafpósti sveitarstjóra frá 28. janúar 2020 varðandi vangaveltur um hvernig á að fara með fyrirhugað vinabæjamót 2021 i ljósi stöðu mála vegna Covid vírusar.

a) Halda áfram með áætlanir um mót á Dalvík 2021?
b) Hætta við undirbúningsfund 2020 og halda hann árið 2021 með því markmiði af hafa mótið 2022 á Dalvik ?
c) Setja allar áætlanir á bið og taka stöðuna í ágúst 2021 ?
d) Aðrar tillögur.

Til umræðu ofangreint.

Tekið fyrir erindi frá Samgöngu- og sveitarstjórnarráðuneytinu, þar sem vísað er í bréf til allra sveitarfélaga, dagsett þann 25. janúar 2018, þar sem ráðuneytið óskaði eftir upplýsingum um alla samninga sveitarfélaga sem fela í sér samstarf við önnur sveitarfélög og starfað er eftir, ásamt afritum af þeim. Markmið verkefnisins var að afla heildstæðra upplýsinga um þá samninga sem starfað er eftir í samstarfi sveitarfélaga um land allt og leggja mat á hversu vel þeir samræmast körfum sem gerðar eru til slíkra samninga í lögum, einkum ákvæðum er varða framsal til töku stjórnvaldsákvarðana. Yfirferð ráðuneytisins leiddi í ljós að ýmsir annmarkar eru á meirihluta samninganna. Ráðuneytið gerir athugasemdir við nokkra samninga sem varða samvinnu sveitarfélagsins við önnur sveitarfélög. Ráðuneytið beinir því til sveitarfélagsins að það yfirfari framangreinda samninga og aðra samninga sem fela í sér samvinnu við önnur sveitarfélög og fer fram á að verða upplýst um afrakstur framangreindrar vinnu eigi síðar en 15. nóvember n.k.

Til umræðu ofangreint.

Tekið fyrir bréf frá Umboðsmanni barna, dagsett þann 26. ágúst 2020, þar sem því er beint til sveitarfélaga að líta til markmiðs æskulýðslaga um hlutverk og tilgang ungmennaráða og tryggja að í ungmennaráðum eigi eingöngu sæti fulltrúar ungmenna í sveitarfélaginu undir 18 ára aldri þannig að tryggt sé að sjónarmið barna fái vægi í töku ákvarðana og mótun stefnu í málefnum sem varða þau. Fram kemur að samkvæmt nýlegri rannsókn eru 44 af 51 ungmennaráðum í sveitarfélögum landsins skipuð að hluta til eða jafnvel að öllu leyti, ungu fólki sem er orðið 18 ára.

Í erindisbréfi Ungmennaráðs Dalvíkurbyggðar segir í grein 2 um skipun ráðsins;
"Fulltrúar geta þeir verið sem eiga lögheimili í Dalvíkurbyggð og eru 14 - 20 ára á árinu sem skipað
er í ráðið. Góð aldursdreifing er æskileg en er þó ekki skilyrði."

Til umræðu ofangreint.

Sveitarstjóri vék af fundi kl. 10:00 til annarra starfa.

Með fundarboði byggðaráðs fylgdi uppfærðar leiðbeiningar um ritun fundargerða og fundarsköp í framhaldi af endurskoðun á Samþykkt um stjórn Dalvíkurbyggðar og endurskoðun á erindisbréfum ráða.

a) Áhættugreining - yfirferð framkvæmdastjórnar

Með fundarboði fylgdi tillaga framkvæmdastjórnar hvað varðar áhættugreiningu með forsendum fjárhagsáætlunar 2021-2024.

b) Umræður um verklag, áherslur og markmið vegna vinnu við fjárhagsáætlun 2021-2024.

c) Drög að fjárhagsramma 2021 - til umræðu.

Sviðsstjóri fjármála- og stjórnsýslusviðs kynnti fyrstu drög að fjárhagsramma fyrir árið 2021.

Sviðsstjóri fjármála- og stjórnsýslusviðs kynnti stöðumat stjórnenda þar sem borið er saman staða bókhalds í samanburði við heimildir í fjárhagsáætlun fyrir janúar- júní 2020, sbr. fjárhagsáætlunarferli.

Einnig lagður fram og kynntur heildarlisti yfir stöðu bókhalds vs. áætlun fyrir janúar - júní 2020 og janúar - júli 2021 sem og þverkeyrsla lykla í samanburði við áætlun janúar - júlí 2020.