Ungmennaráð

Tekið fyrir erindi frá Viktori Huga Júlíussyni og fleirum, bréf dagsett þann 24. ágúst 2014, þar sem þess er farið á leit að kannaður verði möguleiki á uppsetningu hjólabrettaaðstöðu í Dalvíkurbyggð.
Íþrótta- og æskulýðsráð samþykkti samhljóða með 5 atkvæðum á fundi sínum 18. september 2014 að vísa ofangreindu erindi til umsagnar ungmennaráðs og málið verði svo aftur til umfjöllunar ráðsins eftir að umsögn hefur borist.
Ungmennaráð tekur jákvætt í erindið og telur svæðið við Víkurröst og Tónlistarskóla mjög heppilegt til slíkrar uppbyggingar. Ráðið leggur áherslu á að svæðið verði hugsað í heild, enda miklir mögleikar á að skapa flott útivistarsvæði sem skóli, félagsmiðstöð og almenningur geti notað. Ráðið telur skynsamlegt að fara ekki of hratt í uppbyggingu, heldur byrja smátt og bæta við eftir þörfum og áhuga.

Lögð voru fram drög að dagskrá fyrir félagsstarf 16-20 ára í Víkurröst. Mæting hefur verið minni en á síðasta ári. Ungmennaráð telur dagskrána mjög flotta og höfða til beggja kynja og ólíkra hópa. Ræddar voru hugmyndir af því hvað hægt væri að gera til að fjölga notendum starfseminnar. Nemendur sem stunda nám í Menntaskólanum á Tröllaskaga og eru búsett á Dalvík eru líklegri til að mæta en þeir sem eru í skóla á Akureyri.
Ráðið telur starfið mjög mikilvægt og vill sjá það dafna enn frekar. Ráðið beinir því til forstöðumanns að skoða að nýta sér starfsemi Samfés á vettvangi ungmennahúsa.

Lögð fram til kynningar og umsagnar forvarnaráætlun og aðgerðaráætlun. Ungmennaráð telur forvarnaráætlunina og aðgerðaráætlunina mjög góða. Ungmennaráð telur mjög mikilvægt þegar aðgerðaráætlun er fylgt eftir með fræðslu um málefni s.s. kynfræðslu að fá til þess fagaðila sem tengjast ekki svæðinu. Í litlu samfélagi getur reynst erfitt að fá ráðjöf frá aðilum sem þekkir mann vel frá öðrum vetvangi. Ráðið telur það líklegra til árangurs ef ungmenni eru spurð að því hvað þau vilji fræðast um.

Gert er ráð fyrir að ráðið fundi 5 sinnum á ári og eru fundartímar ákveðnir í eftirfarandi mánuðum: Janúar, mars, maí, október og desember. Fundað verði annan fimmtudag í framangreindum mánuðum kl. 17:30.

Lagt fram til kynningar og umræðu drög að dagskrá af Norðulandsmóti félagsmiðstöðva. Um er að ræða samstarf félagsmiðstöðva á Eyjafjarðarsvæðinu þar sem ungmenni munu koma saman á Dalvík til verkefnavinnu/smiðjuvinnu og skemmtunar í nóvember nk. Um er að ræða tilraunaverkefni sem kemur af frumkvæði félagsmiðstöðva á Akureyri. Ungmennaráð Dalvíkurbyggðar verður með smiðjuna "taktu afstöðu" á mótinu. Einnig er til skoðunar að ungmennaráðsmeðlimir verði með aðra smiðju.

Dalvíkurbyggð mun skrifa undir samstarfssamning við Embætti Landlæknis um heilsueflandi samfélag fimmtudaginn 23. október nk. Næsta vika verður heilsuvika í íþróttamiðstöðinni og frítt í sund og rækt. Ungmennaráð leggur til að skoðaður verði mögleikinn á að íþróttafélögin haldi opna kynningartíma til að kynna sína íþrótt fyrir íbúum og þar með auka líkurnar á því að fleiri stundi viðkomandi íþrótt.

Dagur Atlason hefur óskað eftir því að hætta í Ungmennaráði Dalvíkurbyggðar. Hugrún Lind Bjarnadóttir mun koma inn sem aðalmaður í hans stað. Björgvin Páll Hauksson verður fyrsti varamaður. Finna þarf anna og þriðja varamann í ráðið og er forstöðumanni Víkurrastar falið að auglýsa eftir áhugasömum einstaklingum. Ráðið mun kjósa formann á næsta fundi sem haldinn verður 11. desember nk fram að þeim fundi tekur Sunneva Halldórsdóttir varaformaður við formennsku.