Veitu- og hafnaráð

Tekin fyrir fréttatilkynning frá umhverfis-, orku- og loftslagsráðuneytinu þar sem fram kemur að ráðherra hefur staðfest reglugerð um fráveitur og skólphreinsun sem ætlað er að auka umhverfislegan ávinning af hreinsun skólps.

https://www.stjornarradid.is/default.aspx?pageid=e5cf150d-33a7-11e6-80c7-005056bc217f&newsid=33abf427-ea2f-11f0-b898-005056bcde1f

Það hefur legið fyrir í nokkurn tíma að framlengja þarf útrás fráveitu á Hauganesi, það stóð til að framkvæmdinni myndi ljúka í haust en af því varð ekki. Skipta þarf út eldra stálröri sem endar í flæðamálinu og leggja nýja lögn sem tengist innan við sjóvarnargarðinn. Garðinn þarf að rjúfa til þess að koma lögninni út.

Skilyrði fyrir styrkveitingu er að fráveituframkvæmdin sé áfangi í heildarlausn á fráveitumálum sveitarfélags í samræmi við áætlun sem hlotið hefur samþykki umhverfis-, orku- og loftslagsráðuneytisins. Styrkhæfar fráveituframkvæmdir eru framkvæmdir við safnkerfi fráveitna, hreinsivirki, dælustöðvar og útrásir. Einnig framkvæmdir við hreinsun ofanvatns, svo sem til að draga úr mengun af völdum örplasts en rannsóknir hafa sýnt að megnið af örplastmengun berst til sjávar með ofanvatni. Meðal skilyrða fyrir að fráveituframkvæmd teljist styrkhæf er að kostnaður hafi fallið til eftir 1. janúar 2020. Kostnaður við útboð, fjármagns- og lántökukostnaður og kaup á löndum og lóðum vegna framkvæmda í fráveitumálum teljast ekki styrkhæf. Sama gildir um hefðbundið viðhald og endurbætur á eldri fráveitukerfum. Þó eru endurbætur á eldri kerfum styrkhæfar ef tilgangurinn með endurbótunum er að kerfin standist gildandi kröfur laga og reglugerða.

Umsóknarfrestur vegna styrkjanna er til og með 9. febrúar 2026.

Fyrir fundinum liggur skýrsla, dagsett 6.janúar sl., Hitastigulsholur í Þorvaldsdal - Niðurstöður hitamælinga.

Evrópusambandið hefur opnað fyrir umsóknir um styrki, samtals allt að 15 milljónum evra úr Internal Security Fund (ISF) til að styðja við innleiðingu CER-tilskipunarinnar (Critical Entities Resilience). Markmiðið er að auka áfallaþol mikilvægra innviða, gegn ýmiskonar fjölþáttaógnum og kerfislægum truflunum .
Ísland er fullgilt þátttökuland í þessu ferli, og bæði opinberir aðilar og einkarekin orku- og veitufyrirtæki hér á landi geta sótt um þessa styrki og tekið þátt í verkefnum.
Frestur til að skila inn umsóknum rennur út 31. mars 2026, kl. 17:00 CET. Mat umsókna fer fram í apríl og maí og tilkynnt um niðurstöður í júní 2026.

Fram kemur í auglýsingu að mikilvægt sé talið og raunar nánast skilyrði að umsækjendur séu ekki einir á báti. Mælt er með því að þeir séu í alþjóðlegu samstarfi (consortium) með:

minnst 3 - 4 aðilum,

frá að minnsta kosti tveimur EES/EU-ríkjum,

þar sem a.m.k. einn aðili er í ESB-ríki .
Stofnanir ESB geta ekki verið meðal umsækjenda.

ISF - CER styrkjakerfið er raunhæfur og öflugur fjármögnunarfarvegur fyrir íslensk orku- og veitufyrirtæki til að:

auka öryggi og áfallaþol ómissandi innviða,

undirbúa sig fyrir strangari EES-kröfur,

byggja upp samevrópskt samstarf um vernd orkukerfa.

Fyrir fundinum liggur tölvupóstur þar sem kallað er eftir tilnefningum í stjórn.

Að beiðni stjórnar Samorku óskar tilnefningarnefnd eftir því að aðildarfélagar sem hyggjast tilnefna aðila í stjórn tilnefni fleiri en einn aðila og af ólíkum kynjum til að gefa tilnefningarnefnd kost á að stilla upp sem fjölbreyttustum hópi til stjórnar.

Óskað er eftir tilnefningum eigi síðar en 10. febrúar n.k.

Sveitarstjóri fór yfir stöðu á rekstri veitna og hafna frá janúar til desember 2025.

Lagt fram og farið yfir á fundinum fjárfestingar, framkvæmdir og viðhald á árinu 2025 á höfnum og veitum.

Með fundarboði fylgir skýrsla Vegagerðarinnar um ástandskoðun hafnamannvirkja í Eyjafirði og drög að greiningu HLH ráðgjafar vegna viðræðna um sameiningu Hafna Dalvíkurbyggðar og Hafnasamlags Norðurlands.

Fyrir fundinum liggur skýrsla "Framtíðin og íslenskar hafnir" en samantektin byggir á niðurstöðum vinnustofu Hafnasambands Íslands sem haldin var í Ólafsvík haustið 2025.

Farið yfir stöðu málsins.

Hafnasambandsþing Hafnasambands Íslands verður haldið haldið í Stapa í Reykjanesbæ 22.-23. október 2026.
Aðildarhafnir eru hvattar til þess að ganga tímanlega frá bókun í hótelgistingu.

Lagðar fram til kynningar fundargerðir stjórnar Hafnasambands Íslands, af 476.fundi þann 22.október 2025, af 477.fundi 18.nóvember 2025 og af 478.fundi 3.desember 2025.