Veitu- og hafnaráð

Ráðsmenn kynntu sér 362. fundagerð stjórnar Hafnasambands Íslands.

Í bréfi Matvælastofnun sem dagsett er 11. október 2013 kemur fram að allar hafnir Hafnasjóðs Dalvíkurbyggðar voru heimsóttar. Einnig kemur eftirfarandi fram, Dalvíkurhöfn og höfnin að Hauganesi er til fyrirmyndar og bent á það að við höfnina á Árskógssandi sé olíutankur óþarflega nærri löndunaraðstöðu þegar litið er til öryggis matvæla.

Með bréfi, sem dagsett er 13. desember 2013 og barst með rafpósti 18. desember 2013,er beðið um umsögn vegna tillagna að breyttum reglum um skráningu og vigtun á sjávarafla.

Við gerð nýs hafnarkants er nauðsyn á að taka deiliskipulag hafnarsvæðisins á Dalvík til endurskoðunar. Einnig hefur verið mikil umræða í ráðinu um þær breytingar sem fyrirsjánalegar eru í nýtingu hafnarinnar og umferð um hana. Þar nægir að nefna þá miklu umferð sem hvalaskoðun kallar á.

Borist hefur bréf, sem dagsett er 6. janúar 2014 frá siglingasviði Vegagerðarinnar. Í framangreindu bréfi kemur fram að samkvæmt núverandi flokkun Dalvíkurhafnar þá gæti hún notið ríkisstyrks. Fram kemur einnig að við gerð næstu samgönguáætlunar þá verður flokkun Dalvíkurhafnar endurskoðuð og getur það þá haft áhrif á hvort hafskipakantur nýtur ríkisstyrks. Bréfinu lýkur á því að Vegagerðin mun taka umsókn Dalvíkurhafnar um gerð hafskipakants til skoðunar við gerð næstu samgönguáætlunar en það verður vonandi á þessu ári.
Einnig voru kynntar á fundinum botnrannsóknir og nýjar hugmyndir um staðsetningu á hafnarkantinum.
Kynntur var á fundinum drög að hönnunarsamningi við Vegagerðina.

Sveitarstjórn Dalvíkurbyggðar hefur falið veitu- og hafnaráði forsjá Gagnaveitu Dalvíkurbyggðar.

Með bréfi sem dagsett er 13. janúar 2014, kemur fram í máli ráðherra atvinnuvega- og nýsköpunar að óskað sé að orkufyrirtæki axli ábyrgð á þróun verðlags með því að gæta ítrasta aðhalds og varkárni við gjaldskrárbreytingar.

Með rafpósti, sem dagsettur er 9. janúar 2014, barst bréf frá Sigurði Viðar Heimissyni, Ara Jóni Kjartanssyni og Ólafi Traustasyni. Í framangreindu bréfi er óskað skýringum hvers vegna hitaveitureikningar þeirra hefðu hækkað eftir að nýju mælarnir voru settir upp hjá þeim. Fram kom í bréfinu að þeir sættu sig ekki við þær útskýringar sem sviðsstjóri gaf þeim að kuldakasti sé um að kenna.
Undir þessu máli er einnig fjallað um spurningar sem Pétur Sigurðsson, ráðsmaður í veitu- og hafnaráði, sendi til sviðstjóra um sambærilegt málefni.
Sem vinnugögn vegna þessa máls eru niðurstöðu prófana á nokkrum af þeim mælum sem niður hafa verið teknir. Staðfesting frá framleiðanda af vottun þeirra mæla sem Hitaveita Dalvíkur notar í dag. Einnig samantektir af seldum rúmmetrum af heitu vatni á árum 2011, 2012 og 2013. Til upplýsingar fyrir ráðsmenn er einnig samanburður húshitunarkostnaðar sem Norðurorka vann og hefur auglýst opinberlega. Einn var samantekt á breytingum á gjaldskrá Hitaveitu Dalvíkur frá ágúst 2008 til 1. janúar 2014.
Að lokum eru upplýsingar um breytingar á fasteignarmati og álagningu gjalda frá 2008 til 2013.